இன்று (29/04/2012) பாவேந்தர் பாரதிதாசன் பிறந்த நாள்

**சாமி** · **சாமி** Sun Apr 29, 2012 10:20 am

தமிழுக்கு அமுதென்று பேர்! - காசி ஆனந்தன் கவிதை

தமிழுக்கு அமுதென்று பேர்!
அடடா!

இந்த ஒரு வாசகம்-
இணையற்ற பெருவாசகம்; இது-
இங்குள தமிழர்க்கெல்லாம்
இன்னுமொரு திருவாசகம்!

இந்தத்-
திருவாசகத்தை அருளிய
தீந்தமிழ்க் கவிஞன்...

பெருமாளைப் பாடிய-
நாயன்மாரில் ஒருவனல்ல;
பெரியாரைப் பாடிய-
நேயன்மாரில் ஒருவன்!

யாத்த கவிதைகள்
யாவையும்...

மாணிக்கம்
மாணிக்கமாய் யாத்ததால்-இவன்
மற்றொரு
மாணிக்க வசகனே!

ஆனால் ஒன்று;
இவனால்...
பரி நரியாகவில்லை;
நரி பரியாகவில்லை;

இவனால்...
வரி எரியாகியது;
எரி வரியாகியது; -அவ்
வரியில்-
எரியில்-
கண்மூடித் தனமெல்லாம்
காய்ந்து கரியாகியது!

இவன்
இருந்தமிழர் இருள் ஈக்கப்-

புதுவையில் உதித்த
புது வெயில்; இவன்-
நோவப் பிறந்தவரல்ல தமிழரென்று
கூவப் பிறந்த பூங்குயில்!

கொட்டோ கொட்டென்று
கொட்டினான் கவிப்பறை; அதில்
கந்தலோ கந்தலென்று
கிழிந்தது கீழவர் செவிப்பறை!

புரட்சிக் கவிஞன் என்று-
புகழ் பூத்து நின்ற பாரதிதாசன்...

புதிய தமிழ் நடையில்- பாக்கள்
புனைந்து தருவதில்-தனது
குருவை மிஞ்ச வேண்டுமென்று- அகத்தில்
குவித்து வைத்தான் ஆசையை;

ஆனால்
அதே நேரம்-
குருவை மிஞ்சக் கூடாதென்று- முகத்தில்
குறைத்து வைத்தான் மீசையை!

இத்தகு-
தகவார்ந்த கவிஞன் தான் அன்று- இசைத்தான்
‘ தமிழுக்கு அமுதென்று பேர்!’ என்று;

ஆம்;
அமுதும் தமிழும் ஒன்றுதான்!

அவ் அமுதம்-
பாற்கடல் தந்தது;

இவ் அமுதம்-
நூற்கடல் தந்தது;

அவ் அமுதம்-
வானவர் தானவர் கடைந்தது;

இவ் அமுதம்-
பாவலர் நாவலர் கடைந்தது;

கண்ணுதல் பெருமான்-தன்
தொண்டை கொண்டு;
இந்த நஞ்சை அடக்கினான்

கவிஞர் பெருமான் -தன்
தொண்டைக் கொண்டு!

யினியவன் · யினியவன் Sun Apr 29, 2012 11:27 am

பாவேந்தரை நினைவில் கொண்டு அவரை மறக்காது இன்னும் நாம் இருப்பதே அதிசயம் தான்.

நினைவில் கொண்டு வந்தமைக்கு நன்றி சாமி.

**Dr.சுந்தரராஜ் தயாளன்** · 03/09/2011

மிகவும் நன்றி சாமி அவர்களே....பா இருக்கும் வரை பாவேந்தர் புகழ் இருக்கும் மகிழ்ச்சி

சதாசிவம் · சதாசிவம் Sun Apr 29, 2012 11:58 am

நினைவு படுத்தியமைக்கு நன்றி சாமி,
அவரது குடும்ப விளக்கில்,

பொதுதொண்டு செய்தோமா என்ற கனல் வரிகள் தான் நினைக்கு வருகிறது.

அப்படியா! அறியாத படியால் சொன்னேன், அந்தமிழர் படிப்படியாய் முன்னேற்
றத்தை எப்படியா யினும்பெற்று விட்டால் மக்கள் இப்படியே கீழ்ப்படியில்
இரார்க ளன்றோ? மெய்ப்படிநம் மறிஞரின் சொற்படிந டந்தால், மேற்படியார்
செப்படி வித்தை பறக்கும். முற்படில் ஆகாததுண்டா? எப்ப டிக்கும்
முதற்படியாய்த் தமிழ்படிக்க வேண்டும் என்றாள். - பாரதி தாசன்