தண்டவாளத்தில் விரிசல்: சிவப்பு சேலையை காட்டி ரயிலை நிறுத்திய பெண்கள்

by மீனு Sun Oct 04, 2009 9:02 pm

சேலம் அருகே ரயில் தண்டவாளத்தில் விரிசல் இருப்பதைக்கண்ட பெண்கள் சிவப்பு சேலையை காட்டி ரயிலை நிறுத்தி விபத்து ஏற்படாமல் தடுத்துள்ளனர்.

சேலம் மாவட்டம் ஓமலூர் அருகே உள்ள நாலுகால்பாலம் பகுதி வழியாக சென்னை செல்வதற்கான ரயில்வே இருப்புப்பாதை உள்ளது. நேற்று காலை நாலுகால் பாலம் பகுதியில் உள்ள தண்டவாளத்தில் விரிசல் இருப்பதை அந்த வழியாக சென்ற கூலித் தொழிலாளிகள் ஈஸ்வரி, சித்ரா ஆகியோர் பார்த்தனர்.

இந்நிலையில், நேற்று காலை ஈரோட்டிலிருந்து சேலம் வழியாக ஜோலார்பேட்டை செல்லும் பாசஞ்சர் ரயில் காலை 8 மணிக்கு சேலத்திலிருந்து புறப்பட்டு வந்தது. இந்த ரயில் நாலுக்கால் பாலத்திற்கு சுமார் 1 கிலோ மீட்டர் தூர இடைவெளியில் வந்த போது, ஈஸ்வரி தனது வீட்டிலிருந்த சிவப்பு சேலையை எடுத்துக் கொண்டு, சித்ராவின் துணையுடன் சென்று, ரயில் தண்டவாளத்தின் இருபக்கமும் பிடித்தபடி நின்றார். இதைப்பார்த்த ரயில் ஓட்டுநர் ரயிலை நிறுத்தினார்.

விவரம் அறிந்து விரிசல் ஏற்பட்ட ரயில்வே தண்டவாளத்தை ரயில் ஓட்டுநர் மற்றும் ரயில்வே ஊழியர்கள் சரி செய்த பின் ரயில் புறப்பட்டுச்சென்றது. ஈஸ்வரி மற்றும் சித்ரா ஆகியோருக்கு ரயில்வே துறையினர், ரயில் பயணிகள் மற்றும் பொதுமக்கள் பாராட்டு தெரிவித்தனர்.

by nandhtiha Sun Oct 04, 2009 9:32 pm

வணக்கம்
அந்தச் சகோதரிகளுக்குப் பாராட்டுக்கள். பாவப் பட்ட கூலித்தொழிலாளர்கள் பாராட்டுக்கள் மட்டும் கிடைத்தன,. அரசியல்வாதியாக இருந்திருந்தால் பொற்கிழி வழங்கி பட்டங்கள் வழங்கிப் பாராட்டுக் கூட்டங்கள் நடத்தப் பட்டிருக்கும். தொலைக்காட்சிகளும் மணிக்கணக்காக அவர்கள் புகழ் பாடிக் கொண்டிருக்கும்
அன்புடன்
நந்திதா
மறந்து விட்டேன் மன்னிக்கவும்
செய்தி அளித்த அன்புச் சகோதரிக்கு நன்றியும் பாராட்டுக்களும்
மாறா அன்புடன்
நந்திதா

by மீனு Sun Oct 04, 2009 9:37 pm

நந்திதா அக்கா ,வணக்கம்.. நலமா ? அன்பு சகோதரியை மறக்காம இருக்கும் நந்திதா அக்கா இப்போ அதிகம் ஈகரைல காண முடிவதில்லை என்ற வருத்தம் மீனுவுக்கு அதிகமே..இப்போ உங்களை மீண்டும் பார்த்ததில் சந்தோசமே.. தண்டவாளத்தில் விரிசல்: சிவப்பு சேலையை காட்டி ரயிலை நிறுத்திய பெண்கள் 154550

தண்டவாளத்தில் விரிசல்: சிவப்பு சேலையை காட்டி ரயிலை நிறுத்திய பெண்கள் 154550

by nandhtiha Sun Oct 04, 2009 10:35 pm

வணக்கம்
இரண்டு நாட்களாக ஈகரைக்குள் வர இயலவில்லை. செர்வர் பிரச்சினை என்று நினைக்கிறேன். இருந்தாலும் இரண்டு செய்திகளைப்பதிவு செய்திருக்கிறேன். என் சகோதரியை எவ்வாறு மறக்க முடியும்? வேறொரு கணினியில் தட்டச்சு செய்ய வேண்டும். இன்னொரு நண்பர் வீட்டிலிருந்து அதை அனுப்ப வேண்டும். இது தான் என் நிலை. மேலும் பல கட்டுரைகள் ஒரே நாளில் எழுத வேண்டிய கட்டாயத்திலும் உள்ளேன்
திக்கற்றவர்க்குத் தெய்வம் தானே துணை.
அன்புடன்
நந்திதா

by மீனு Sun Oct 04, 2009 10:42 pm

அப்படியா அக்கா.. இங்கும் எல்லோருக்கும் செர்வர் பிரச்சனை தான்.. இப்போ சரி ஆகிவிட்டது.. உங்கள் பணி தொடரட்டும் அக்கா...வாழ்த்துக்கள்..கண்டிப்பா தெய்வம் நம்முடன் இருப்பார்.. நன்றிகள் அக்கா ..

by தாமு Mon Oct 05, 2009 5:04 am

ஈஸ்வரி தனது வீட்டிலிருந்த சிவப்பு சேலையை எடுத்துக் கொண்டு, சித்ராவின் துணையுடன் சென்று, ரயில் தண்டவாளத்தின் இருபக்கமும் பிடித்தபடி நின்றார். இதைப்பார்த்த ரயில் ஓட்டுநர் ரயிலை நிறுத்தினார்

ஈஸ்வரி, சித்ரா இரண்டு சகோதரிக்கும் எங்கள் ஈகரை சார்பி நன்றிக்கள்.... தண்டவாளத்தில் விரிசல்: சிவப்பு சேலையை காட்டி ரயிலை நிறுத்திய பெண்கள் 154550