அசுரனின் காஷ்மீர் அனுபவங்கள் - முடிந்தது

அசுரன் · அசுரன் Thu May 03, 2012 8:53 pm

பாகம் - 1

வணக்கம் நண்பர்களே!

சென்ற ஏப்.23 அன்று தமிழ்நாடு எக்ஸ்பிரசில் 89 மாணவர்கள் மற்றும் 6 ஆசிரியர்களுடன் காஷ்மீர் செல்ல டெல்லி நோக்கி புறப்பட்டோம், அங்கு புதுடெல்லி ரயில் நிலையத்தில் 25 ஆம் தேதி காலை இறங்கி அங்குள்ள நியூ பேலஸ் என்ற ஒரு ஓட்டலில் மாணவர்களுக்கு அறை எடுத்துக்கொடுத்து தங்க வைத்து காலை சிற்றுண்டி தந்தோம், பிறகு குளித்து முடித்து மீண்டும் கிளம்பி விமான நிலையம் சென்று மூன்று விமானங்களில் (ஸ்பைஸ்ஜெட், கோஏர் மற்றும் கிங்பிஷர்) சிறிநகர் நோக்கி பயணித்தோம்.... மாலை சிறிநகர் சென்றதும் ஓட்டல் ஷாலிமரில் மாணவர்களுக்கு அறைகள் ஒதுக்கி கொடுத்தோம், பிறகு மாலை காபி மற்றும் சிற்றுண்டியுடன் அறைகளில் சிறிது நேர ஓய்விற்கு பிறகு சிறிநகரில் புகழ்பெற்ற மொகல் கார்டன் சென்று அழகிய பூங்காவையும் அதை சுற்றிய பனிபடர்ந்த மலைகளையும் கண்டு களித்தோம்.

மொஹல்கார்டனில் அசுரன்

அசுரனின் காஷ்மீர் அனுபவங்கள் - முடிந்தது JB0290

அசுரனின் காஷ்மீர் அனுபவங்கள் - முடிந்தது JB0290

தொடரும்.....

[center]

அசுரன் · அசுரன் Thu May 03, 2012 8:59 pm

அசுரனின் காஷ்மீர் அனுபவங்கள் - முடிந்தது JB0306

பனி படர்ந்த சோன்மர்க், காஷ்மீர்

**சிவா** · **சிவா** Thu May 03, 2012 9:01 pm

அற்புதம்.... அற்புதம்.... !!!

தொடருங்கள் அசுரன்! சூப்பருங்க

இந்த பதிவைத் துவங்கியவர் நன்றி கூறியுள்ளார் சிவா

அசுரன் · அசுரன் Thu May 03, 2012 9:01 pm

அசுரனின் காஷ்மீர் அனுபவங்கள் - முடிந்தது JB0308

அசுரன் · அசுரன் Thu May 03, 2012 9:02 pm

அசுரன் · அசுரன் Thu May 03, 2012 9:05 pm

அசுரன் · அசுரன் Thu May 03, 2012 9:14 pm

பாகம் - 2

26 ஆம் தேதி 2012

சோன் மர்க் சென்று அழகிய பனிபடர்ந்த சருக்கல்களில் மாணவர்களுடன் விளையாடினேன், மூன்று புறமும் பனிமலைகள் சூழ்ந்து நம் மனம் உயர்ந்து நிற்பதை போன்ற உணர்வு ஏற்பட்டது. படங்களை மேலே பார்க்கவும், அன்று மாலை மீண்டும் வேறு ஒரு பூங்கா சென்றோம், அதுவும் கொள்ளை அழகு.

27 ஆம் தேதி 2012

இன்று தான் முக்கியமான நாள் குல்மர்க் என்ற பனி மலைகளில் கேபிள் கார் சாகசம் மற்றும் பனிச்சறுக்கு என சகல விதமான பொழுதுபோக்கும் நிறைந்த இடம், ஆனால் எங்கள் கெட்ட நேரம் அன்று குதிரைக்காரர்கள் மிலிட்டரி இடையே வாக்குவாதம் ஏற்பட்டு ஒரு மிலிட்டரி ஆள் குதிரைக்காரனை அடித்துவிட, அவர்கள் குல்மர்க் வாயிலை அடைத்து போராட்டம் நடத்தினார்கள், இரண்டு மணி நேரமாக மாணவர்களுடன் கடுங்குளிரில் காத்திருந்து பிறகு உள் சென்றோம், அங்கே குதிரைக்காரர்கள் அடாவடி அடித்து எல்லாரும் குதிரையில் தான் ஏறி செல்லவேன்டும் என்று அடம்பிடித்தனர்

நாங்கள் ஒத்துக்கொள்ள வில்லை, பிறகு ஆறு கிலோமீட்டர்கள் நடந்து சென்று கேபிள் கார் துவங்கும் இடத்தை அடைந்தோம், வழிநெடுக பனிக்கட்டி மழை மற்றும் நடுங்க வைக்கும் குளிர் அடித்தவண்ணம் இருந்தது... வாய் தந்தியடித்தபடி கேபிள் கார் அருகில் சென்றோம்

ஒரிஜினல் படம் வந்தவுடன் பதிகிறேன், இது டூப் புன்னகை

அசுரனின் காஷ்மீர் அனுபவங்கள் - முடிந்தது Gulmarg-gondola

யினியவன் · யினியவன் Thu May 03, 2012 9:51 pm

படங்களும் கட்டுரையும் அருமை அசுரன்.

பசங்களோட போனீங்களா? நா குடும்பத்தோட போனீங்கன்னு நினைத்தேன்.

அசத்தல் போசெல்லாம் குடுக்கறீங்க - சூப்பரா இருக்கு - தொடருங்கள்.

அசுரன் · அசுரன் Thu May 03, 2012 10:09 pm

தொடர்கிறது

கேபிள் கார் மேல செல்ல நாங்கள் அருகில் வந்தவுடன் கேட்டை மூடிவிட்டார்கள், வானிலை சரியில்லை பனிமழை மற்றும் குளிர் அதிகம், மாணவர்கள் முழுவதும் நினைந்துவிட்டதால் அனைவருக்கும் உடம்பு நடுநடுங்கிக்கொண்டிருந்தது... சோகமாக திரும்பி வந்துவிட்டோம்.

28 - ஆம் தேதி 2012

பெகல்காம் வேலி விய்வு :

இன்றும் நாள் அற்புதமாக இருந்தது... பெகல்காம் மலை பகுதிகளில் தான் சூட்டிங் எடுப்பார்களாம், முழு இமய மலையின் பள்ளத்தாக்கும் இங்கிருந்து பார்க்கலாம், இங்கும் குதிரைக்காரர்கள் தொல்லை அதிகம், ஒருவழியாக சமாளித்து அங்குள்ள அழகிய மலைகளையும் பூங்காவையும் பார்த்தோம்.

வேகமாக ஓடும் ஜீலம் நதிக்கரையில் அமர்ந்து உணவு உண்டுவிட்டு, இயற்கையின் அழகை நன்கு ரசித்து மனசை லேசாக்கிக்கொண்டோம்...

29 - ஆம் தேதி 2012

கடைசி நாளில் ஷாப்பிங் எல்லாம் முடித்துக்கொண்டு சிறிநகரில் இருந்து ஜம்மு ரயில் நிலையத்துக்கு வர 12 மணி நேர பஸ் பயணம், காலை மணி ஆறுக்கெல்லாம் இரண்டு பேருந்துகளில் புறப்பட்டோம், பிறகு உயர்ந்த மலைகள் வழியாக அழகாக ஊர்ந்து சென்றோம், எங்கள் கெட்ட நேரம் அன்றும் நல்ல மழை, குளிர் நடுங்க வைத்தது... மேலும் அன்று ஜம்முவில் இருந்து சிறிநகருக்கு தலைநகரத்தை மாற்றும் தினம் ஆதலால், பாதி வழியில் எங்கள் பேருந்தை மிலிட்டரி மறித்து அனுமதி அளிக்க மறுத்துவிட்டனர், மூன்று மணி நேர போராட்டத்திற்கு பின், ஒருவழியாக உயர் அதிகாரியை தொடர்பு கொண்டு அனுமதி பெற்று மீண்டும் பயனம் புறப்பட்டது.... ஆனால் அன்று மாலை ஏற வேன்டிய ஷாலிமர் எக்ஸ்பிரஸை நாங்கள் ஐந்து நிமிட நேர இடைவெளியில் தவற விட்டுவிட்டோம் சோகம்

ஏனெனில் ஏற்கெனவே மூன்று மணிநேர தாமதம் மற்றும் இரண்டில் ஒரு பேருந்து டயர் வெடித்து நடுவழியில் நின்றுவிட்டது.. பிறகு மாணவர்களையும் அவர்கள் பெட்டிகளையும் எடுத்து அந்த வழியே வந்த ஒரு லாரியில் போட்டுக்கொண்டு ஒருவழியாக ரயில் நிலையம் வர ஓடி ஒடி களைத்து போயி அந்த மூன்றாவது ப்ளாட்பாரம் போயி பார்த்தால் ரயில் நிலையத்தை கடந்துவிட்டது....