ஆகமம் - 1 - தூய தமிழ்ச் சொல்

**சாமி** · **சாமி** Sun Apr 15, 2012 1:27 pm

‘ஆகமம்’ என்ற சொல் தமிழிலும் வடமொழியிலும் உள்ள தற்சமம் என்ற வகையைச் சேர்ந்த சொல். ஆகமம் என்ற வடசொல்லிற்குப் பொருள் வேறு. ஆகமம் என்ற தமிழ்ச் சொல்லிற்குப் பொருள் வேறு.
ஆகமம் என்ற வடசொல்லிற்கு வந்தது என்று பொருள் என வடமொழி வ்ல்லுனர்கள் கூறுகின்றனர்.
எதிலிருந்து வந்தது?
எங்கிருந்து வந்தது?
எப்போது வந்தது?
என்பன போன்ற கேள்விகளுக்கு அதில் விடையில்லை. எனவே, இது குன்றக் கூறலாய் வடமொழியில் அவாய் நிலையைக் கொண்டு நிற்கும் சொல். அவாய் நிலை என்பது பின்னும் பல தகவல்களை அவாவிய நிலையில் உள்ளது என்று பொருள்.

அடுத்து ஆகமம் என்ற தமிழ்ச் சொல்லை பின்வருமாறு பிரித்துப் பொருள் காணலாம்.
ஆ+கமம் என்று அச் சொல் பிரியும்.
ஆ= பசு. பசு ஒரு கட்டுத்தறியில் கட்டப்படுகிறது. அது போல உயிர்களும் இவ்வுடலில் கட்டப்படுவதால் ‘ஆ’ என்ற ஓரெழுத்தொரு சொல் உயிர்களை உவம ஆகுபெயராகக் குறிக்கும்.

‘கமம் நிறைந்தியலும்’ என்பது தொல்காப்பியம் கூறும் பொருள். எனவே கமம் என்பது நிறைவைக் குறிக்கும்.

உயிர்கள் உலகில் எதையெதையோ அடைந்தால் நிறைவைப் பெறலாம் எனத் தொடங்கி அவை ஒன்றும் நிறைவைத் தராததைக் காண்கிறது. முடிவில் முடிவில்லாத நிறைவைத் தருவது இறைதிருவடி ஒன்றுதான் என்பதை உணர்கிறது. இவ்வாறு உயிர்களுக்கு இறை இன்பம் என்னும் நிலைத்த நிறைவை எது தருகிறதோ அது ஆகமம் எனப்பட்டது.

ஆக, ஆகமம் என்ற தமிழ்ச் சொல்லின் பொருள் என்னவெனில் உயிர்களுக்கு நிலைத்த நிறைவான இறைப்பேரின்பத்தை அடையச் செய்யும் நூல் என்று அறிகிறோம்.

(தொடரும்)
(நன்றி: சிவனியமும் சால்பியமும் நூல்)

balakarthik · balakarthik Sun Apr 15, 2012 1:37 pm

நல்ல தகவல் அருமையான விளக்கம் அப்படினா ஆகமம் என்பது கோவில்களை கட்டுவதற்க்கு உபயோக்கிப்பது தவறா

**Dr.சுந்தரராஜ் தயாளன்** · 03/09/2011

மிகவும் நன்று...விரும்பினேன் உங்களின் பதிவை. மகிழ்ச்சி

**அருண்** · **அருண்** Sun Apr 15, 2012 2:13 pm

தூய தமிழ்ச் சொல்லின் மூலம் ஆகமம்த்தின் பொருள் அறியதந்தமைக்கு..! சூப்பருங்க

ஹர்ஷித் · ஹர்ஷித் Sun Apr 15, 2012 2:19 pm

பைபிளில் இன்றும் இவார்ரத்தை உள்ளது....நன்றி தகவலுக்கு.

பத்மநாபன் · பத்மநாபன் Sun Apr 15, 2012 10:21 pm

சாமி wrote:
ஆக, ஆகமம் என்ற தமிழ்ச் சொல்லின் பொருள் என்னவெனில் உயிர்களுக்கு நிலைத்த நிறைவான இறைப்பேரின்பத்தை அடையச் செய்யும் நூல் என்று அறிகிறோம்.

இன்றளவும் ஆகமம் என்றால் ஏதோ வடமொழிச் சொல் என்று நினைத்து இருந்தேன். நன்றி.

ஆரூரன் · ஆரூரன் Mon Apr 16, 2012 7:54 am

சாமி wrote:
உயிர்கள் உலகில் எதையெதையோ அடைந்தால் நிறைவைப் பெறலாம் எனத் தொடங்கி அவை ஒன்றும் நிறைவைத் தராததைக் காண்கிறது. முடிவில் முடிவில்லாத நிறைவைத் தருவது இறைதிருவடி ஒன்றுதான் என்பதை உணர்கிறது. இவ்வாறு உயிர்களுக்கு இறை இன்பம் என்னும் நிலைத்த நிறைவை எது தருகிறதோ அது ஆகமம் எனப்பட்டது.

நல்ல விளக்கம்

பது · பது Mon Apr 16, 2012 8:47 am

சாமி wrote:
ஆகமம் என்ற தமிழ்ச் சொல்லின் பொருள் என்னவெனில் உயிர்களுக்கு நிலைத்த நிறைவான இறைப்பேரின்பத்தை அடையச் செய்யும் நூல் என்று அறிகிறோம்.

Sponsored content · Sponsored content

ஆகமம் - 1 - தூய தமிழ்ச் சொல்

ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

Re: ஆகமம் - 1 - தூய தமிழ்ச் சொல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக