நெருப்புநரி உலாவியில் பயன்படாத நீட்சிகளை நீக்குவது எப்படி?

நாம் நெருப்பு நரி உலாவியில் நமக்கு தேவையான பல நீட்சிகளை தேவைப்படும் பொழுது தரவிறக்கி, பதிந்து கொள்கிறோம். ஆனால் சில சமயங்களில் நெருப்பு நரி உலாவியின் புதிய பதிப்பை upgrade செய்த பிறகு, ஒரு சில நீட்சிகளை புதிய பதிப்பு அங்கீகரிக்காமல் போகும். இது போன்ற சம்பவங்கள் நிகழும் பொழுது, உங்கள் உலாவியின் வேகம் குறைவதற்கான வாய்ப்புகள் உள்ளன.
எனவே, இப்படி FireFox ஆல் அங்கீகரிக்கப்படாத, உங்கள் கணினியில் பயனற்று இருக்கும் நீட்சிகளை எப்படி நீக்குவது என்பதை பார்க்கலாம்.
FireFox இன் Tools மெனுவிற்குச் சென்று Add-ons க்ளிக் செய்து கொண்டு, திறக்கும் Add-ons வசனப் பெட்டியில் Extension டேபிற்கு செல்லுங்கள். இங்கு நீங்கள் நிறுவியுள்ள அனைத்து நீட்சிகளும் பட்டியலிடப்பட்டிருக்கும்.



இதில் பயனில் இல்லாத நீட்சி Grey ஆக இருக்கும். இவற்றில் உள்ள Un install பொத்தானை சொடுக்கி நீக்கி விடலாம். ஆனால் ஒரு சில நீட்சிகளில் Uninstall பொத்தானும் செயலிழந்து இருக்கும்.



இது போன்ற நிகழ்வின் போது என்ன செய்யலாம்?

Start menu சென்று Mozilla Firefox folder இல் Mozilla Firefox (Safe Mode) ஐ க்ளிக் செய்து Safe mode இல் திறந்து கொண்டு மேலே குறிப்பிட்டுள்ளது போல Uninstall செய்து விட்டு, நெருப்பு நரியை மூடிவிட்டு மறுபடி திறந்து பாருங்கள்.

இந்த வழியும் வேலை செய்யாது போனால் நெருப்பு நரி உலாவியில் Help மெனுவில் Troubleshooting Information ஐ க்ளிக் செய்யுங்கள்.


இனி திறக்கும் பக்கத்தில் Application Basics எனும் பகுதிக்கு கீழாக உள்ள Open Containing Folder என்ற பொத்தானை க்ளிக் செய்து,


உங்கள் உலாவியின் Profile Folder ஐ திறந்து கொள்ளுங்கள். இதில் உள்ள Extension Folder இல் நீங்கள் நிறுவிய அனைத்து நீட்சிகளும் தனித்தனி Folder இல் இருக்கும்.


இதன் அட்ரஸ் பாரில் இந்த Folder உங்கள் கணினியில் எங்கு உள்ளது என்பதை குறித்துக் கொள்ளுங்கள்.

பிறகு மறுபடியும் Troubleshooting Information பகுதிக்கு செல்லுங்கள். இங்கு extensions பகுதியில் நீங்கள் நீக்க விரும்பும் நீட்சிக்கு நேராக உள்ள ID என்ன என்பதை குறித்துக் கொள்ளுங்கள்.



பிறகு நெருப்பு நரி உலாவியை மூடி விட்டு, நீங்கள் ஏற்கனவே குறித்து வைத்திருந்த Profile\extensions folder க்கு My Computer வழியாக சென்று, நீங்கள் நீக்க விரும்பி, குறித்து வைத்துள்ள நீட்சியின் ID யின் பெயரில் உள்ள Folder ஐ Delete செய்து விடுங்கள். (இதை செய்யும் பொழுது உங்கள் உலாவி திறந்திருக்கவில்லை என்பதை உறுதி செய்து கொள்ளுங்கள்.)

இனி மறுபடி உலாவியை திறக்கையில் தேவையற்ற நீட்சிகள் நீக்கப் பட்டிருப்பதோடு, உலாவியின் வேகத்திலும் மாறுதல் இருக்கும்

அனைவருக்கும் அவசியம் தேவையான பதிவுக்கு நன்றி அருண்!