திருப்பதி லட்டில் தங்கத்தோடு

by இரா.பகவதி Mon Apr 16, 2012 2:40 am

First topic message reminder :

திருப்பதி: திருப்பதி கோயில் பிரசாத லட்டில் தங்கத்தோடு இருந்தது.சித்தூர் மாவட்டம் பி.கொத்தகோட்டா ரங்கசமுத்திரம் சாலையை சேர்ந்தவர் ரெட்டப்பா(45), வியாபாரி. இவர், கடந்த 2 நாட்களுக்கு முன்பு குடும்பத்தினருடன் திருப்பதி ஏழுமலையான் கோயிலுக்கு சுவாமி தரிசனம் செய்ய சென்று இருந்தார்.
அங்கு சுவாமி தரிசனம் செய்த பிறகு, லட்டு பிரசாதம் வாங்கிக்கொண்டு ரெட்டப்பா நேற்று பி.கொத்தக்கோட்டா திரும்பினார். பின்னர் பிரசாதத்தை உறவினர் மற்றும் நண்பர்களுக்கு வழங்கினார். அதே கிராமத்தை சேர்ந்த உறவினரான சுதர்சன ஆச்சாரி&உமாதேவி தம்பதியினருக்கு பிரசாத லட்டு ஒன்றை ரெட்டப்பா வழங்கினார். இதனை அவர்கள் பூஜை அறையில் வைத்தனர். மாலை பிரசாதத்தை சாப்பிடுவதற்காக லட்டுவை பிட்டனர். அதில் சுமார் 2 கிராம் அளவிலான ஒரு தங்கத்தோடு இருந்தது. இதைக் கண்டு அந்த தம்பதியினர் இன்ப அதிர்ச்சி அடைந்தனர்.

இந்த தகவல் அப்பகுதியில் காட்டுத் தீ போல் பரவியது. இதனை ஏராளமானோர் பார்த்து வியந்தனர்.லட்டில் தங்கத்தோடு இருந்தது குறித்து சுதர்சன ஆச்சாரி&உமாதேவி தம்பதியர் கூறுகையில், ‘ஏழுமலையான் எங்களுக்கு பரிசாக கொடுத்துள்ளார்’ என மகிழ்ச்சியுடன் தெரிவித்தனர்.