கவிதை கஃபே: மாரிமுத்துவின் மணல் வீடு

மாரிமுத்துவின் மணல் வீடு

மாரிமுத்துவை
மணல்வீடு கட்டுவதில்
நிபுணன் என்றே சொல்லலாம்

அரை டிரவுசரோடு அமர்ந்து
அவ்வளவு அழகான
திட்டமிடல்களுடன்
வெகுநேர்த்தியாய் கட்டுவான்

அவன் கட்டிய மணல் வீடுகளை
ஆறே வியந்து பார்க்கம்
காலவெள்ளம் அவனை
அரசியலில் கரை ஒதுக்கிற்று

கரைவேட்டி சரசரக்க
ஒருநாள் வந்து
புதுமனைப் புகுவிழா
அழைப்பிதழை தந்து விட்டு போனான்
சென்றிருந்தேன்...
இளம்பிராயத்தில்
அவனுடைய மணல்வீடுகள்
ஏற்படுத்திய அதே வியப்பை
அவனுடைய பங்களாவும் ஏற்பத்திற்று

யாரோ ஒருவரிடம்
கிசுகிசுப்பாய் சொன்னது
தெளிவாய் காதில் விழுந்தது
எல்லாம் மணல்லோடுகள்ல
சம்பாதிச்ச காசு

மாரிமுத்துவுக்கு வீடுகட்ட
இன்னும் ஆதாரமாய் உள்ளது
ஆற்று மணல்
-விஷ்ணுகுமார்

உதாசீனம்

முதுகில் ஏறிப்
பயணிக்க முயலும்
சாலை மரங்களின்
நிழல்கள் அனைத்தையும்
நழுவ விட்டு விடுகின்ற
கடந்து போகும்
அத்தனை வாகனங்களும்
-மேல்மங்கலம் செல்லமுத்து

றெக்கை
இனிப்பு வழங்கப்படும்
மகிழ்வினில்
கொடிக்கம்பத்தையும் தாண்டி
பறக்கிறது
பள்ளிச்சிறுவனனின் மனம்
-மு.பன்னீர்செல்வம்

நிசப்தம் மேயும் தவளை

ஊரடங்க செய்துவிட்ட
பெருமிதத்தில்
பெய்ந்து விட்டது மழை...
ஓய்ந்துவிட்ட மழைக்குப்பின்
சாய்ந்துவிட்ட இரவின்
நிசப்தத்தை
ஒத்திசைந்த சத்தத்தில்
மேய்ந்துவிட்டது
ஒரு நூறு தவளை...
-திருமாளம் புவனா நித்திஷ்

சிறகுகளின் சத்தத்தை கேட்காதீர்கள்

சிறகுகளின் சத்தத்தை கேட்காதீர்கள்
மெல்ல மனம் வருடும்
காதில் கூச்சலிடும்
குழந்தையைப்போல் அதில் ஏறி விளையாட தோன்றும்
புத்தகப்பொதியும், விரைவூர்தியும் காத்திருக்கிறது
பள்ளி குடோனுக்குள் அடைக்க
பூக்களை காற்றில் ஊதிவிட்டு விளையாடினால்
பாடங்களை எழுதி முடிக்க முடியாது
வண்ணத்துப்பூச்சிகள்
வகுப்பறையில் வரைய மட்டும்
ரசிக்க அல்ல.
சு.சுபமுகி


கல்கி

ரசித்த கவிதைகள் அனைத்தும் நன்று

முஹைதீன் wrote:ரசித்த கவிதைகள் அனைத்தும் நன்று

நன்றி முஹைதீன்