"தொலைந்த சிறகுகள்"

by **rameshnaga** Fri Apr 20, 2012 6:13 pm

First topic message reminder :

பறவை தொலைத்த குரல்
குழந்தைகளுக்குக் கிடைக்கலாம்...
கார்ட்டூன்களிலும்., காமிக்ஸ்களிலும்.
*************************************************************
கள்ள ஓட்டுக்களும் ....
காசுக்கு வாங்கிய ஓட்டுக்களும்...
எங்களை ஆண்டு கொண்டிருக்கின்றன.
"சுதந்திரம் எனது பிறப்புரிமை!"....
உங்களுக்குத் தெரியுமா ?......
இப்போது இதன் அர்த்தம்.
*******************************************************************
விளக்கின் சுடர்....
அருகே விட்டில் பூச்சிகள்...
சுடர் அதீத தீவிரத்துடன் அலைந்தபடி
என்னை அழைக்கிறது...
தன்னை அணைத்துவிடும்படி சொல்லி.
**********************************************************************
உனது கடிதம்...
அமைதியாய் படிக்கிறேன்....
ஆனால் அமைதியாயில்லை.
************************************************************************
குளத்தில் பூக்கள்...
யார் ஒளித்து வைத்த காதல்
இப்படி மலர்ந்தது.?....
**************************************************************************
குடை
தடுக்கிறது
சூரியனை.
***************************************************************************
வைகறை
பனித்துளி
பட்டாம் பூச்சிகள்...
தேடிக் கொண்டிருக்கிறேன்
எனது தொலைந்த சிறகுகளை.
****************************************************************************