நார்வே திரைப்பட விழா 5 குறும்படங்களுக்கு தமிழர் விருது!!

**பிரசன்னா** · **பிரசன்னா** Sat Apr 28, 2012 12:16 pm

நார்வே திரைப்பட விழாவில் திரையிடப்பட்ட 20 குறும்படங்களில், 5 குறும்படங்கள் தமிழர் விருதுக்கு தேர்வு செய்யப்பட்டுள்ளது. தமிழ் திரைப்படங்களுக்காக நடத்தப்படும் ஒரே விழாவான நார்வே திரைப்பட விழா, நார்வேயின் ஆஸ்லோ மற்றும் லொரன்ஸ்கூ நகரங்களில் கோலாகலமாக தொடங்கி நடந்து வருகிறது. 25ம் தேதி முதல் 29ம் தேதி வரை நடக்கும் இத்திரைப்பட விழாவில் திரையிட 10 படங்கள், 20 குறும்படங்கள் தேர்வாகின.

இந்த ஆண்டு நார்வே திரைப்பட விழாவில் அனைவரது கவனத்தையும் கவர்ந்தவை குறும்படங்கள் போட்டிப் பிரிவுதான். ஏராளமான இளைஞர்கள், புதிய படைப்பாளிகள் ஆர்வத்துடன் தங்கள் படங்களை இதற்கு அனுப்பி வைத்தனர். போட்டிக்கு வந்த 50க்கும் மேற்பட்ட படங்களில் 20 படங்களை மட்டும் விழாவில் திரையிட தேர்வு செய்தனர் விழாக் குழுவினர். இரண்டு நாட்கள் திரையிடலின் முடிவில் 5 படங்களுக்கு விருதுகள் அறிவிக்கப்பட்டன.

அதில் சென்னையைச் சேர்ந்த எஸ் பிரவீண்குமார் தயாரித்த, தி மெசையா படம் நடிப்புக்கான சிறந்த குறும்படமாக விருது வென்றுள்ளது. சிறந்த படமாக ரோட்சைட் அம்பானிஸ் தேர்வு செய்யப்பட்டுள்ளது. சிறந்த கேமிராமேன் விருது கள்ளத்தோணி படத்துக்காக பிரபல ஒளிப்பதிவாளர் செழியனுக்கு வழங்கப்பட்டுள்ளது.

தினமலர்