ரூ.1 கோடியில் தயாரிக்கப்பட்ட தமிழ் படம் இந்தியில் ரூ.100 கோடி வசூல் செய்தது

**சிவா** · **சிவா** Sun 22 Apr 2012 - 21:06

பிரபு, கலாபவன் மணி, ரம்பா, மோனிகா ஆகியோர் நடித்து, டி.பி.கஜேந்திரன் டைரக்ஷனில், சில வருடங்களுக்கு முன் வெளிவந்த படம், `பந்தா பரமசிவம்.' இந்த படத்தை வர்ஷினி பிலிம்ஸ் சார்பில் பி.டி.செல்வகுமார் தயாரித்து இருந்தார். படம், ரூ.1 கோடி செலவில் தயாரிக்கப்பட்டு இருந்தது.

இந்தி படம்

`பந்தா பரமசிவம்' படத்தை இந்தியில் தயாரிக்கும் உரிமையை நாகித்வாலா என்ற பட அதிபர் வாங்கினார். படத்துக்கு, `ஹவுஸ்புல்-2' என்று பெயர் சூட்டப்பட்டது. பிரபு நடித்த வேடத்தில் அக்ஷய்குமார் நடித்தார். ரம்பா நடித்த வேடத்தில் அசின் நடித்தார். கலாபவன் நடித்த வேடத்தில் ஜான் ஆபிரகாம் நடித்தார். சாஜித்கான் டைரக்டு செய்தார்.

இந்த படம், சமீபத்தில் திரைக்கு வந்து வெற்றிகரமாக ஓடிக்கொண்டிருக்கிறது. உலகம் முழுவதும் இதுவரை ரூ.100 கோடி வசூல் செய்து இருக்கிறது.

பரபரப்பு

ரூ.1 கோடியில் தயாரிக்கப்பட்ட ஒரு தமிழ் படம் இந்திக்கு போய் ரூ.100 கோடி வசூல் செய்திருப்பது சென்னை-மும்பை சினிமா வட்டாரத்தில் பரபரப்பாக பேசப்படுகிறது.

இந்த தகவலை கேள்விப்பட்ட உற்சாகத்தில், `பந்தா பரமசிவம்' பட தயாரிப்பாளர் பி.டி.செல்வகுமார் தனது அடுத்த படத்தை தொடங்கி விட்டார். புதிய படத்துக்கு அவர், `ஒன்பதுல குரு' என்று பெயர் சூட்டியிருக்கிறார். `ஹங் ஓவர்' என்ற இந்தி படத்தை தழுவிய கதை இது. டி.சி.எஸ். தயாரிக்கிறார்.

தினத்தந்தி

**பிளேடு பக்கிரி** · 01/03/2010

ஆகா தமிழ் படம் அங்க ஒடுதா சூப்பருங்க

இரா.பகவதி · இரா.பகவதி Sun 22 Apr 2012 - 21:47

balakarthik · balakarthik Sun 22 Apr 2012 - 21:52

**இளமாறன்** · **இளமாறன்** Sun 22 Apr 2012 - 21:54

சிரிப்பு காமெடி படம் எப்படியும் ஓடுமே மகிழ்ச்சி

100 கோடி மக்களிடம் இருந்து பெறப்பட்டது சிரி

அசுரன் · அசுரன் Mon 23 Apr 2012 - 1:13

1 கோடி ரூபாயில் தயாரிக்கப்பட்டது தமிழ்ப்படம்... ஆனால் 100 கோடி வசூல் செய்தது இந்திப்படம், இந்தியில் எடுக்க எவ்வளவு செலவு என்று சொல்லவில்லையே, இது ஒரு மோசடி செய்தி.. யாரும் நம்பாதீங்க