அரசு மருத்துவமனைகளில் அடிப்படை வசதிகள் இல்லை: விஜயகாந்த்

**பிரசன்னா** · **பிரசன்னா** Mon Apr 23, 2012 12:36 pm

சேலம் அரசு மருத்துவமனையில் மகப்பேறு பிரிவில் இருப்போரிடம் நலம் விசாரிக்கிறார் தேமுதிக தலைவர் விஜயகாந்த்.

சேலம், ஏப். 22: தமிழகத்தில் அரசு மருத்துவமனைகளில் போதிய அடிப்படை வசதிகள் இல்லாமல் ஏழை மக்கள் அவதிப்படுகின்றனர் என்று தேமுதிக தலைவர் விஜயகாந்த் தெரிவித்தார்.

சேலத்தில் தேமுதிக சார்பில் ஞாயிற்றுக்கிழமை நடைபெற்ற நலத் திட்ட உதவிகள் வழங்கும் விழாவில் பங்கேற்க வந்த அவர் செவ்வாய்ப்பேட்டை, அம்மாப்பேட்டை ஆகிய இடங்களில் பேசியது: ஆட்சியில் இல்லாவிட்டாலும் எங்களால் ஆன உதவிகளை மக்களுக்கு செய்து வருகிறோம்.

நாங்கள் தேர்தலின்போது பணத்தையும், அதன்பின் இலவசங்களையும் கொடுத்து ஏமாற்ற மாட்டோம். அரசு மருத்துவமனைகளில் அடிப்படை வசதிகள் இல்லாமல் ஏழை மக்கள் அவதிப்படுகின்றனர். தமிழகத்தில் உள்ள 10 மாநகராட்சிகளிலும் சரியான சாலை வசதி இல்லை. கொசுத் தொல்லை அதிகரித்துள்ளது. தினமும் 10 மணி நேரத்துக்கும் அதிகமாக மின்வெட்டு நிலவுகிறது. இதனால், வேலை இழப்பு ஏற்பட்டுள்ளது.

இதுகுறித்து சட்டப் பேரவையில் கேள்வி எழுப்ப முற்பட்டால் எங்களுக்குப் பேச வாய்ப்பு மறுக்கப்படுகிறது.

தனது தோழி சசிகலா விவகாரத்தில், கட்சிக்குள் என்ன நடக்கிறது என்பதையே அறியாமலிருந்த முதல்வர் ஜெயலலிதா, மக்களை பற்றி எப்படி அறிவார் என்றார் விஜயகாந்த்.

முன்னதாக அவர் சேலம் அஸ்தம்பட்டியில் உள்ள மனவளர்ச்சி குன்றியோர் சிறப்புப் பள்ளிக்காக தேமுதிக சார்பில் புதிய அறைகள் கட்ட அடிக்கல் நாட்டினார். பின்னர், சேலம் மோகன் குமாரமங்கலம் அரசு மருத்துவமனைக்குச் சென்று மகப்பேறு பிரிவில் சிகிச்சைப் பெற்று வருபவர்களை சந்தித்து பொருள்களை வழங்கினார்.

தினமணி

**சிவா** · **சிவா** Mon Apr 23, 2012 12:39 pm

என்றுதான் அரசு மருத்துவமனைகளில் அடிப்படை வசதியும், மருத்துவர்களும் இருந்துள்ளார்கள். அலட்சியங்கள்தானே அரசாங்கம். நாளை இவர் ஆட்சிக்கு வந்தாலும் இதுதான் நடக்கும்!