இதயத்தை காக்கும் ஓட்ஸ் கட்லெட்!

முஹைதீன் · முஹைதீன் Fri Apr 20, 2012 6:48 am

தேவையானப் பொருட்கள்:-
ஓட்ஸ் - அரை கப்
பொட்டுகடலை மாவு - 2 - 3 தேக்கரண்டி
உருளைக்கிழங்கு - ஒன்று
பாலக்கீரை - சிறிது
இஞ்சி - சிறிது
வெங்காயம்- ஒன்று (சின்னது)
உப்பு - தேவையான அளவு
எண்ணெய் - தேவையான அளவு
பச்சை மிளகாய் - ஒன்று

செய்முறை:-

உருளைக்கிழங்கை வேக வைத்து தோல் நீக்கி மசித்து வைக்கவும். ஓட்ஸை வெறும் கடாயில் வறுக்கவும். கீரை, இஞ்சி, வெங்காயம், பச்சை மிளகாய் அனைத்தையும் பொடியாக நறுக்கவும்.

கடாயில் எண்ணெய் ஊற்றி காய்ந்ததும் வெங்காயம், இஞ்சி சேர்த்து வதக்கவும்.

வெங்காயம் வதங்கியதும் கீரை, பச்சை மிளகாய் சேர்த்து வதக்கவும்.

கீரை வெந்ததும் தேவைக்கு ஏற்ற உப்பு சேர்த்து மசித்த உருளைக்கிழங்கும் சேர்த்து ஒரு நிமிடம் பிரட்டவும்.

பின் வறுத்த ஓட்ஸ் சேர்த்து ஒரு நிமிடம் பிரட்டவும்.

கலவை கலந்து வந்ததும் பொட்டுக்கடலை மாவு சேர்த்து நன்றாக பிரட்டி எடுக்கவும். லேசாக ஆறியதும் கையால் நன்றாக பிசைந்து வைக்கவும்.

தோசை கல்லில் எண்ணெய் ஊற்றி காய்ந்ததும் கலவையை சிறு உருண்டைகளாக எடுத்து ஹார்ட் வடிவில் தட்டி போட்டு இரண்டு பக்கமும் திருப்பி போட்டு பொன் நிறமாக பொரித்து எடுக்கவும்.

விரும்பிய வடிவில் கட்லட்டாக தட்டி போட்டு பொரிக்கலாம். சத்தான எண்ணெய் குறைவான மாலை நேர உணவு.

விரும்பினால் இதில் துருவிய கேரட் கூட சேர்க்கலாம். பொட்டுகடலை மாவு அளவு பார்த்து சேர்க்கவும், கலவை உதிரவும் கூடாது, ஒட்டவும் கூடாது.

இதயத்தின் நலனை காக்க இது போன்ற உணவுப் பொருட்களை சமைத்து சாப்பிடுங்க, ஆரோக்கியமான இதயத்தை பெற்று நலமோடு வாழுங்க.

Source : தினகரன்

ஹர்ஷித் · ஹர்ஷித் Fri Apr 20, 2012 6:54 am

முஹைதீன் wrote:
தோசை கல்லில் எண்ணெய் ஊற்றி காய்ந்ததும் கலவையை சிறு உருண்டைகளாக எடுத்து ஹார்ட் வடிவில் தட்டி போட்டு இரண்டு பக்கமும் திருப்பி போட்டு பொன் நிறமாக பொரித்து எடுக்கவும்.

தகவலுக்கு நன்றி....இதயத்துக்கு நல்லது அதனால இதய வடிவில்தான் பொரிக்கணுமோ?

முஹைதீன் · முஹைதீன் Fri Apr 20, 2012 7:01 am

வித்தியாசமா இருக்கட்டுமே

**ஜாஹீதாபானு** · **ஜாஹீதாபானு** Fri Apr 20, 2012 8:43 am

பகிர்வுக்கு நன்றி அருமையிருக்கு

ஹர்ஷித் · ஹர்ஷித் Fri Apr 20, 2012 8:52 am

ஜாஹீதாபானு wrote:பகிர்வுக்கு நன்றி

அக்கா எல்லாத்துக்கும் நன்றி சொல்லறது முக்கியம் இல்ல.நாங்க வரும் பொது எல்லா ரேசிபியும் செஞ்சு அசத்துங்க,,,,.ஏற்க்கனவே 2 ட்ரீட் பாக்கி.

Sponsored content · Sponsored content

இதயத்தை காக்கும் ஓட்ஸ் கட்லெட்!

இதயத்தை காக்கும் ஓட்ஸ் கட்லெட்!

Re: இதயத்தை காக்கும் ஓட்ஸ் கட்லெட்!

Re: இதயத்தை காக்கும் ஓட்ஸ் கட்லெட்!

Re: இதயத்தை காக்கும் ஓட்ஸ் கட்லெட்!

Re: இதயத்தை காக்கும் ஓட்ஸ் கட்லெட்!

Re: இதயத்தை காக்கும் ஓட்ஸ் கட்லெட்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக