என்னுள்ளும் உன்னுள்ளும் நாம் !!

**பிஜிராமன்** · **பிஜிராமன்** Mon 16 Apr 2012 - 20:15

First topic message reminder :

நானின்றி உன்னை - யார்
பார்த்துக்கொள்வார் உயிரே
நீ முதலில் சென்றுவிடு - பின்னர்
நான் வந்து சேர்வேன்

நான் முன்னே சென்றால் - கண்ணே
உன்பெயர் வேராகி போகும் - உன்
பூநிறைந்த கூந்தல் - புயல்கண்ட
நிலம்போல ஆகும்
திலகம் நிறைந்த - உன் நுதலோ
வெறிச்சோடி போகும் - நானொருவன்
போனாலே பின்னாலே - இவையனைத்தும்
வந்துன் மங்களம் கெடுக்கும் - சபையினில்
வாழ்த்திடும் உரிமையை பறிக்கும்
இந்த வேதனை வேண்டாம் என்னன்பே
நீ சென்றுவிடு சுமங்கலியாக - உன்னவன்
உன் முந்தானை பிடித்து பின்னாலே வருவேன்

ஒவ்வொரு நொடிப்பொழுதும் எனையெண்ணி களித்திருப்பாள்
என்னுடைய நலத்திற்கே நாளெல்லாம் தவமிருப்பாள்
நீயிருந்தவரை எனக்கு எந்தவொரு குறையுமில்லை
நீயற்ற இப்பொழுதுகளில் எனைக்குறைவிட்டு போவதில்லை
நீவிட்டு போனவுடன் என்னுயிர் வேரற்று போனதடி
இக்குறையை யாரிடம்நான் போய்சொல்வேன் - அன்பே
என்மனக்குறை கூற நீயிங்கு இல்லையே

எனக்கு மரியாதை குறைவு சிறிதேனும் நேர்ந்தால்
காளியாகமாறி எனக்கு துணையாக இருப்பாய்
இனி எனக்காக உனைபோல் துணை யாருமில்லை
நீயற்ற உலகில் நித்திரை இழந்தேன் - உன்
நினைவொன்று தானே என்னிடம் உண்டு
அந்நினைவுதரும் வலியைத் தாங்கிடும் வழியை
ஏனோ சொல்லாது சென்றாய் - இன்று
நான் வாழ்ந்திடும் வாழ்வு வாழ்வுமே இல்லை
நீயிருந்தபோது நான் வாழ்ந்ததே வாழ்வு

**Dr.சுந்தரராஜ் தயாளன்** · 03/09/2011

நன்று ...இதை எப்படி இத்தனைநாள் நான் பார்க்கவில்லை?! மகிழ்ச்சி

என்னுள்ளும் உன்னுள்ளும் நாம் !!

என்னுள்ளும் உன்னுள்ளும் நாம் !!

Re: என்னுள்ளும் உன்னுள்ளும் நாம் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக