சட்டீஸ்கரில் பாதுகாவலர்களை கொன்று கலெக்டர் கடத்தல்

by மகா பிரபு Sun Apr 22, 2012 8:17 am

சட்டீஸ்கர் மாநிலத்தில் மாவட்ட கலெக்டர் ஒருவரை நக்சலைட்டுகள் கடத்தியுள்ளனர். கடத்தல் சம்பவத்தில் கலெக்டரின் பாதுகாப்பு வீரர்கள் இருவர் கொல்லப்பட்டனர். சட்டீஸ்கர் மாநிலம் சுக்மா மாவட்ட கலெக்டர் அலெக்ஸ் பால் மேனன். அப்பகுதியில் நடந்த கிராம் சூரஜ் பிரசார நிகழ்ச்சியில் கலந்து கொண்டு விட்டு திரும்பும் வழியில் நக்சலைட்டுகளால் அவர் கடத்தப்பட்டார். இச்சம்பவத்தில் கலெக்டரின் இரு பாதுகாப்பு வீரர்கள் கொல்லப்பட்டனர். சம்பவ இடத்திற்கு மாவட்ட எஸ்.பி., அபிஷேக் சாண்டில்யா விரைந்துள்ளார்.

தினமலர்

by மகா பிரபு Sun Apr 22, 2012 8:18 am

மாவோஸ்ட்களால் கடத்தப்பட்ட கலெக்டர் திருநெல்வேலியைச் சேர்ந்தவர்

கடத்தப்பட்ட கலெக்டர் அலெக்ஸ் பால் மேனன் நெல்லை மாவட்டம் திருக்குறுங்குடியை சேர்ந்தவர். இவரது தந்தை வரதாஸ், வள்ளியூர் கன்கார்டியா துவக்கப் பள்ளியில் தலைமையாசிரியாக பணியாற்றி ஓய்வுபெற்றவர். தாய், இவரது சிறுவயதில் காலமாகிவிட்டார். தந்தை வரதாஸ், பாளையங்கோட்டை, தியாகராஜநகர், ராம்நகரில் வசித்துவருகிறார். அலெக்ஸ் பால் மேனன், பாளையங்கோட்டை ரோஸ்மேரி பள்ளியில் 1996ல் பிளஸ் டூ முடித்தார். திண்டுக்கல் ஆர்.வி.எஸ்,இன்ஜினியரிங் கல்லூரியில் எலக்ட்ரானிக் கம்யூனிகேசன் முடித்துள்ளார். 2005ல் ஐ.ஆர்.எஸ்.,தேர்வில் வெற்றிபெற்றார். இருப்பினும் முயற்சித்து 2006ல் ஐ.ஏ.எஸ்., தேர்வானார். சட்டீஸ்கர் மாநிலத்தில் சுக்மா மாவட்டத்தில் கலெக்டராக பணியாற்றிவந்தார். இவரது மனைவி ஆஷா என்ற புஷ்பபாக்கியம், எம்.பி.ஏ.,முடித்துள்ளார். திருமணமாகி ஆறு மாதங்கள் ஆகிறது. இவரும் கணவருடன்தான் வசித்துவருகிறார்.

இதுகுறித்து அவரது தந்தை வரதாஸ் கூறுகையில், என் மகன் ஐ.ஏ.எஸ்,ஆவது எனது கனவாக இருந்தது. கேரளாவை சேர்ந்த வி.கே.கிருஷ்ணமேனன், சுதந்திரம் பெற்றது முதல் 1952 வரை இங்கிலாந்தில், இந்திய ஹைகமிஷனராகவும் இந்தியாவிற்காக வெளிநாடுகளில் பல்வேறு பொறுப்புகளையும் வகித்தவர். இவர் ஐக்கிய நாட்டு சபையில் ஆற்றிய உரைகளால் கவரப்பட்டேன். எனவே எனது மகனுக்கும் பெயரில் மேனன் என சேர்த்தேன். எனது மகன் சட்டீஸ்கரில் மாவோஸ்ட்களை போராட்ட களத்தில் இருந்து மீண்டும் நேர்பாதைக்கு கொண்டுவரும் முயற்சியில் ஈடுபட்டான். கடந்த வாரம் வரையிலும் நானும் சட்டீஸ்கரில்தான் இருந்தேன். எனது மகனை மீட்க அரசுகள் முயற்சிக்கவேண்டும் என்றார்.

by balakarthik Sun Apr 22, 2012 9:49 am

by **ராஜா** Sun Apr 22, 2012 12:15 pm

நல்ல தகவல் ... உள்துறை அமைச்சர் , தேசிய பாதுகாப்பு ஆலோசகர் , பாதுகாப்பு துறை அமைச்சர் எல்லோரும் எங்கே இருக்காங்க. ஒருவேளை இலங்கையில் தீவிரவாதிகள் இருக்காங்கன்னு ராஜபக்சே வீட்டுக்கு காவல் காத்திட்டு இருக்காங்க போல.

by **பிஜிராமன்** Sun Apr 22, 2012 12:50 pm

Uploaded with ImageShack.us

by ஹர்ஷித் Sun Apr 22, 2012 1:10 pm

விரைவில் விடுவிக்கணும்.பாவம் இவர் என்ன செய்வார்...கடத்துறதுனா கொள்ளை அடிக்கிறவர்கள்(அரசியல் வாதிகள் எனும் போர்வையில்)அட்டூழியம் செய்கிறவர்களை கடத்தணும்....,இப்படி சேவை செயிரவங்கள கடத்துனா என்ன கிடைக்கும்.இதுல ரெண்டுபேர கொன்னு வேற இருக்காங்களே. சோகம்

by **பிரசன்னா** Sun Apr 22, 2012 1:20 pm

நம் இந்தியா எதை நோக்கி செல்கிறது.... ! என்ன கொடுமை சார் இது

ராஜா அவர்கள் கேட்பது போல்

"உள்துறை அமைச்சர் , தேசிய பாதுகாப்பு ஆலோசகர் , பாதுகாப்பு துறை அமைச்சர் எல்லோரும் எங்கே இருக்காங்க"

by ஹர்ஷித் Sun Apr 22, 2012 1:44 pm

பிரசன்னா wrote:நம் இந்தியா எதை நோக்கி செல்கிறது.... !

ராஜா அவர்கள் கேட்பது போல்
"உள்துறை அமைச்சர் , தேசிய பாதுகாப்பு ஆலோசகர் , பாதுகாப்பு துறை அமைச்சர் எல்லோரும் எங்கே இருக்காங்க"

..

பாதுகாப்பா இருக்காங்கனா...,

by **சிவா** Sun Apr 22, 2012 1:50 pm

தமிழக அரசு இவரை விடுவிக்க மத்திய அரசுக்கு நெருக்குதல் அளிக்க வேண்டும். இதுபோன்ற தீவிரவாதக் கும்பல்களை முற்றாக அழித்தொழிக்கும் நடவடிக்கையையும் துவங்க வேண்டும்.

by **பிரசன்னா** Sun Apr 22, 2012 2:03 pm

சிவா wrote:தமிழக அரசு இவரை விடுவிக்க மத்திய அரசுக்கு நெருக்குதல் அளிக்க வேண்டும். இதுபோன்ற தீவிரவாதக் கும்பல்களை முற்றாக அழித்தொழிக்கும் நடவடிக்கையையும் துவங்க வேண்டும்.

பச்சை வர்ணம்: ஆமோதித்தல்

சிகப்பு வர்ணம்: அரசியல்வாதிகளால் தானே தீவிரவாதிகள் உருவாகிறார்கள் சிவா... இவர்களை (தீவிரவாதிகளை) முற்றிலும் அழித்துவிட்டால் பின் எதை வைத்து இந்த கேடுகெட்ட அரசியல் நடத்துவார்கள் என்ன கொடுமை சார் இது