ஒதுக்கி தள்ளுங்கள்

எங்கள் உடைகளை முழுவதும் கழற்ற சொன்னார்கள். நிர்வாணமான எங்கள் உடலில் மின்சாரம் ஒயர்களை இணைத்து ஷாக் அடிக்க செய்தார்கள். அந்த அதிர்ச்சியில் துடித்த எங்களை கொஞ்சம் கூட கருணை இல்லாமல் 20 பேர் மாறி மாறி கற்பழித்தார்கள். இந்த சம்பவங்கள் அனைத்தும் அதிரடிப்படைத் தலைவராக இருந்த சங்கர் பிதரி முன்பே நடந்தன. அவர் இந்த கொடுமையை தடுக்க எந்த நடவடிக்கையும் எடுக்கவில்லை. நெஞ்சை உருக்கும் இந்த வாக்குமூலத்தை வீரப்பன் தேடுதல் வேட்டையில் வன் கொடுமைக்கு ஆளான இரண்டு ஆதிவாசிப்பெண்கள் கொடுத்திருக்கிறார்கள்.

அப்படிப்பட்ட பயங்கர குற்றத்துக்கு உடந்தையாக இருந்த சங்கர் பிதரிக்கு கிடைத்த பரிசு என்ன தெரியுமா? கர்நாடக காவல்துறை தலைவராக பதவி உயர்வு.

பாதிக்கப்பட்டவர்கள் நீதிமன்றப்படியை மிதித்தார்கள். இதோ உயர் நீதிமன்ற நீதிபதிகள் என்.குமார், ஹெச்.எஸ்.கெம்பன்னா ஆகியோர் சங்கர் பிதரியை கடுமையாக விமர்சித்து அவரை பதவியிலிருந்து விலக்குமாறு மாநில அரசுக்கு உத்தரவிட்டுள்ளார்கள்.

ஜார்க்கண்ட்,ஒடிஸா மாநில காவல் அதிகாரிகள், பள்ளிக்கூட சிறுமிகளை மாவோயிஸ்ட் தீவிரவாதிகள் என்று சொல்லி சிறையில் அடைத்து வைத்திருக்கும் கொடுமையை கேள்விப்பட்டு மனம் நொந்தவர்கள் எத்தனை பேர். அரசாங்க உயர் அதிகாரிகள், அதுவும் மக்களுக்கு நேரடியாக உதவும் பொறுப்பிலுள்ள காவல்துறையில் இருப்பவர்கள் அப்பழுக்கற்றவர்களாக இருக்க வேண்டும் என்று தான் அனைவரும் விரும்புகிற÷õம். அவர்களை ஆதர்ச புருஷர்களாக மதிக்கிறோம். சினிமாக்கள் எல்லாம் எடுகிறோம்.

ஆனால் காவல்துறையில் இப்படியெல்லாம் கறை எழுலாமா?
தொலைபேசியை ஒட்டு கேட்டல்,வேண்டாதவர்கள் மீது பொய் கேஸ்போட்டு பிரச்னை பண்ணுதல், தனக்கு ஒத்துவராதவர்கள் பற்றி மேலிடத்தில் தவறாக போட்டு கொடுத்தல், கோடிக்கணக்கில் சுயலாபம் பார்த்தல் என்றெல்லாம் காவல் உயர் அதிகாரிகள் நட்ந்து கொள்வதை பார்த்தால் சாமான்யனுக்கு ஆத்திரம் எழுகிறது.

அரசாங்கமே கவிழும் அளவுக்கு கெட்டபெயர் உருவாக்கி கொடுக்கும் இது போன்றவர்கள் மீது உடனடியாக நடவடிக்கை எடுத்து அவர்களை ஒதுக்கி வைத்தால் தான் மக்களுக்கு ஜனநாயக்கத்தின் மீதே நம்பிக்கை வரும்.

குமுதம்

அநியாயம் செய்தவர்களுக்கு பட்டமும், பதவி உயர்வும் பாதிக்கப்பட்டவர்களுக்கு தண்டனையும், அவமானமும் கிடைப்பது இன்று நேற்றல்ல.