சமூக வலைத்தளங்களில் பெண்களின் ஆதிக்கம்!

**சிவா** · **சிவா** Tue Apr 17, 2012 11:31 am

`பேஸ்புக்', `டுவீட்டர்' போன்ற சமூக வலைத்தளங்களில் பெண்களின் ஆதிக்கம் அதிகரித்து வருகிறது.

சமீபத்தில் மேற்கொள்ளப்பட்ட ஓர் ஆய்வில், பிரபலமான சமூக வலைத்தளங்களில் ஈடுபாடு காட்டுபவர் களில் 58 சதவீதம் பேர் பெண்கள் என்று தெரியவந்திருக்கிறது.

பியூ ஆய்வு மைய ஆராய்ச்சியாளர்கள் இது தொடர்பான ஆய்வை மேற்கொண்டனர். அப்போது, 2008-ம் ஆண்டுடன் ஒப்பிடும்போது 2010-ல் சமூக வலைத்தளங்களில் இணைவோரின் எண்ணிக்கை இரண்டு மடங்காகி 85 கோடியாகியிருக்கிறது. ஆனால் இந்த வலைத்தளங்களில் இணையும் ஆண்களின் எண்ணிக்கை 3 சதவீதம் குறைந்துள்ளது.

இந்த விஷயம், சமூக வலைத்தளங்களின் கவனத்தையும் திருப்பியுள்ளது. அவை, ஆண்களை ஈர்க்கும் விஷயங்களில் கவனம் செலுத்த ஆரம்பித்திருக்கின்றன. ஆண்கள் தொடர்பான நிகழ்வுகளையும், படங்களையும் அதிகம் இடம்பெறச் செய்ய ஆரம்பித்திருக்கின்றன.

இந்த விஷயம் குறித்த ஆய்வில் ஈடுபட்ட முன்னணி ஆய்வாளரான கீத் ஹாம்ப்டன், தங்களை வெளிப்படுத்த சமூக வலைத்தளங்களைப் பயன்படுத்தும் உணர்வு ஆண்களுக்கு இயல்பாகவே குறைவு. எனவே, ஆண்களைக் குறிவைத்து உருவாக்கப்படும் இணையதளங்கள் கூட ஆன்லைன் மூலமாகத் தொடர்புகொள்ளும்படி அவர்களைத் தூண்டாது என்கிறார்.

``வரலாற்றுரீதியாகவே பார்த்தால், உறவுக்கான வலைப்பின்னலாக பெண்களே உள்ளனர்'' என்று விளக்குகிறார், கீத் ஹாம்ப்டன்.

தினதந்தி