அரூர் அருகே கணவன் வெறிச்செயல்: தலையில் அம்மிக்கல்லை போட்டு மனைவி, மகள் படுகொலை

மீனு · மீனு Sun Oct 04, 2009 9:01 pm

அரூர் அருகே மனைவி மற்றும் மூத்த மகளின் தலையில் அம்மிக்கல்லை போட்டு கொன்றுவிட்டு தலைமறைவான கூலித் தொழிலாளியை போலீசார் தேடிவருகின்றனர். மற்றொரு மகள் உயிருக்கு ஆபத்தான நிலையில் சேலம் அரசு ஆஸ்பத்திரியில் சிகிச்சை பெற்று வருகிறாள்.

தர்மபுரி மாவட்டம் அரூர் அருகே எல்லப்புடையாம்பட்டியை சேர்ந்தவர் தேசிங்குராஜன் (35). கோவையில் கட்டிட வேலை செய்து வருகிறார். தனது அக்கா மகள் பொன்மொழி (30) என்பவரை திருமணம் செய்து கொண்டார். தினேஷ் (12) என்ற மகனும், திவ்யா (7), தீபிகா (5) என்ற மகள்களும் உள்ளனர்.

கணவன், மனைவி இடையே அடிக்கடி தகராறு ஏற்பட்டு வந்தது. சில மாதங்களாக தேசிங்குராஜன் வேலைக்கு செல்லவில்லை. இதனால் பிரச்னை மேலும் வெடித்தது. அவர்களை உறவினர்கள் சமாதானம் செய்து சேர்த்து வைத்தனர்.

இந்நிலையில், நேற்று நள்ளிரவில் தம்பதிகளுக்குள் சண்டை ஏற்பட்டது. ஆத்திரமடைந்த தேசிங்கு, வீட்டுக்கு வெளியில் இருந்த அம்மிக்கல்லை தூக்கி வந்தார். கதவை உள்புறமாக தாளிட்டுவிட்டு பொன்மொழியின் தலையில் அம்மிக்கல்லை போட்டார். அலறல் சத்தம் கேட்டு கண்விழித்த குழந்தைகள், ரத்தத்தைப் பார்த்து மிரண்டனர். ஆத்திரம் தணியாத தேசிங்கு, அம்மிக்கல்லை எடுத்து மகள் திவ்யா தலையில் போட்டார். தாயும், மகளும் துடிதுடித்து இறந்தனர்.

பின்னர், தீபிகா மீதும் அம்மிக்கல்லை போட்டு தாக்கினார். படுகாயம் அடைந்த தீபிகா மயங்கி விழுந்தாள். அவள் இறந்து விட்டதாக நினைத்த தேசிங்கு மகனை தாக்க முயன்றார். சுதாரித்துக் கொண்ட மகன் தினேஷ், கதவை திறந்து வெளியே ஓடி வந்தான். அருகில் வசிக்கும் பெரியப்பா கருப்பசெட்டியிடம் நடந்ததை கூறி அழுதான். அவர் பதறியடித்து ஓடி வந்தார்.

மனைவி, மகள்களை ரத்தவெள்ளத்தில் பார்த்த தேசிங்கு, பேனில் சேலையால் தூக்குப்போட்டு தற்கொலைக்கு முயன்றார். அண்ணனும் மற்றவர்களும் வருவதைப் பார்த்ததும் அங்கிருந்து தப்பி ஓடிவிட்டார். படுகாயத்துடன் உயிருக்கு ஆபத்தான நிலையில் இருந்த தீபிகாவை மீட்டு அரூர் அரசு ஆஸ்பத்திரியில் சேர்த்தனர். பின்னர் மேல்சிகிச்சைக்காக சேலம் அரசு ஆஸ்பத்திரிக்கு கொண்டு செல்லப்பட்டார்.
இரட்டை படுகொலை குறித்து அரூர் போலீசார் வழக்கு பதிந்து, தலைமறைவாகிவிட்ட தேசிங்குராஜனை தேடி வருகின்றனர்.

ரூபன் · ரூபன் Sun Oct 04, 2009 9:33 pm

அரூர் அருகே கணவன் வெறிச்செயல்: தலையில் அம்மிக்கல்லை போட்டு மனைவி, மகள் படுகொலை 56667

அரூர் அருகே கணவன் வெறிச்செயல்: தலையில் அம்மிக்கல்லை போட்டு மனைவி, மகள் படுகொலை

அரூர் அருகே கணவன் வெறிச்செயல்: தலையில் அம்மிக்கல்லை போட்டு மனைவி, மகள் படுகொலை

Re: அரூர் அருகே கணவன் வெறிச்செயல்: தலையில் அம்மிக்கல்லை போட்டு மனைவி, மகள் படுகொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக