எப்படி இருக்கீங்க? அன்புடன் தோனி

**பிரசன்னா** · **பிரசன்னா** Sat Apr 21, 2012 2:24 pm

எப்படி இருக்கீங்க? அன்புடன் தோனி E_1334656785

விட்டாச்சு லீவு... வந்தாச்சு ஐ.பி.எல்.5. குழந்தைகளுக்கு செம குஷி போட்டிகளை பார்க்க ஐந்தாயிரம், பத்தாயிரம் என்று டிக்கெட் வாங்கும் அப்பாக்களுக்கு தான் ஆப்பு. ஆனாலும் என்ன கூட்டத்திற்கு குறைவில்லை. சென்னைசூப்பர் கிங்க்ஸ் கேப்டன் தோனியை சிக்கலில்லாத கேள்விகளுடன் சந்தித்தோம். சென்ற முறை சென்னை வந்த பொழுது கொஞ்சம் இறுக்கமாக இருந்த தோனி இப்பொழுது ரொம்ப ரிலாக்ஸ்...

சென்னை சூப்பர்கிங்ஸின் விசில்போடு விளம்பரம் இப்பொழுது ரைஸ்யுவர் ஹேண்ட்ஸ் என மாற்றப்பட்டுள்ளதே. இரண்டில் உங்களுக்கு பிடித்தது?
எப்பொழுதுமே முதல் அனுபவம் என்பது மறக்க முடியாதது. அந்த வகையில் விசில் போடு எனக்கும் மறக்க முடியாதது. சென்னை மூடுக்க ஏற்ற மாதிரி இரண்டாவது பாடலும் இருப்பதால் தவறில்லை.

இந்திய அணியின் சமீபகால துரதிர்ஷ்டத்திற்கு உங்கள் முடியும் ஒரு காரணமா? நீங்கள் நீளமாக முடி வளர்த்தால் இந்திய அணிக்கு அதிர்ஷ்டம் மீண்டும் வரலாம் என பரவலாக சொல்லப்படுகிறதே?
ஒரு அணியில் வெற்றி தோல்வி என்பது நிச்சயமாக கேப்டனின் முடியில் இருக்க முடியாது. குறிப்பாக என்னோட அதிர்ஷ்டம் நிச்சயமாக என் முடியில் இல்லை என்று தான் நினைக்கிறேன். சென்னைக்கு வரும் போதெல்லாம் என் ஹேர் ஸ்டைலில் ஒரு சின்ன மாற்றமாவது இருக்கும். இந்த முறை குறைப்பதற்கு பதில் கொஞ்சம் கூட்டலாம் என்று இருக்கிறேவன். பழைய அளவிற்கு ரொம்ப நீளமாக வளர்க்கபோவதில்லை.

யுவராஜ்சிங்கின் உடல்நிலை எப்படிஉள்ளது?
வேகமாக குணமடைந்து வருகிறார். விரைவில் அணிக்கு திரும்புவார் என்று முழுமையாக நம்புகிறேன்.

இரண்டுமுறை சாம்பியன் அணி என்பதால் இந்த முறை உங்களுக்கு அதிகமாக பிரஷ்ஷரை வரும்போட்டிகளில் ஏற்படுத்துமா?
பிரஷ்ஷர் அதிகமாகும்போது தான் முழுத்திறமையும் வெளிப்படும்எ ஆனால் அதுவே சுமையாகி விடாமல் பார்த்து கொள்ள வேண்டும்.

மும்பை அணிக்கு ஹர்பஜன்சிங் கேப்டனாகி இருப்பது பற்றி...
பத்து வருஷம் இன்டர்நேஷனல் கிரிக்கெட்டில் இருந்திருக்கிறார். ஆக்ரோஷமான வீரரும் கூட கேப்டன் பொறுப்பு அவருக்கு பொருத்தமானதே இதை நான் சொல்லும்போது நீங்களாக கொஞ்சம் மாற்றி டெண்டுல்கரை விட ஹர்பஜன்சிங் நல்ல கேப்டன் தான் என்று நான் சொன்னதாக எழுதிவிடாதீர்கள் (சிரிக்கிறார்) என்னோட பேவரைட் கிரிக்கெட்டரே டெண்டுல்கர் தான்.

ஹேடன், நிட்னி, முரளீதரன் இல்லாத சி.எஸ்.கே. டிரெஸ்ஸிங் ரூம் எப்படி? கலகலப்பு குறைந்து விட்டதா?
யார் சொன்னது? எங்கள் கோச் ப்ளம்மிங் ஒருத்தர் போதும். சைலண்ட்டா எப்படி கலாய்ப்பார் தெரியுமா? எங்கள் அணியில் என்றுமே கலகலப்புக்கு பஞ்சமே இருக்காது.

நான்குவருட சென்னை அனுபவத்தில் கற்றுக்கொண்டது?
எப்படி இருக்கீங்க? இந்த இரண்டு வார்த்தை தான்.

சென்ற முறை ரஜினியை சந்திக்க வேண்டுமென்று சொன்னீர்கள், சந்தித்தீர்களா?
இப்பொழுது தான் வந்திருக்கிறேன்.

லோக்கர் ஸ்டார் அஸ்வின் பற்றி?
திங்கிங் கிரிக்கெட்டர். நல்லா வருவார்.

திங்கிங் கிரிக்கெட்டர் என்று சொல்கிறீர்கள்? ஆனால் அவர் ரன் எடுக்க ஓடுவதற்கு முன்பும் பந்தை துரத்தி பிடிக்க ஓடுவதற்கு முன்பும் ஒன்றுக்கு இரண்டு முறை அல்லவா திங் பண்ணுகிறார்?
பந்து வீசும்போது கூட கடைசி நிமிடம் வரை கொஞ்சம் யோசித்து தான் வீசுவார். இனிமேல் இப்படி இரண்டு தடவை யோசிக்காமல் ஒரே சிந்தனையுடன் செயல்பட கண்டிப்பாக அட்வைஸ் பண்ணுகிறேன். உங்க ஊர்க்காரையே இப்படி கலாய்க்கிறீங்களே என்று சிரித்தபடி விடைபெற்றார் தோனி.
-இளையரவி.

குமுதம் செய்திகள்