"சலனம் அற்று இருக்கும் எனது மொழி"

by **rameshnaga** Mon Apr 23, 2012 2:21 pm

அலைகளை இழந்து
எனது கைகளில் சலனம் அற்று இருக்கும்
இந்தக் கடல் நீர்
உற்றுப் பார்க்கும் குழந்தைக்கு
என்ன உண்மையை உணர்த்தக் கூடும்?
***********************************************************************
மீன்கள் நிரம்பிய இந்த ஆறு
வறண்டு போய் விட்டது கோடையில்.
ஒற்றைக் காலுடன் சில கொக்குகள்
சுற்றித் திரிகின்றன எல்லாத் திசைகளிலும்.
கனவு முட்டைகளுடன் இந்த ஆற்றில்....
நீந்தித் திரிந்த மீன்கள்
எந்தப் பாறைக்கடியில் சேர்த்துவைக்கும்
தனது கண்ணீர் முட்டைகளை?
*******************************************************************************
நான் எழுதுவதற்கான எல்லா வார்த்தைகளும்
உன்னிடம்தான் இருந்தது.
உனது விழிகளுக்குள் ஒளிந்துகொள்ளும்
எனது மொழியை...
எந்தத் தூண்டிலைக் கொண்டு கைப் பற்றுவேன் நான்?
***********************************************************************************

by **இளமாறன்** Mon Apr 23, 2012 3:53 pm

வார்த்தை தேடும் உங்கள் கவிதை நன்று மகிழ்ச்சி

by **rameshnaga** Mon Apr 23, 2012 4:03 pm

ரொம்பவும் நன்றி! இளமாறன்.

by **rameshnaga** Tue Apr 24, 2012 12:31 pm

rameshnaga wrote:ரொம்பவும் நன்றி! இளமாறன்.

by **உமா** Tue Apr 24, 2012 12:42 pm

நான் எழுதுவதற்கான எல்லா வார்த்தைகளும்
உன்னிடம்தான் இருந்தது.
உனது விழிகளுக்குள் ஒளிந்துகொள்ளும்
எனது மொழியை...
எந்தத் தூண்டிலைக் கொண்டு கைப் பற்றுவேன் நான்?

அருமையான கேள்வி கவிதை.
சூப்பர் ... நலமா?

ஒரு நல்ல கவிதை படித்த மன நிறைவு. பாராட்டுகள்.

by **rameshnaga** Tue Apr 24, 2012 12:46 pm

ரொம்பவும் நன்றி! உமா!
நான் நலம்...
நீங்களும்., வர்ஷாவும்., மற்றும் உங்களைச் சேர்ந்தவர்களும் நலமாய் இருப்பீர்கள் என நம்புகிறேன்.
வர்ஷாவுக்கு எனது பிரத்தியேகமான வாழ்த்துக்கள்.