அபேசர் வழங்கும் யு.எஸ்.பி.டிரைவ்

யு.எஸ்.பி. டிரைவ்கள் இப்போதெல்லாம் பல வடிவங்களில், நிறைய வருகின்றன. நாம் எதிர்பார்க்காத வடிவங்களில் எல்லாம் பல கிடைக்கின்றன. சில மென்மையாக உள்ளன; சில எவ்வளவு மோசமாக அதனைப் பயன்படுத்தினாலும், தாங்கும் வகையில் வடிவமைக்கப்பட்டு நமக்குக் கிடைக்கின்றன. அப்படிப்பட்ட டிரைவ் ஒன்றை அபேசர் நிறுவனம் அண்மையில் விற்பனைக்கு அறிமுகப்படுத்தியுள்ளது. அபேசர் ஷேர் ஸ்டெனோ ஏ.சி.202 (Apacer Share Steno AC202) என்ற பெயரில் அறிமுகமாகியுள்ள இந்த டிரைவ், பார்ப்பதற்கு ஸ்டைலான தோற்றத்துடன், பேக் அப் பட்டன் ஒன்றுடன் கிடைக்கிறது. சிறிய யு.எஸ்.பி.பிளாஷ் டிரைவில் இது போன்ற பேக் அப் பட்டன் இருப்பது எதிர்பாராத ஒன்றாகும்.


மேலும் இதன் மேலாக ஒரு ரப்பர் ஜாக்கெட் அமைக்கப்பட்டுளதால், நம்மை அறியாமல் இதனைக் கீழே போட்டாலும் பாதிப்பு எதுவும் ஏற்படுவதில்லை. 320 ஜிபி கொள்ளளவு இருப்பதால், டேட்டாவினை பேக்கப் எடுக்க நாம் தயங்க வேண்டியதே இல்லை.
பேக்கிங் பிரிக் காமலேயே இதனைப் பார்க்கும் வகையில் இது பேக் செய்யப் பட்டுள்ளது. மறைவாக மற்ற துணை சாதனங்கள் அமைக்கப் பட்டுள்ளன. யு.எஸ்.பி. கேபிள்,இன்ஸ்டலேஷன் சிடி, விளக்க குறிப்பு உரை, டிரைவ் அதிர்ச்சி அடையாமல் இருக்க ஷாக் பேண்ட் ஆகியவை தரப்படுகின்றன.
ஸ்லிம்மாக இருப்பதால் இதனைப் பாக்கெட்டில் போட்டு செல்லலாம். இதன் எடையும் (84 கிராம்)நாம் புழங்கும் அளவிற்கு எளிதாக உள்ளது. பழைய கம்ப்யூட்டர்களில் இதனைப் பயன்படுத்தும் சந்தர்ப்பம் இருந்தால், அதிலிருந்து தேவையான மின்சாரம் கிடைக்காது என்பதால் ஒய் கேபிள் ஒன்றும் தரப்படுகிறது. இதன் ஒரு புறத்தில் உள்ள எல்.இ.டி. விளக்கு, டிரைவ் கம்ப்யூட்ட ருடன் இணைக்கப் பட்டிருக்கையில் எரிகிறது. டேட்டா பதிவு, அழித்தல் வேலை நடக்கையில் விட்டுவிட்டு ஒளிருகிறது. இந்த டிரைவ் என்.டி.எப்.எஸ். (NTFS) பைல் சிஸ்டத்திற்கென பார்மட் செய்யப்பட்டே நமக்குக் கிடைக்கிறது.மற்ற ஆப்பரேட்டிங் சிஸ்டங்களுடன் பயன்படுத்த வேண்டிய சூழ்நிலைகளில்



FAT32 பைல்களுக்கு பார்மட் செய்திட வேண்டும். இதனுள்ளே 2.5 அங்குல லேப்டாப் கம்ப்யூட்டருக்கான ஹார்ட் டிரைவ் உள்ளது. வேகம் 5,400 ஆர்.பி.எம். இதன் நீளம், அகலம், தடிமன் 130 x 81.2 x13.2 மிமீ ஆகும். இதன் குறியீட்டு விலை ரூ. 3,800. மூன்றாண்டு வாரண்டி தரப்படுகிறது. மார்க்கட்டில் உள்ள மற்ற டிரைவ்களுடன் ஒப்பிடுகையில் இது சற்று விலை அதிகம்தான். எனவே குறைவாகக் கிடைக்க வாய்ப்புகள் உள்ளன. இதன் பேக் அப் வசதி, கம்ப்யூட்டர் ஹார்ட் டிஸ்க்குடன் இணைந்து இயங்கும் வசதி, பாதுகாப்பு வழிகள் போன்றவற்றைப் பார்க்கையில் இது சற்று விசேஷ அம்சங்கள் கொண்ட டிரைவாகவே தெரிகிறது.