ஒற்றையர் தரவரிசையில் 182வது இடத்திற்கு சரிந்தார் சானியா மிர்சா

by **சிவா** Mon Apr 09, 2012 8:17 pm

இன்று வெளியிடப்பட்ட மகளிர் டென்னிஸ் கூட்டமைப்பின் உலக டென்னிஸ் ஒற்றையர் வீராங்கனைகள் தரவரிசைப் பட்டியலில் சானியா மிர்சா 41 இடங்கள் சரிந்து 182வது இடத்திற்குச் சென்றார்.

மியாமி மாஸ்டர்ஸ் டென்னிஸ் தொடரில் அவர் தகுதி பெறத் தவறியதால் இந்த சரிவு ஏற்பட்டுள்ளது.

இரட்டையர் தரவரிசையில் மியாமி டென்னிஸில் முதல் சுற்றில் வெளியேறியதால் சானியா மிர்சா 9வது இடத்திற்குச் சரிந்தார்.

அதேபோல் ஆடவர் ஒற்றையர் ஏ.டி.பி. உலகத் தரவரிசையில் சோம்தேவ் தேவ் வர்மன் 12 இடங்கள் சரிவடைந்து 197வது இடத்தில் உள்ளார்.

ஆடவர் இரட்டையர் தரவரிசையில் பயஸ், போபண்ணா முறையே 7 மற்றும் 8ஆம் இடத்தில் உள்ளனர்.

பூபதி 15வது இடத்தைத் தக்கவைத்துள்ளார்.

by **சிவா** Mon Apr 09, 2012 8:18 pm

ஒலிம்பிக்‌ - தகு‌தி பெ‌ற்றா‌ர் விஜேந்தர்

ஒற்றையர் தரவரிசையில் 182வது இடத்திற்கு சரிந்தார் சானியா மிர்சா Img1120409009_1_1

ஒலிம்பிக் குத்துச்சண்டை போட்டியில் விளையாட தொடர்ந்து 3-வது முறையாக தகுதி பெற்றுள்ளார் இந்தியாவின் விஜேந்தர் சிங். ஒலிம்பிக்கில் பங்கேற்க 3 முறை தகுதிபெற்ற ஒரே இந்திய வீரர் விஜேந்தர்தான்.

கஜகஸ்தானின் அஸ்தானா நகரில் நடைபெற்று வரும் ஒலிம்பிக் போட்டிக்கான ஆசிய தகுதிச்சுற்றுப் போட்டியின் அரையிறுதிக்கு ‌விஜே‌ந்த‌ர் முன்னேறியதன் மூலம் ஒலிம்பிக்கில் பங்கேற்க தகுதிபெற்று‌ள்ளா‌ர்.

விஜேந்தர் தனது காலிறுதியில் (75 கிலோ எடைப்பிரிவு) 27-17 என்ற கணக்கில் மங்கோலியாவின் டுமுர்குயாக்கை வீழ்த்தினார். இந்த வெற்றியின் மூலம் ஒலிம்பிக்கில் பங்கேற்க தகுதிபெற்றதோடு, வெண்கலப் பதக்கத்தையும் உறுதி செய்துள்ளார் விஜேந்தர்.

இது கு‌றி‌த்து விஜேந்தர் கூறுகை‌யி‌ல், ஒலிம்பிக்கில் விளையாட மீண்டும் தகுதிபெற்றிருக்கிறேன். இதன்மூலம் உலக சாம்பியன்ஷிப் போட்டியின் முதல் சுற்றில் தோற்றதால் என் மீது கூறப்பட்ட அனைத்து விமர்சனங்களுக்கும் இப்போது பதில் கூறிவிட்டேன். நான் சிறந்த வீரர் என்பதை நிரூபித்துவிட்டேன்.

ஒலிம்பிக்கில் விளையாட தகுதி பெற்றிருப்பதன் மூலம் என்னை சூழ்ந்திருந்த நெருக்கடிகள் எல்லாம் தளர்ந்துவிட்டதாகக் கருதுகிறேன். ஒலிம்பிக்கில் விளையாட 3 முறை தகுதிபெற்ற ஒரே இந்தியர் நான்தான் என்பது மிகச்சிறப்பானது என்றார்.

2008-ல் சீன தலைநகர் பெய்ஜிங்கில் நடைபெற்ற ஒலிம்பிக் போட்டியில் விஜேந்தர் வெண்கலம் வென்று இந்தியாவுக்கு பெருமை சேர்த்தார். கஜகஸ்தானில் நடைபெற்ற குத்துச்சண்டை போட்டியில் வெற்றிபெற்றே சீன ஒலிம்பிக் போட்டிக்கும், விஜேந்தர் தகுதிபெற்றார் என்பது குறிப்பிடத்தக்கது.

by யினியவன் Tue Apr 10, 2012 12:08 am

சானியா மிர்ஜாவுக்கு சாதிக்க வேண்டும் என்ற எண்ணம் குறைந்து விட்டதாகவே தெரிகிறது. அவர் உடல் நிலையும் ஒத்துழைப்பது இல்லை. இனி சாதிப்பாரா என்பது கேள்விக் கூறியே.

by Sponsored content

ஒற்றையர் தரவரிசையில் 182வது இடத்திற்கு சரிந்தார் சானியா மிர்சா

ஒற்றையர் தரவரிசையில் 182வது இடத்திற்கு சரிந்தார் சானியா மிர்சா

Re: ஒற்றையர் தரவரிசையில் 182வது இடத்திற்கு சரிந்தார் சானியா மிர்சா

Re: ஒற்றையர் தரவரிசையில் 182வது இடத்திற்கு சரிந்தார் சானியா மிர்சா

Re: ஒற்றையர் தரவரிசையில் 182வது இடத்திற்கு சரிந்தார் சானியா மிர்சா