இந்தியாவால் ஏவுகணை அச்சுறுத்தல் இல்லை: நேட்டோ

**சிவா** · **சிவா** Thu 19 Apr 2012 - 15:24

புருஸெல்ஸ்: இந்தியா அதிநவீன ஏவுகணைகளைத் தயாரித்தாலும் அதனால் எந்தவித அச்சுறுத்தலும் இல்லை என்று நேட்டோ செகரடரி ஜெனரல் ஆன்டர்ஸ் போக் ராஸ்மஸ்ஸன் தெரிவித்துள்ளார்.

5,000 கிமீ வரை சென்று கண்டம் விட்டு கண்டம் தாவும் வல்லமை கொண்ட அக்னி V ஏவுகணை இன்று காலை 8.05 மணிக்கு ஒரிசா மாநிலத்தில் உள்ள வீலர் தீவில் இருந்து வெற்றிகரமாக விண்ணில் ஏவப்பட்டது.

அக்னி V ஏவுகணை 3 அடுக்குகளைக் கொண்டது, அதன் உயரம் 17 மீட்டர் ஆகும். 5,000 கிலோமீட்டர் தூரம் வரை இது பாயக் கூடியது. ஒரு டன் எடை கொண்ட அணு ஆயுதங்களையும் தாங்கிச் செல்லக் கூடிய திறன் கொண்டதாக அக்னி வடிவமைக்கப்பட்டுள்ளது. இது போன்ற கண்டம் விட்டுக் கண்டம் பாயும் ஏவுகணைகளை உலக அளவில் அமெரிக்கா, ரஷ்யா, பிரான்ஸ் மற்றும் சீனா ஆகிய நாடுகள் மட்டும் தான் இதுவரை வைத்திருந்தன. தற்போது அந்த பட்டியலில் இந்தியா இணைந்துள்ளது.

அக்னி V ஏவுகணையின் மூலம் சீனா முழுவதையும் நமது தாக்குதல் இலக்குக்குள் கொண்டு வர முடியும். அத்தோடு நில்லாமல், ஐரோப்பாவின் பல நாடுகளையும் கூட நம்மால் தாக்க முடியும் என்பது குறிப்பிடத்தக்கது.

முன்னதாக புருஸெல்ஸில் உள்ள நேட்டோ தலைமையகத்தில் வைத்து செய்தியாளர்களை சந்தித்த நேட்டோ செகரடரி ஜெனரல் ஆன்டர்ஸ் போக் ராஸ்மஸ்ஸன் கூறுகையில், இந்தியா அதிநவீன ஏவுகணை தயாரித்தாலும் அதனால் கூட்டணி நாடுகளுக்கு எந்தவித அச்சுறுத்தலும் இல்லை என்றார்.

தட்ஸ்தமிழ்

ஹர்ஷித் · ஹர்ஷித் Thu 19 Apr 2012 - 15:26

பம்முறானா,பயப்புடுறானா? சோகம்

**சிவா** · **சிவா** Thu 19 Apr 2012 - 15:30

ஜேன் செல்வகுமார் wrote:பம்முறானா,பயப்புடுறானா?

//இந்தியா அதிநவீன ஏவுகணை தயாரித்தாலும் அதனால் கூட்டணி நாடுகளுக்கு எந்தவித அச்சுறுத்தலும் இல்லை///

இந்தியாவைப் பற்றி நன்கு தெரிந்து வைத்துக் கொண்டதால் இப்படிப் பேசுகிறார்.

நம்மிடம் எப்படிப்பட்ட ஆயுதங்கள் இருந்தாலும் அதை முதலில் நாம் பயன்படுத்த மாட்டோம் என்று உலகிற்கு கூறியுள்ளோமே! அதனால்தான் இவ்வாறு கூறியுள்ளார்.

சாதாரண கார்கில் சண்டையில் ஏற்பட்ட வீரர்களின் உயிரிழப்புகளைப் பார்த்தால் போர் என்று வந்தால் இந்தியா நிச்சயம் ஆட்டம் கண்டுவிடும் என்பது மட்டும் உண்மை!

பாலாஜி · பாலாஜி Thu 19 Apr 2012 - 15:34

இந்தியாவை குறைத்து மதிப்பிட மனம் வரவில்லை தல ,இந்தியா இராணுவம் எழுச்சி பெரும் என்றே நம்புவோம் ..

**ராஜா** · **ராஜா** Thu 19 Apr 2012 - 16:07

சிவா wrote:சாதாரண கார்கில் சண்டையில் ஏற்பட்ட வீரர்களின் உயிரிழப்புகளைப் பார்த்தால் போர் என்று வந்தால் இந்தியா நிச்சயம் ஆட்டம் கண்டுவிடும் என்பது மட்டும் உண்மை!

அப்படி சொல்ல முடியாது தல , கார்கில் போர் மலை உச்சியில் இருந்த தீவிரவாதிகளை கீழிருந்து சென்று தாக்கியழித்தது இதில் பெரும் உயிர்சேதம் ஏற்படுவது தவிர்க்கமுடியாதது , அதிலும் கனரக வாகனங்களையும் உபயோகிக்க முடியாது. போர் விமானங்களாலும் ஓரளவுக்கு மேல் பணிமலையில் இலக்கை கண்டுபிடிக்க முடியவில்லை.

Sponsored content · Sponsored content

இந்தியாவால் ஏவுகணை அச்சுறுத்தல் இல்லை: நேட்டோ

இந்தியாவால் ஏவுகணை அச்சுறுத்தல் இல்லை: நேட்டோ

Re: இந்தியாவால் ஏவுகணை அச்சுறுத்தல் இல்லை: நேட்டோ

Re: இந்தியாவால் ஏவுகணை அச்சுறுத்தல் இல்லை: நேட்டோ

Re: இந்தியாவால் ஏவுகணை அச்சுறுத்தல் இல்லை: நேட்டோ

Re: இந்தியாவால் ஏவுகணை அச்சுறுத்தல் இல்லை: நேட்டோ

Re: இந்தியாவால் ஏவுகணை அச்சுறுத்தல் இல்லை: நேட்டோ

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக