சிறந்த நிர்வாகத்திறனை வெளிப்படுத்துவது எப்படி?

**சிவா** · **சிவா** Mon Apr 09, 2012 3:51 pm

சிறந்த நிர்வாகி என்பவர் வாடிக்கையாளர்களையும் திருப்திப்படுத்த வேண்டும். அவர்களை அரவணைத்துச் செல்வதில்தான் நிறுவனத்தின் வளர்ச்சியே அடங்கி இருக்கிறது. இதுதான் நிர்வாக இரகசியங்களில் முதன்மையானது.

எந்தத் தொழிலை எடுத்துக் கொண்டாலும் அதன் வளர்ச்சி வாடிக்கையாளர்களின் திருப்தியில்தான் இருக்கிறது. பணியாளர்களை ஊக்கப்படுத்தி வேலைவாங்குவதைப் போலவே, வாடிக்கையாளர்களையும் நல்ல முறையில் கவனிக்க வேண்டும். மேலும் அவர்கள் எப்போதும் நிறுவனத்துடன் தொடர்ந்து வர அவ்வப்போது அவர்களை ஊக்கப்படுத்துவது கட்டாய தேவை என்பதை மறக்கக்கூடாது.

வாடிக்கையாளர்களை ஊக்கப்படுத்துவது என்றால் அவர்களை விழுந்து விழுந்து கவனிப்பது என்பது அர்த்தம் அல்ல. தங்கள் நிறுவனம் வாடிக்கையாளர் சேவையில் எப்போதும் முதன்மையாக இருக்கும் என்பதையும், அவர்களின் நம்பிக்கைக்கு பாத்திரமானது என்பதையும் தெளிவுபடுத்துவதே ஆகும்.

வாடிக்கையாளர்கள் மதில்மேல் நிற்கும் பூனையைப் போன்றவர்கள். அவர்கள் தங்களுக்கு சாதகமாக இருக்கும் நிர்வாகத்தின் பக்கம் சாய்வதற்கு எப்போதும் தயாராக இருப்பார்கள். எனவே அவர்களை தங்கள் செயல்திறன் மூலம் கவர்ந்து இழுப்பது சிறந்த நிர்வாகியின் கடமை.

வாடிக்கையாளர்களின் ஆதரவு இல்லாமல் எந்தத் தொழிலும் முன்னேற்றம் சாணமுடியாது என்பதை நிர்வாகிகள் நன்றாக தெரிந்து வைத்துக் கொள்ள வேண்டும். எனவே, சிறந்த நிர்வாகியாக செயல்பட விரும்புகிறவர்கள் வாடிக்கையாளர்களை எப்போதும் தங்கள் வசம் வைத்திருக்க அவ்வப்போது தேவையான நடவடிக்கைகளை எடுத்துக் கொண்டே இருக்க வேண்டும்.

வாடிக்கையாளர்கள் எல்லோரும் ஒரே விதமானவர்களாக இருக்க மாட்டார்கள். வெவ்வேறு குணாதிசயங்கள், ரசனைகள் உடையவர்களாக இருப்பார்கள். அவர்கள் அனைவரையும் இன்முகத்து டன் அரவணைத்துச் செல்வது சிறந்த நிர்வாகியின் முக்கிய பொறுப்பாகும்.

“நான் நிர்வாகப் பொறுப்பில் இருப்பவன், உயர்வான அந்தஸ்து உடையவன், எனவே சாதாரண மக்களின் மனநிலையை அறிய அவர்கள் அளவுக்கு இறங்கிச் செல்லமாட்டேன்” என்று இறுமாப்புடன் இருக்கும் நிர்வாகிகள் இறுதியில் தோல்வியே தழுவுவார்கள்.

இதேபோல் வாடிக்கையாளர்கள் கொண்டுவரும் பிரச்சினைகளை சமாளிப்பதற்கும் நிர்வாகிகள் தயார் நிலையில் இருக்க வேண்டும். பல ஆயிரக்கணக்கான வாடிக்கையாளர்கள் இருந்தாலும் ஒரு சிலரிடம் நன்மதிப்பை இழந்தால் படிப்படியாக அனைத்து வாடிக்கையாளர்களையும் இழக்க நேரிடும். எனவே வாடிக்கையாளர்கள் நம்முன் வைக்கும் பிரச்சினைகளை நிர்வாகிகள் சிறப்பு கவனத்துடன் கையாண்டு அதற்கு உரிய தீர்வு காண வேண்டும்.

இதேபோல் நிர்வாகிகள் சிடுமூஞ்சிகளாக இருந்துவிட்டால் வாடிக்கையாளர்கள் வழிமாறுவதுடன், அந்த நிர்வாகமும் நிலை குலைந்துவிடும். சிறந்த நிர்வாகிகள், வாடிக்கையாளர்களை கவரும் பொருட்டு எப்போதும் இன்முகத்துடன் காணப்பட வேண்டும்.

குடும்ப சூழலில் ஏதாவது பிரச்சினை ஏற்பட்டால் அதற்கு உடனுக்குடன் தீர்வுகண்டு, மனதை அமைதியாக வைத்துக் கொள்ள வேண்டும். மனம் அமைதியாக இருந்தால்தான் முகத்தில் புன்னகையும், நிர்வாக பணியில் சிறப்பு கவனமும் செலுத்த முடியும்.

ஒரு நிர்வாகத்திற்கு பணியாளர்கள் ஒரு கண் என்றால், அதன் மற்றொரு கண் வாடிக்கையாளர்கள். இதில் எந்த ஒரு கண்ணிற்கும் பாதிப்பு ஏற்படாமல் அரவணைத்து நிறு வனத்தை மேம்படுத்தினால் மட்டுமே சிறந்த நிர்வாகி என்ற பெயரை நீங்கள் தட்டிச் செல்ல முடியும்.

கதிர்

செந்தில் · செந்தில் Mon Apr 09, 2012 3:54 pm

இத மொதல்ல எங்க கம்பெனி எம்.டி க்கு சொல்லனும் மாம்ஸ். ரிலாக்ஸ்

பதிவுக்கு நன்றி மாம்ஸ் முத்தம்

இந்த பதிவைத் துவங்கியவர் நன்றி கூறியுள்ளார் செந்தில்

**ஜாஹீதாபானு** · **ஜாஹீதாபானு** Mon Apr 09, 2012 3:59 pm

பகிர்வுக்கு நன்றீ தம்பி............. சூப்பருங்க

உதயசுதா · உதயசுதா Mon Apr 09, 2012 4:02 pm

செந்தில் wrote:இத மொதல்ல எங்க கம்பெனி எம்.டி க்கு சொல்லனும் மாம்ஸ்.

பதிவுக்கு நன்றி மாம்ஸ்

சொல்லேன் சொல்லி தான் பாரேன். இப்ப இருக்கிற நிலைமைலா ஏதாச்சும் எதிர்த்து வாய திறந்தாலே விசா கேன்ஸல் பண்ணி நேர ஏர்போர்ட்டுளா தான் கொண்டு விடுறாங்கலாம்

செந்தில் · செந்தில் Mon Apr 09, 2012 4:03 pm

உதயசுதா wrote:
செந்தில் wrote:இத மொதல்ல எங்க கம்பெனி எம்.டி க்கு சொல்லனும் மாம்ஸ்.

பதிவுக்கு நன்றி மாம்ஸ்
சொல்லேன் சொல்லி தான் பாரேன். இப்ப இருக்கிற நிலைமைலா ஏதாச்சும் எதிர்த்து வாய திறந்தாலே விசா கேன்ஸல் பண்ணி நேர ஏர்போர்ட்டுளா தான் கொண்டு விடுறாங்கலாம்

இருக்கவே இருக்கு எங்க அக்கா கம்பெனி எனக்கு என்ன கவலை ஜாலி

உதயசுதா · உதயசுதா Mon Apr 09, 2012 4:06 pm

செந்தில் wrote:
உதயசுதா wrote:
செந்தில் wrote:இத மொதல்ல எங்க கம்பெனி எம்.டி க்கு சொல்லனும் மாம்ஸ்.

பதிவுக்கு நன்றி மாம்ஸ்
சொல்லேன் சொல்லி தான் பாரேன். இப்ப இருக்கிற நிலைமைலா ஏதாச்சும் எதிர்த்து வாய திறந்தாலே விசா கேன்ஸல் பண்ணி நேர ஏர்போர்ட்டுளா தான் கொண்டு விடுறாங்கலாம்

இருக்கவே இருக்கு எங்க அக்கா கம்பெனி எனக்கு என்ன கவலை

எங்க கம்பெனில எல்லாம் வேலை செய்யனும்ன்னா 10 மணி நேரம் வேலை பார்க்கணும்.சம்மதமா. சம்பளம் 1500 திர்காம்ஸ் தான் ஸ்டார்ட்டிங் சம்பளம்.ஓகே ண்ணா சொல்லு உடனடியா அப்பாயிண்ட்மெண்ட் லெட்டர் டைப் பண்ணிடறேன்

செந்தில் · செந்தில் Mon Apr 09, 2012 4:07 pm

உதயசுதா wrote:
செந்தில் wrote:
உதயசுதா wrote:
செந்தில் wrote:இத மொதல்ல எங்க கம்பெனி எம்.டி க்கு சொல்லனும் மாம்ஸ்.

பதிவுக்கு நன்றி மாம்ஸ்
சொல்லேன் சொல்லி தான் பாரேன். இப்ப இருக்கிற நிலைமைலா ஏதாச்சும் எதிர்த்து வாய திறந்தாலே விசா கேன்ஸல் பண்ணி நேர ஏர்போர்ட்டுளா தான் கொண்டு விடுறாங்கலாம்

இருக்கவே இருக்கு எங்க அக்கா கம்பெனி எனக்கு என்ன கவலை
எங்க கம்பெனில எல்லாம் வேலை செய்யனும்ன்னா 10 மணி நேரம் வேலை பார்க்கணும்.சம்மதமா. சம்பளம் 1500 திர்காம்ஸ் தான் ஸ்டார்ட்டிங் சம்பளம்.ஓகே ண்ணா சொல்லு உடனடியா அப்பாயிண்ட்மெண்ட் லெட்டர் டைப் பண்ணிடறேன்

1500 திர்காம்ஸ் ஒரு நாளைக்கா அக்கா நக்கல் நாயகம்

இரா.பகவதி · இரா.பகவதி Mon Apr 09, 2012 5:47 pm

பகிர்விற்கு நன்றி சிவா அண்ணா

1500 திர்காம்ஸ் ஒரு நாளைக்கா அக்கா

செந்தில் அண்ணா மணி நேரத்துக்க இருக்கும் ,சுதா அக்காவே அங்க வேலை பாக்கும் பொது நம்மாள முடியாத என்ன ஜாலி

முஹைதீன் · முஹைதீன் Mon Apr 09, 2012 6:12 pm

“நான் நிர்வாகப் பொறுப்பில் இருப்பவன், உயர்வான அந்தஸ்து உடையவன், எனவே சாதாரண மக்களின் மனநிலையை அறிய அவர்கள் அளவுக்கு இறங்கிச் செல்லமாட்டேன்” என்று இறுமாப்புடன் இருக்கும் நிர்வாகிகள் இறுதியில் தோல்வியே தழுவுவார்கள்.

நல்ல கருத்து தல சூப்பருங்க

balakarthik · balakarthik Mon Apr 09, 2012 6:15 pm

நிர்வாகிகள் சிடுமூஞ்சிகளாக இருந்துவிட்டால் வாடிக்கையாளர்கள் வழிமாறுவதுடன், அந்த நிர்வாகமும் நிலை குலைந்துவிடும். சிறந்த நிர்வாகிகள், வாடிக்கையாளர்களை கவரும் பொருட்டு எப்போதும் இன்முகத்துடன் காணப்பட வேண்டும்.

கடுப்பேத்தராங்க மைலாட் சூப்பருங்க

Sponsored content · Sponsored content

சிறந்த நிர்வாகத்திறனை வெளிப்படுத்துவது எப்படி?

சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

Re: சிறந்த நிர்வாகத்திறனை வெளிப்படுத்துவது எப்படி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக