இத்தாலி கப்பல் விவகாரம்:மத்திய அரசின் நிலைக்கு கேரளா எதிர்ப்பு

**பிரசன்னா** · **பிரசன்னா** Sat Apr 21, 2012 1:59 pm

இத்தாலி கப்பல் விவகாரம்:மத்திய அரசின் நிலைக்கு கேரளா எதிர்ப்பு

புதுடெல்லி:இரண்டு மீனவர்கள் சுட்டுக்கொல்லப்பட்டதற்கு காரணமான இத்தாலி கப்பலை தடுத்து வைக்கும் அதிகாரம் கேரளாவுக்கு இல்லை என்று மத்திய அரசு நீதிமன்றத்தில் கூறியதற்கு கேரள முதலமைச்சர் உம்மன்சாண்டி கடும் எதிர்ப்பு தெரிவித்துள்ளார்.

அகில இந்திய காங்கிரஸ் கமிட்டியின் கேரள மாநில பொறுப்பாளரான மதுசூதனன் மிஸ்ட்ரியை டெல்லி காங்கிரஸ் தலைமை அலுவலகத்தில் சந்தித்துப் பேசிய பின்னர் செய்தியாளர்களுக்கு பேட்டியளித்தார் உம்மன் சாண்டி.

அப்போது இத்தாலி கப்பல் விவகாரத்தில் மத்திய அரசின் சார்பில் ஆஜரான வழக்கறிஞரான ஏஏஸ்ஜி- Additional Solicitor-General- ராவல் உச்ச நீதிமன்றத்தில் தாக்கல் செய்த மனுவில்,கப்பலை தடுத்து வைக்கும் அதிகாரம் கேரள மாநிலத்திற்கு இல்லை என்று உச்ச நீதிமன்றத்தில் தாக்கல் செய்த பதில் மனு குறித்து தமது கடும் எதிர்ப்பை மத்திய அரசின் தலைமை வழக்கறிஞரான அட்டார்னி ஜெனரலிடம் தெரிவித்ததாகவும்,இவ்வழக்கில் இனி ராவலை ஆஜராக மத்திய அரசின் சார்பில் ஆஜராக சொல்லக்கூடாது என்று வலியுறுத்தியதாகவும் கூறினார்.

மேலும் இந்த வலியுறுத்தலை தொடர்ந்து இப்பிரச்னை குறித்து மத்திய சட்டத்துறை அமைச்சரிடம் தெரிவிக்க உரிய நடவடிக்கை மேற்கொள்ளப்படும் என அட்டார்னி ஜெனரல் தம்மிடம் உறுதியளித்ததாகவும் சாண்டி தெரிவித்தார்.

முன்னதாக கடந்த பிப்ரவரி மாதம் கொல்லம் அருகே இத்தாலிய எண்ணெய் கப்பலின் பாதுகாவலர்கள் சுட்டதில் 2 மீனவர்கள் பலியானர்கள்.இது தொடர்பாக இத்தாலி நாட்டை சேர்ந்த 2 பாதுகாவலர்களையும் கேரள அரசு கைது செய்தது.அத்துடன் சம்பந்தப்பட்ட அந்த கப்பலையும் கேரள அரசு தடுத்து வைத்தது.

இதனை எதிர்த்து இத்தாலி சார்பில் உச்ச நீதிமன்றத்தில் மனு தாக்கல் செய்யப்பட்டது.அதனையடுத்து இது குறித்து பதிலளிக்குமாறு மத்திய அரசு,கேரள அரசு மற்றும் சுட்டுக்கொல்லப்பட்ட மீனவர்களின் குடும்பத்தினருக்கு உச்ச் நீதிமன்றம் நோட்டீஸ் அனுப்பியிருந்தது.

இந்நிலையில் இந்த நோட்டீஸுக்கு மத்திய அரசு நேற்று தாக்கல் செய்த பதில் மனுவில்,துப்பாக்கி சூடு நடநதது மாநில கடல் எல்லைக்கு அப்பால் என்பதால், சம்பவத்தில் தொடர்புடைய இத்தாலி கப்பலை தடுத்து வைக்கும் அதிகாரமோ அல்லது அது குறித்து விசாரணை நடத்தும் அதிகாரமோ கேரள மாநில அரசுக்கு இல்லை என்று தெரிவித்திருந்தது குறிப்பிடத்தக்கது.

விகடன்

இத்தாலி கப்பல் விவகாரம்:மத்திய அரசின் நிலைக்கு கேரளா எதிர்ப்பு

இத்தாலி கப்பல் விவகாரம்:மத்திய அரசின் நிலைக்கு கேரளா எதிர்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக