சித்திரை முதல் நாள் தமிழ் புத்தாண்டா? கருணாநிதி கேள்வி

சித்திரை முதல் நாள் தமிழ் புத்தாண்டா? என்று தி.மு.க. தலைவர் கருணாநிதி கேள்வி எழுப்பியுள்ளார்.

இது குறித்து தி.மு.க. தலைவர் கருணாநிதி நேற்று வெளியிட்டுள்ள அறிக்கையில் கூறியிருப்பதாவது:-

தமிழ் புத்தாண்டு விருதுகள்

"சித்திரை முதல் நாளே தமிழ்ப் புத்தாண்டு தினமாகும்'' என்றும் அந்த நாளை மிகமிகக் கோலாகலமாக விமரிசையாகக் கொண்டாட வேண்டுமென்றும் முதல்-அமைச்சர் உத்தரவிட்டுள்ளார் என்றும்; தமிழ் வளர்ச்சித் துறை சார்பில் ஏப்ரல் 13-ந்தேதியன்று இதற்காக நடத்தப்போகும் விழாவில் முதல் அமைச்சரே பங்கேற்று விருதுகளை வழங்கப்போகிறார் என்றும் சொல்லப்பட்டுள்ளன.

23-1-2008 அன்று தமிழகச் சட்டப் பேரவையில் கவர்னர் தனது உரையிலே செய்த அறிவிப்பில், "மறைமலை அடிகளார் தலைமையில் 500-க்கும் மேற்பட்ட புலவர் பெரு மக்கள், 1921-ம் ஆண்டு சென்னை, பச்சையப்பன் கல்லூரியில் ஒன்றுகூடி, தமிழர்களுக்கென்று ஒரு "தனி ஆண்டு'' தேவை என்று கருதி, அய்யன் திருவள்ளுவர் பெயரில் தொடர் ஆண்டு ஒன்றினைப் பின்பற்றுவதென்றும், அதையே "தமிழ்ஆண்டு'' எனக் கொள்வதென்றும், திருவள்ளுவர் பிறந்த ஆண்டு கி.மு.31 என்றும் முடிவெடுத்தார்கள்.

ரத்து

எனவே, பொங்கல் திருநாளைத் தமிழர் திருநாளாகக் கொண்டாடி வரும் தமிழ்நாட்டு மக்கள்; இனி - தமிழ்ப் புத்தாண்டு பிறந்த நாளாகவும் இணைத்து இந்நாளை இரட்டிப்பு மகிழ்ச்சியுடன் கொண்டாடும் வகையில், தமிழ்ப் புத்தாண்டு இதுவெனத் துள்ளும் மகிழ்ச்சியால் அன்பை அள்ளிப் பொழிவர்'' அறிவித்தார்.

ஆனால் தமிழக முதல்-அமைச்சர் ஜெயலலிதா 23-8-2011 அன்று பேரவையில் கூறும்போது, "தமிழ்ப் புத்தாண்டை தை மாதம் தொடங்க எந்த ஆதாரமும் இல்லை. ஆனால் சித்திரையில் தொடங்குவதற்கு பல ஆதாரங்கள் உள்ளன. கருணாநிதி தன் சுய விளம்பரத்துக்காக, மக்கள் மனஉணர்வை புண்படுத்தும் வகையில் கொண்டு வரப்பட்ட சட்டம் ரத்து செய்யப்பட்டுவிட்டது'' என்றார்.

சட்ட முன்வடிவு

தி.மு.க. ஆட்சியில் கவர்னர் உரையிலே செய்யப்பட்ட அறிவிப்பினைத் தொடர்ந்து அதே ஆண்டில் 29-1-2008 அன்று 2008-ம் ஆண்டு தமிழ்நாடு தமிழ்ப்புத்தாண்டு சட்டமுன் வடிவை பேரவை முன் நான் அறிமுகம் செய்தேன். 1-2-2008 அன்று இந்த சட்ட மசோதா மீதான விவாதம் நடைபெற்று காங்கிரஸ் கட்சியின் சார்பில் ஈ.எஸ்.எஸ். ராமனும், பா.ம.க. சார்பில் கி.ஆறுமுகமும், மார்க்சிஸ்ட் கம்யூனிஸ்ட் சார்பில் என். நன்மாறனும், இந்தியக் கம்யூனிஸ்ட் சார்பில் வை.சிவபுண்ணியமும், ம.தி.மு.க. சார்பில் அப்போது அங்கேயிருந்த மு.கண்ணப்பனும், விடுதலைச்சிறுத்தைகள் சார்பில் கு.செல்வமும் அந்த மசோதாவினை வரவேற்றுப் பேசி அது நிறைவேறியது.

இப்படியெல்லாம் போற்றப்பட்ட, பாராட்டப் பட்ட ஒரு முடிவு நடைமுறைப்படுத்தப்பட தி.மு.க. ஆட்சியிலே சட்டமாகக்கொண்டு வரப்பட்டு 2008-ம் ஆண்டு முதல் செயல்பட்டுவந்தது. அ.தி.மு.க. ஆட்சியில் முதல்-அமைச்சர் ஜெயலலிதாவினால் கொண்டு வரப்பட்ட அந்த மசோதாவை அவையிலே இரண்டு கம்யூனிஸ்ட் கட்சிகளும் எதிர்த்தன என்ற தகவலை செய்தியாளர்கள் என்னிடம் தெரிவித்து அதுபற்றி கருத்துக் கேட்டபோது, `அவர்களின் தமிழ் உணர்வுக்குத் தலைவணங்குகிறேன்` என்று அப்போதே பதில் கூறினேன்.

பாரதிதாசன் கவிதை

இன்னும் சொல்ல வேண்டுமேயானால் புரட்சிக் கவிஞர் பாரதிதாசனே, "நித்திரையில் இருக்கும் தமிழா!, சித்திரையல்ல உனக்குத் தமிழ்ப் புத்தாண்டு, அண்டிப் பிழைக்கவந்த ஆரியர் கூட்டம் காட்டியதே அறிவுக் கொவ்வாத அறுபது ஆண்டுகள் தரணியாண்ட தமிழருக்கு தை முதல் நாளே தமிழ்ப் புத்தாண்டு!''-என்று பாடியதையும் நினைவு கூற விரும்புகிறேன்.

இவ்வாறு அறிக்கையில் கருணாநிதி கூறியுள்ளார்.

தினதந்தி

கருணாநிதி தலையில் இருப்பது எத்தனை முடிகள் ? புரட்சி கேள்வி

சித்திரை முதல் நாளே தமிழர் புத்தாண்டு !

நன்றி அய்யா

தமிழ் புத்தாண்டை தை மாதம் கொண்டாடினாலும் சித்திரை மாதம் கொண்டாடினாலும் எந்த தமிழனும் ஓவர் நைட்டுல ஒபாமா ஆகிடபோரதில்லா வேலைக்கு போரவங்களுக்கு சித்திரை முதல் தேதி ஒருநாள் எக்ஸ்ட்ரா விடுமுறை அவ்வூலவே இதனால் ஏற்படும் பயன்

இன்னும் சொல்ல வேண்டுமேயானால் புரட்சிக் கவிஞர் பாரதிதாசனே, "நித்திரையில் இருக்கும் தமிழா!, சித்திரையல்ல உனக்குத் தமிழ்ப் புத்தாண்டு, அண்டிப் பிழைக்கவந்த ஆரியர் கூட்டம் காட்டியதே அறிவுக் கொவ்வாத அறுபது ஆண்டுகள் தரணியாண்ட தமிழருக்கு தை முதல் நாளே தமிழ்ப் புத்தாண்டு!''-என்று பாடியதையும் நினைவு கூற விரும்புகிறேன்.

அண்டி பழக வந்த திராவிடர் கூட்டம் என்று சொல்லலாமே

சித்திரை முதல் நாள் தமிழ் புத்தாண்டா? என்று தி.மு.க. தலைவர் கருணாநிதி கேள்வி எழுப்பியுள்ளார்.

ஒருத்தன் மண்டைய போட்டானா , இந்த வருடமே தமிழக மக்களுக்கு புத்தாண்டு பிறந்து விடிவுகாலம் பிறக்கும் என நம்புகிறேன் கொலைஞரே

ராஜா wrote:

சித்திரை முதல் நாள் தமிழ் புத்தாண்டா? என்று தி.மு.க. தலைவர் கருணாநிதி கேள்வி எழுப்பியுள்ளார்.

ஒருத்தன் மண்டைய போட்டானா , இந்த வருடமே தமிழக மக்களுக்கு புத்தாண்டு பிறந்து விடிவுகாலம் பிறக்கும் என நம்புகிறேன் கொலைஞரே

தல, என்ன இது கொலவெறி....!!!!!

இந்த அரசியல் வியாதி தொல்லை ஜாஸ்தி ஆகிட்டே போகுதே.ஒரு நாள் கூடுதலா லீவு கிடைக்குது.அதையும் கிடைக்க விடாம பண்ணுராரே.

balakarthik wrote:தமிழ் புத்தாண்டை தை மாதம் கொண்டாடினாலும் சித்திரை மாதம் கொண்டாடினாலும் எந்த தமிழனும் ஓவர் நைட்டுல ஒபாமா ஆகிடபோரதில்லா வேலைக்கு போரவங்களுக்கு சித்திரை முதல் தேதி ஒருநாள் எக்ஸ்ட்ரா விடுமுறை அவ்வூலவே இதனால் ஏற்படும் பயன்

உதயசுதா wrote:இந்த அரசியல் வியாதி தொல்லை ஜாஸ்தி ஆகிட்டே போகுதே.ஒரு நாள் கூடுதலா லீவு கிடைக்குது.அதையும் கிடைக்க விடாம பண்ணுராரே.

சித்திரை முதல் நாள் எந்த ஒரு சிறப்பும் இல்லையெனில் கலைஞர் தொலைக்காட்சியில் சிறப்பு நிகழ்ச்சிகள் ஏனோ..... கலைஞர் ஐயா ?......!!

பகிர்விர்க்கு நன்றிகள் அன்பரே.....,

காளைவேந்தன் wrote:சித்திரை முதல் நாள் எந்த ஒரு சிறப்பும் இல்லையெனில் கலைஞர் தொலைக்காட்சியில் சிறப்பு நிகழ்ச்சிகள் ஏனோ..... கலைஞர் ஐயா ?......!! பகிர்விர்க்கு நன்றிகள் அன்பரே.....,

இந்த கேள்வியெல்லாம் அவர்களுக்கு உறைக்காது காளை ...