சட்டபூர்வமான செக்ஸ் உறவுக்கு வயது வரம்பு 18, புதிய சட்ட திருத்தத்துக்கு மத்திய அரசு ஒப்புதல்

சட்டபூர்வ செக்ஸ் உறவுக்கு வயது வரம்பை 18 ஆக உயர்த்தும் புதிய சட்ட திருத்தத்துக்கு மத்திய அரசு ஒப்புதல் வழங்கி உள்ளது.

டெல்லியில் நேற்று நடந்த மத்திய மந்திரிசபை கூட்டத்தில் இந்த ஒப்புதல் வழங்கப்பட்டது.

வயது வரம்பு 18

செக்ஸ் குற்றங்களில் இருந்து சிறு வயதினருக்கு பாதுகாப்பு வழங்கும் சட்டத்தின்படி 16 முதல் 18 வயதுக்கு உட்பட்ட பெண்களிடம் அவர்களுடைய சம்மதத்தின் பேரில் செக்ஸ் உறவு வைத்திருந்தால் குற்றமாக கருதப்படுவது இல்லை.

புதிய சட்ட திருத்தத்தின்படி, இந்த வயது வரம்பு 18 ஆக உயர்த்தப்படுகிறது. 18 வயதுக்கு குறைவானவர்களிடம் அவர்களுடைய விருப்பத்தின் பேரில் செக்ஸ் உறவு வைத்திருந்தாலும் இனி குற்றமாக கருதப்படும் என்பது குறிப்பிடத்தக்கது.

இந்த புதிய சட்ட திருத்தம் குறித்த விழிப்புணர்வை ஏற்படுத்தும் பொறுப்பு மத்திய அரசுக்கும் மாநில அரசுக்கும் உண்டு என்ற திருத்தத்துக்கும் ஒப்புதல் வழங்கப்பட்டு இருக்கிறது. பாராளுமன்ற நிலைக்குழுவின் சிபாரிசுகளின்படி இந்த திருத்தங்கள் கொண்டு வரப்பட்டு உள்ளன.

பணியிடத்தில் செக்ஸ் கொடுமை

பெண்களுக்கு தங்கள் பணியிடங்களில் நடைபெறும் செக்ஸ் கொடுமை தடுப்பு சட்டத்துக்கான திருத்த விதிமுறைகளுக்கு மந்திரிசபை கூட்டத்தில் எதிர்ப்பு தெரிவிக்கப்பட்டது.

ஒருதலைப்பட்சமான முடிவை எடுப்பதை தவிர்க்கும் வகையில் மேற்கொண்டு இந்த மசோதா குறித்து விவாதிக்க வேண்டியது இருப்பதால், ப.சிதம்பரம் தலைமையிலான மத்திய மந்திரிகள் குழுவின் பரிசீலனைக்கு அனுப்பி வைக்க முடிவு செய்யப்பட்டது.

செங்கல்பட்டில் தடுப்பூசி மைய வளாகம்

தமிழ்நாட்டில், காஞ்சீபுரம் மாவட்டம் செங்கல்பட்டில் ரூ.594 கோடி மதிப்பீட்டில் ஒருங்கிணைந்த தடுப்பூசி மையம் அமைப்பதற்கு மந்திரிசபை கூட்டத்தில் அனுமதி அளிக்கப்பட்டது.

மத்திய சுகாதாரத்துறையின் கட்டுப்பாட்டில் உள்ள பொதுத்துறை நிறுவனம் சார்பில் அமைக்கப்படும் இதன் பணிகள் 2014-ம் ஆண்டுக்குள் முடிவடையும்.

தினதந்தி

கல்யாணத்துக்கு அப்புறம் தான் இதெல்லாம்.

சட்டம் போட்டதால 18 வயசிலயா கல்யாணம் பண்ணி வெக்கிறாங்க? அப்ப படி படின்னு உசிரயில்ல எடுக்கராங்க?

புரட்சி wrote:

18 வயசு போயி உங்களுக்கு எத்தனை வருஷம் போயிடுச்சு? நடக்க வேண்டியது நடந்தா? இல்லேல்ல அப்புறம் என்ன

புரட்சி wrote:

தலைப்பு கல்யாணத்துக்குன்னு இல்லையே?
அரசாங்கமே தப்பான உறவுக்கு அங்கீகாரம் கொடுக்கிறது மாதிரி தெரியுது.

முஹைதீன் wrote:தலைப்பு கல்யாணத்துக்குன்னு இல்லையே?
அரசாங்கமே தப்பான உறவுக்கு அங்கீகாரம் கொடுக்கிறது மாதிரி தெரியுது.

இந்த ஆளும் வர்க்கத்தினர் தப்பா புரிஞ்சுக்காம சரியா புரிஞ்சிட்டு இளைய சமுதாயத்தின் கையில் தான் வரும் காலம் இருக்குதுன்னு தெரிஞ்சிட்டு அவர்களை திருப்தி பண்ணி - அவர்களை கெடுக்க பிளான் பண்ணிட்டாணுங்க முகைதீன்.