ராக்கெட் மன்னன் திப்புசுல்தான்!

by **சிவா** Sun Apr 15, 2012 9:41 am

இன்று ராக்கெட் விடுவதில் உலக நாடுகளுக்கு இடையே போட்டி நடக்கிறது. ஆனால் 18ம் நூற்றாண்டிலேயே இந்திய மன்னர் திப்புசுல்தான் ராக்கெட் தொழில்நுட்பத்தை மிக லாவகமாக பயன்படுத்தி இருக்கிறார்.

பதினாறாம் நூற்றாண்டில் இத்தாலியர்களும், பிரெஞ்சுக்காரர்களும் 5 ஆயிரம் அடி பறக்கக்கூடிய ராக்கெட்டை கண்டுபிடித்தனர். இவர்களை திகைக்க வைக்கும் வகையில் ராக்கெட் செலுத்தி இருக்கிறார் திப்புசுல்தான். 1782-ல் ஸ்ரீரங்கப்பட்டினத்தில் நடந்த போரில் காரன்வாலிஸ் பிரபுவுக்கு எதிராக திப்புசுல்தான் விட்ட ராக்கெட் 10 ஆயிரம் அடி சீறிப்பாயக் கூடியதாக இருந்தது. திப்புசுல்தான் படையில் ராக்கெட்காரர்கள் பிரிவு என்ற தனிப்பிரிவு ஒன்றும் இருந்துள்ளது.

திப்புசுல்தான் காலத்தில் தயாரிக்கப்பட்ட ராக்கெட்டின் ஒரு பகுதி இன்னமும் லண்டனுக்கு அருகேயுள்ள உருகுண்டா கண்காட்சி மையத்தில் உள்ளது.

by **சிவா** Sun Apr 15, 2012 9:42 am

அசோகர்

மன்னர் ஆட்சி முடிந்து எவ்வளவோ காலம் ஆகிவிட்டது. ஆனாலும் மன்னர் அசோகர் மட்டும் எல்லோராலும் நினைவு கூரப்படுகிறார், அவர் உருவாக்கிய அசோக சக்கரம், நமது தேசியக் கொடியில் ஒளிர்ந்து கொண்டிருக்கிறது? அவரது புகழுக்கு காரணம் உங்களுக்குத் தெரியுமா?

அசோகர், போர் புரியும் அரசனாக இருந்து புத்த போதனையைக் கேட்டு, அஹிம்சாவாதியாக மாறினார். அதன்பிறகு போர் புரியாமை, வேட்டையாடாமை, எல்லா உயிர்களிடத்தும் அன்பு பாராட்டுவது என்று தன் வாழ்நாள் முழுமையும் கழித்தார். போதனைகளை தானே பின்பற்றி முன்மாதிரியாக நடந்து கொண்டார்.

சாலை ஓரங்களில் மரம் நடுதல் உள்பட எக்காலத்துக்கும் மக்கள் நன்மை பெறும் திட்டங்களை செயல்படுத்தினார். மேலும், "மக்கள் அனைவரும் தன் (மன்னனின்) குழந்தைகள்'' என்று எழுதி அதன்படியே தன் ஆட்சிக்குட்பட்ட மக்களின் துயர் துடைத்து வாழ்ந்தார் அசோகர்.

இப்போது புரிகிறதா? மன்னர் அசோகர் புகழப்படுவதன் ரகசியம்.

நல்ல பதிவு சிவா....திப்புவின் ராக்கெட் செய்முறை குறித்து விபரமாக முன்பு முகநூலில் படத்துடன் படித்ததாக நாபகம். மகிழ்ச்சி

by **பிரசன்னா** Sun Apr 15, 2012 12:24 pm

நல்ல பகிர்வு, தொடருங்கள் உங்கள் பகிர்வை, மேலும் பல விபரங்கள் நாங்கள் அறிந்துகொள்கிறோம்.... !

by பது Sun Apr 15, 2012 12:30 pm

அசோகரா எம்மினம் அழிய அவரும் ஒரு காரணம்மல்லோ

by balakarthik Sun Apr 15, 2012 12:35 pm

பது wrote:அசோகரா எம்மினம் அழிய அவரும் ஒரு காரணம்மல்லோ

என்ன செஞ்சாறு அசோகர் பது

by முஹைதீன் Sun Apr 15, 2012 1:00 pm

தகவலுக்கு நன்றி தல

by **கேசவன்** Sun Apr 15, 2012 1:30 pm

by **ராஜா** Sun Apr 15, 2012 2:35 pm

சிவா wrote:அசோகர், போர் புரியும் அரசனாக இருந்து புத்த போதனையைக் கேட்டு, அஹிம்சாவாதியாக மாறினார். அதன்பிறகு போர் புரியாமை, வேட்டையாடாமை, எல்லா உயிர்களிடத்தும் அன்பு பாராட்டுவது என்று தன் வாழ்நாள் முழுமையும் கழித்தார். போதனைகளை தானே பின்பற்றி முன்மாதிரியாக நடந்து கொண்டார்..

இப்ப இருக்குற புத்தமத அகிம்ஸாவாதிகள் மாட்டுக்கறியை தின்றுவிட்டு தமிழர்களின் உயிரை குடிக்கிறார்கள் சோகம்