கணிப்புகள்

க அருண்குமார் · 05/07/2011

தந்தையும்,
எட்டு வயது சிறுவனும்
கிளி ஜோசியரிடம் செல்கிறார்கள்..

கூண்டிலிருந்து
வெளியேறிய கிளி
அரிசி மறைக்கப்பட்ட
சீட்டை ஜோசியரிடம் தந்து
தத்தித் தாவி மீண்டும்
கூண்டுக்குள்
அடைபட்டுக் கொள்கிறது.

கடவுள் புகைப்பட
ஆதாரத்துடன் ஜோசியர்
குறிசொல்லும் தந்தையின்
எதிர்காலத்தைப்பற்றி
ஆர்வமில்லாமல்
“கூண்டுக்கிளியின்
சுகந்திரத்தை யார்
கணித்துச் சொல்வார்களோ?”
என்கிற சிந்தனையில்
மூழ்கிறான் சிறுவன்..

அசுரன் · அசுரன் Thu Apr 12, 2012 7:38 pm

ஒரு சிலரால் தான் இப்படி எண்ணிப்பார்க்க முடியும்
தலைசிறந்த கவிதை. நண்பரே

றினா · றினா Thu Apr 12, 2012 7:48 pm

க அருண்குமார் wrote:“கூண்டுக்கிளியின்
சுகந்திரத்தை யார்
கணித்துச் சொல்வார்களோ?”

உண்மைதான்.
இந்தக் காலத்திலும் இப்படியா...?

பகுத்தறிவான பதிவு
பதிவுக்கு நன்றி

அசுரன் · அசுரன் Thu Apr 12, 2012 7:53 pm

றினா wrote:
க அருண்குமார் wrote:“கூண்டுக்கிளியின்
சுகந்திரத்தை யார்
கணித்துச் சொல்வார்களோ?”

உண்மைதான்.
இந்தக் காலத்திலும் இப்படியா...?

பகுத்தறிவான பதிவு
பதிவுக்கு நன்றி

எந்த காலத்திலும் இருதரப்பினரும் இருப்பார்கள் றினா!