அறிவியல் செய்திகள்

சர்க்கரை நோயாளிகளுக்கு ஒரு இனிப்பான செய்தி இன்சுலினுக்கு பதில் புதிய ஹார்மோன்
வாஷிங்டன்

அமெரிக்காவின் டெக்சாஸ் பல்கலைக்கழகத்தை சேர்ந்த விஞ்ஞானிகள் சர்க்கரை நோயாளிகளுக்காக ஒரு புதிய பயனுள்ள சிகிச்சையை கண்டறிந்து உள்ளனர்.இந்த சிகிச்சைக்காக ஒரு புதிய ஹார்மோன் கண்டு பிடித்து உள்ளனர். இந்த புதிய ஹார்மோன் இன்சுலினுக்கு ஒரு பயனுள்ள மாற்றாக இருக்கிறது.இது இன்சுலிங் செய்யும் அதே வேலையை செய்கிறது.

மனிதன் 10 லட்சம் வருடங்களுக்கு முன்பே நெருப்பை பயன்படுத்தி உள்ளான்: ஆய்வில் தகவல்
டொரன்டோ,

ஜெருசலேம் நாட்டை சேர்ந்த ஹீப்ரூ பல்கலை கழகம் மற்றும் டொரன்டோ பல்கலை கழகத்தை சேர்ந்த குழுவினர் இணைந்து மேற்கொண்ட ஆய்வில் மனிதன் 10 லட்சம் ஆண்டுகளுக்கு முன்பே நெருப்பை பயன்படுத்தியது கண்டுபிடிக்கப்பட்டுள்ளது. தென் ஆப்பிரிக்காவின் ஒண்டர் ஒர்க் குகையில் 10 லட்சம் வருடங்களுக்கு முன்பு வாழ்ந்தவர்களின் எலும்புகள் மற்றும் கருவிகள் கிடைத்துள்ளன. குகையினுள் எரிந்த நிலையில் தாவரங்கள் காணப்பட்டன. அந்த காலக்கட்டத்தில் வாழ்ந்த மனிதன் சமையல் செய்ததற்கான அடையாளங்களும் கிடைத்துள்ளன. எனவே 10 லட்சம் வருடங்களுக்கு முன்பு மனிதன் நெருப்பை பயன்படுத்தியுள்ளது தெரிய வருகிறது. இத்தகவல் நேஷனல் அகாடமி ஆப் சயின்சஸ்சில் வெளியிடப்பட்டுள்ளது.

டைனசோர்கள் நீரில் வாழ்ந்த உயிரினம்: அறிவியலாளர் கருத்து
லண்டன்

டைனசோர்கள் பற்றிய ஆய்வு மேற்கொள்ளும் விஞ்ஞானி பிரையன் ஜே போர்டு. சிறந்த பேராசிரியராகவும் விளங்கி வரும் இவர் பி.பி.சி. ரேடியோ நிகழ்ச்சி ஒன்றில் பேசும்போது டைனசோர்கள் குறித்து தனது கருத்தை குறிப்பிட்டார். அவர் கூறுகையில், மிக பெரிய உருவம் கொண்ட, நீண்ட வாலை உடைய டைனசோர்கள் பாலைவனங்களில் சுற்றி திரிந்து அதன் இரையை தேடுவது என்பது அதற்கு சிரமம் தருவதாகும். இது சாத்தியமற்றது. அதன் வால் நீரில் நீந்துவதற்கும், மிதந்தபடியே செல்வதற்கும் ஏற்ற வகையில் உள்ளது. மேலும் நீந்துவதற்கு அது உறுதுணை புரிகிறது என கூறினார். மேலும் நீரில் இருக்கும்பொழுது அதன் எடை முழுவதும் நீரால் தாங்கப்படுகிறது. இரையை பிடிப்பதற்கும் எளிதாகிறது. எனவே அது நீரில் வாழ்ந்திருக்க வேண்டும் என்று கூறினார். எனினும் அவரது இந்த கருத்து 100 வருடங்களுக்கு முன்பு அறிவியலாளர் ஒருவர் கூறிய கருத்தை ஒத்துள்ளதாக நிபுணர்களால் கூறப்படுகிறது.

கடற்கரையை நம்பி வாழும் பறவையினங்களின் எண்ணிக்கை பாதியாக குறைந்து விட்டது: ஆய்வு அறிக்கை தகவல்
தரையில் இனப்பெருக்கம் செய்து, கடலுக்குச் சென்று உணவுதேடும் ஆல்பட்ரோஸ் குடும்பத்தைச் சேர்ந்த பறவையினங்கள் குறித்து ஆய்வு மேற்கொண்ட கடல்சார் பறவைகள் பற்றி ஆய்வு நடத்தும் பேராசிரியர் ஜோன் க்ரொக்ஷால் கூறியதாவது:- அல்பாட்ரோஸ் குடும்பத்தைச் சேர்ந்த 22 பறவையினங்களில் 17 இனங்கள் அழிந்துவிடும் நிலையில் உள்ளது. வர்த்தக ரீதியான நவீன மீன்பிடி முறைகளாலும், பெருச்சாளிகள், காட்டுப் பூனைகள் போன்ற உயிரினங்களால் இப்பறவைகளின் இனப்பெருக்கத்துக்கு ஏற்பட்ட பாதிப்புகளுமே இந்த அழிவுக்கு காரணம் . கடல் மற்றும் கடல்சார்ந்த பகுதிகளின் ஆரோக்கியத்தை உறுதி செய்யவும், அவற்றுக்கு ஏற்படும் பாதிப்புகளை எச்சரிப்பதற்கும் இந்த கடல்சார் பறவைகள் மிகவும் அவசியமானவை. இவ்வாறு அவர் கூறினார்

உலகின் கண்டங்கள் அனைத்து இணைந்து புதிய அமேசியா கண்டம் உருவாகும் விஞ்ஞானிகள் தகவல்

உலகில் உள்ள கண்டங்கள் அனைத்து இணைந்து அமேசியா என்ற புதிய பெரிய கண்டம் உருவாகும் என புவி யியல் விஞ்ஞானிகள் தெரிவித்து உள்ளனர். அமெரிக்காவின் யாழ் பல்கலைக்கழகத்தின் புவியியல் நிபுணர்கள் ஒரு ஆய்வு மேற்கொண்டனர். அதில் அமெரிக்கா மற்றும் ஆசியா கண்டங்களின் வடக்கு அப்குதி நீர் மற்றும் காற்றுப்போக்கி னால் இணையும். இதனுடன், ஆர்டிக் கடலும், கரீபியன் கடலும் ஒன்றாக சேரும். இதன் மூலம் மிகப்பெரிய புதிய கண்டம் உருவாகும் என்று நிபுணர்கள் தெரிவித்துள்ளனர். மேலும், பூமியின் அடியில் உள்ள பிளேட்டுகள் தற்போது நகர்ந்த வண்ணம் உள்ளன. இதனால் ஆசியா மற்றும் ஐரோப்பிய கண்டங்களின் வடக்கு முனை பூமி பிளேட்டு கள் ஒன்றுடன் ஒன்று மோதி நொறுங்கும் அபாயம் உள் ளன. அதுபோன்ற மாற்றங்களி னால் ஆஸ்திரேலியா கண்டம் இந்தியாவுடன் இணைய லாம். என தெரியவந்துள்ளதாக தகவல் வெளியிட்டு உள்ளார்.
http://www.dailythanthi.com/FlashNews/science.html

மிகவும் வியப்பான செய்திகள். அதுவும் அந்த கடைசி செய்தி சூப்பர். நடக்கட்டும் பார்க்கலாம்

அறிய செய்திகளுக்கு நன்றி