Latest topics

50 லட்சம் சாம்சங் கேலக்ஸி நோட்

ஈகரை தமிழ் களஞ்சியம் :: தகவல் தொடர்பு தொழில் நுட்பம் :: கைத்தொலைபேசி உலகம்

Page 1 of 1

50 லட்சம் சாம்சங் கேலக்ஸி நோட்

Post by சிவா Sun 15 Apr 2012 - 21:08

சென்ற மார்ச் 27 வரை, சாம்சங் நிறுவனம் 50 லட்சம் கேலக்ஸி நோட் டேப்ளட் போன்களை விற்பனை செய்துள்ளதாக அறிவித்துள்ளது. இது ஐந்து மாதங்களில் மேற்கொண்ட விற்பனையாகும். இன்னும் அதிகமான எண்ணிக்கையில் வழங்கும் வகையில் தயாரிக்க முடிந்தால், விற்பனை எண்ணிக்கையும் அதிகரிக்கும் என இந்த சந்தையைக் கண்காணிப்பவர்கள் கருத்து தெரிவித்துள்ளனர். அமெரிக்காவில் ஏ.டி. அண்ட் டி நிறுவனம், இதனை தன் போன் தேவை திட்டத்தில் மட்டுமே பயன்படுத்தும்படி ஒன்று 500 டாலருக்கு விற்பனை செய்து வருகிறது. கொரியா, சீனா, பிரான்ஸ் மற்றும் ஸ்பெயின் நாடுகளில் இதுவே முதல் இடத்தைப் பிடித்துள்ளது.

ஏன் இந்த அளவிற்கு மக்கள் இதனை விரும்புகின்றனர்? என்ற கேள்விக்கு பதிலாக முதலில் கிடைப்பது, இதன் 5.3 அங்குல அளவிலான திரை மற்றும் அதற்கென கிடைக்கும் எஸ் - பென் ஸ்டைலஸ் பேனாவும் தான். இதன் முன்னால், மற்ற டேப்ளட் போன்கள் சித்திரக் குள்ளனாகக் காட்சி அளிக்கின்றன. ஆனால், பெரிய திரையிலும் சில பிரச்னைகள் கிடைக்கின்றன. இரு கைகளால் பிடித்தே இயக்க முடிகிறது. மேலும் போன் டயல் செய்கையில், ஒரே கட்டைவிரலால் அனைத்து எண்களையும் அழுத்த இயலவில்லை. மற்றபடி வேறு பிச்னை இல்லை. காலைப் பிடித்துபடி பேண்ட், மார்பைப் பிடித்தபடி டி-ஷர்ட் போட்டிருந்தால், பாக்கெட்டில் வைத்து எடுத்துச் செல்வது சிரமம். ஆனால் மற்றவர்களுக்கு இது மிக வசதியாக உள்ள டேப்ளட் போனாக அமைகிறது.

அனுபவமொழிகள், பொன்மொழிகள் அடங்கிய நூற்றுக்கணக்கான காலை வணக்கம் படங்களைப் பெற:

https://picsart.com/u/sivastar
https://picsart.com/u/sivastar/stickers

ஈகரை டெலிகிராம் ஆப்பில் இணைய: https://t.me/eegarai

சிவா: நிறுவனர்; பதிவுகள் : 91537
இணைந்தது : 19/09/2008