நானும் அடி வாங்கியிருக்கேன் - காங்., எம்.எல்.ஏ., ருசிகரம்

மகா பிரபு · மகா பிரபு Thu 19 Apr 2012 - 9:54

நானும் அடி வாங்கியிருக்கேன் - காங்., எம்.எல்.ஏ., ருசிகரம் : சட்டசபையில், காங்கிரஸ் உறுப்பினர் ஜான் ஜேக்கப் பேசியதாவது: மாணவர்களுக்கு, ஆசிரியர்கள் தண்டனை தரக் கூடாது என்கிறீர்கள். தவறு செய்யும் மாணவர்களை உதைக்காவிட்டால் திருந்த மாட்டார்கள். நான் கூட, மாணவப் பருவத்தில் ஆசிரியரிடம் அடி வாங்கியிருக்கிறேன். அதனால் தான், சமுதாயத்தில் இன்று, மற்றவர்கள் மதிக்கும் நிலையில் இருக்கிறேன். மாணவர்களை கண்டிக்காததால் தான், சென்னையில் ஒரு மாணவனே, ஆசிரியரை கொலை செய்தான். பள்ளிகளில் நீதிபோதனை வகுப்புகளும் நடைபெறுவதில்லை. இதனால் தான், இதுபோன்ற சம்பவங்கள் நடக்கின்றன. இவ்வாறு ஜான் ஜேக்கப் தெரிவித்தார்.

தினமலர்

மகா பிரபு · மகா பிரபு Thu 19 Apr 2012 - 9:55

சட்டசபையில் சி.டி., வினியோகம் : பள்ளிக் கல்வித்துறை சாதனைகள் அடங்கிய சி.டி., சட்டசபையில், அனைத்து உறுப்பினர்களுக்கும் வழங்கப்பட்டது. "அம்மாவின் சொல்லி மாளாச் சாதனைகள்' எனும் தலைப்பில், பள்ளிக் கல்வித் துறை, இந்த சி.டி.,யை தயாரித்துள்ளது. ஐந்து நிமிடம் ஓடக்கூடிய இதில், பொதுப்பாடத் திட்டம், ஆசிரியர் நியமனம், மாணவர்கள் சார்ந்த பல்வேறு திட்டங்கள் கூறப்பட்டுள்ளன.