நீதி தவறிய உளுந்துவடை பாண்டியனும் - பானுவின் வடையும் - கொலவெறி

by யினியவன் Mon Apr 09, 2012 4:07 am

First topic message reminder :

நீதி தவறிய உளுந்துவடை பாண்டியனும் - பானுவின் வடையும்

மன்னர் உளுந்துவடைப் பாண்டியன் அவையில் ஒரு சிறுவன் அரண்மனை வடையை திருடிய குற்றத்திற்காக சவுக்கடி தண்டனைக் குள்ளாகிறான்.

அது தெரிந்து அவன் அன்னை பானு நீதி கேட்டு மன்னர் உளுந்துவடைப் பாண்டியனை சென்று வழக்காடுகிறார்.

காவலர்கள் தடுத்தும் அவர்களை மீறி பானு தலைவிரி கோலமாக கையில் ஒரு உளுந்துவடையுடன் அரசவைக்குள் ஆவேசமாய் நுழைகிறார்.

மன்னா நீதி தவறா உளுந்துவடை பாண்டியன் என்று பெயர் பெற்ற உன்னால் ஒரு பாவமும் அறியாத என் கண்மணி தண்டிக்கப் பட்டது என்ன ஞாயம்?

என்ன என் அவையில் தவறான தீர்ப்பா? என் மீது குற்றம் சாட்டும் உன்னை உளுந்துவடை எதிர்ப்பு சட்டத்தின் கீழ் கைது செய்து தண்டனை வழங்கி விடுவேன் ஜாக்கிரதை.

ஆஹ் ஆஹ் ஆஹ் ஹா ஹா ஹா வென அவையே அதிரும் அளவுக்கு வெடி(வடை)ச் சிரிப்பு சிரிக்கிறார் பானு.

எனை மிரட்டாதே மன்னா - ஒரு உளுந்துவடையை உன்னால் சரிவர அறிந்து கொள்ள முடியாத உனக்கு நீதி தவறா உளுந்துவடை பாண்டியன் என்ற பெயர் எதற்கு? இந்த அரசவை எதற்கு?

என்ன எனையா எதிர்த்து பேசுகிறாய்? அவையை அவமதித்த உனை வாழ்நாள் முழுவதும் உளுந்துவடை சாப்பிட முடியாமல் செய்து விடுவேன்.

செய் மன்னா செய் அதையாவது ஒழுங்காக செய் வடை தான் செய்யத் தெரிவில்லை என்றால்.

ஆஹ் ஆஹ் ஆஹ் ஹா ஹா ஹா வென அவையே அதிரும் அளவுக்கு வெடி(வடை)ச் சிரிப்பு சிரிக்கிறார் பானு.

நான் சுட்ட வடையை என் கண்மணி அதை அவன் நண்பனுக்கு கொடுக்க சென்று கொண்டிருந்த பொழுது உன் காவலர்கள் அவன் அரண்மனை வடையை திருடியதாக கூறி கைது செய்து உன்னிடம் கொண்டு வந்தார்கள். நீ தீர விசாரிக்காமல் அவனுக்கு சவுக்கடி கொடுத்து தண்டித்து விட்டாய் - பார் அவன் உடலை பார் மன்னா பார் - வடை வடையாய் வீங்கி இருக்கிறது.

விசாரித்துத் தான் தண்டனை வழங்கினேன் பெண்ணே.

உன் விசாரணையின் நாத்தம் தான் ஊரெல்லாம் வீசுகிறதே.

என்ன நாத்தமா? ஆமாம் மன்னா ஆமாம் நன்றாக மோந்து பார் நாத்தம் அடிப்பது தெரியும்.

மன்னனும் ராணியும் லேசாக மூக்கை பொத்திக் கொள்கிறார்கள்.

சிறிது சமாளித்து - எப்படி கூறுகிறாய் அது நீ சுட்ட வடை என்று?

கேள் மன்னா கேள் - இப்ப முழ நீளத்துக்கு கேள் - அதை சவுக்கடி குடுக்கும் முன் கேட்காதது ஏனோ?

அது அது வந்து அந்த வடை அரண்மனை வடை போல தான் இருந்தது.

எங்கே உன் காவலர்கள் - காக்காய் போல் வடையை கவர்ந்து வந்த அந்த வடை எங்கே மன்னா எங்கே?

ராணி முந்தானையில் இருந்து வடையை எடுக்கிறார்.

ராணி நீ இன்னுமா அதை திங்கவில்லை?

இல்லை அரசே நீங்கள் பங்கு கேட்பீர்கள் என்று நினைத்து அப்புறம் அந்தப்புரம் சென்று திங்கலாம் என்று வைத்திருந்தேன் அரசே.

மன்னா உன் அரண்மனை வடை என்று சுட்டது?

இன்றுதான் பெண்ணே இன்று காலையில் தான்.

ஆஹ் ஆஹ் ஆஹ் ஹா ஹா ஹா வென அவையே அதிரும் அளவுக்கு வெடி(வடை)ச் சிரிப்பு சிரிக்கிறார் பானு.

மன்னா நன்றாக மோந்து பார் உனக்கே வித்தியாசம் புரியும்.

ஏன் ஏன் மோந்து பார்க்க வேண்டும்?

மன்னா நான் வடை சுடுவதே உன் நாட்டில் எலித் தொல்லைகளால் அவதிப் படும் மக்களை காப்பதற்காக. என் மகன் அந்த வடையை அவன் நண்பன் வீட்டு எலிகளை ஒழிக்க கொண்டு சென்ற பொழுதுதான் கைது செய்யப் பட்டான்.

என்ன எலி வடையா? அதென்ன வடை பெண்ணே?

மன்னா அது நான் போன வாரம் சுட்ட வடை - அதில் மாவுடன் எலி மருந்தும் கலந்து செய்தது. அதை பிய்த்துப் பார் நூல் நூலாக வரும், கெட்ட நாத்தம் அடிக்கும்.

மன்னர் அதை லேசாக பிய்க்க மயக்கமே வரும் அளவுக்கு வாடை வீசத் துவங்கியது.

உளுந்துவடை பாண்டியன் நீதி தவறி விட்டானா? வெட்கம் வேதனை என வீர வசனம் கூட பேச விடாமல் வடை வாடை அவனை தூக்கியது.

வெண்சாமரம் சரிந்தது, வாள் வீழ்ந்தது, மகுடம் தவறியது - மன்னன் பதறினான்.

இனி நான் வாழ்வதில் அர்த்தமே இல்லை என அந்த வடையை ஒரு வாய் கடிக்க முற்பட்ட பொழுதே அவன் உயிர் பிரிந்தது. அதைக் கண்ட ராணியும் பதறி வடை போச்சே என்று வீழ்ந்த மன்னனின் கையில் இருந்த வடையை பிடுங்கி கடித்து அவரும் மன்னன் மீதே சாய்ந்து உயிர் நீத்தார்.

ஆஹ் ஆஹ் ஆஹ் ஹா ஹா ஹா வென அவையே அதிரும் அளவுக்கு வெடி(வடை)ச் சிரிப்பு சிரிக்கிறார் பானு.

அவை எரியட்டும், வடை நீதி வையகம் அறியட்டும் என்று வீர முழக்கம் இட்டு மகனின் கை பிடித்து வெற்றி நடை நடந்து ஒற்றை வடையுடன் பானு வெளியேறினார் - அவையே அவளையும் வடையையும் மாறி மாறி பார்த்து மூக்கை பொத்திக் கொண்டு பயந்து பீதியில் அலறி ஓடினார்கள்.

(ரொம்ப பழைய வசனம் நிறைய மறந்து விட்டது - ஞாபகத்தில் உள்ளதை வைத்து ஏதோ எழுதி இருக்கிறேன் - ரசிப்பீர்கள் என்று நம்புகிறேன் - கண்டிப்பா இனிமே பானுவின் வடையை நினைத்துக் கூட பார்க்க மாட்டீர்கள் என்று நன்றாகவே தெரிகிறது) புன்னகை

பூம்புகார் படத்தில் கண்ணகியாக விஜயகுமாரி சிலம்பை வைத்து கோவலனை கொன்றதை எதிர்த்து வழக்காடும் வசனம் இது - மதுரயை எரித்த கதை மறந்திருக்க மாட்டீர்கள் என நினைக்கிறேன் - அதோட உல்டா புல்ட்டா தான் இந்த பானு வடை கதை.

by யினியவன் Mon Apr 09, 2012 5:21 pm

கே. பாலா wrote:
யாரங்கே ....தினமும் ரவுசு பண்ணும்
கொலைவெறிக்கு தண்டனையாக
பானுவின் கையில் இருக்கும் வடையை பறிமுதல் செய்து
இந்த கொலைவெறிக்கு கொடுங்கள் !

நாங்க ஒண்ணும் மங்குனி உளுந்துவடை பாண்டியன் இல்லை - வடையை மோந்து பார்த்து சாவரதுக்கு? நன்றி பாலா சார்.

by யினியவன் Mon Apr 09, 2012 5:32 pm

இரா.பகவதி wrote: குருவே அருமை இளங்கோவடிகளையே மிஞ்சினீர்கள் , உங்கள் வடையதிகாரம் நகைக்கு பஞ்சமே இல்லை , குருவே கண்ணகி மதுரையையெல்லாம் அழிச்சா மாதிரி பானு பாட்டி சென்னையை அழிக்க மாட்டாங்களா , அப்புறம் சீக்கிரம் இடத்தை காலி பண்ணுங்க உங்களுக்கு மங்குனி பாண்டியன் அரசவையில் சாகும் வரை பாட்டியின் வடையை உங்கள் வாயில் திணிக்கும் தண்டனை குடுத்துருக்கிறார்கள்

அய்யகோ இதுவா என் உழைப்புக்கு பரிசு? நன்றி பகவதி.

by **பிரசன்னா** Mon Apr 09, 2012 5:44 pm

எல்லாமே சிப்பு வர்ற மாதிரியே பதிவிடுறீங்களே... நானும் சிரிசுகிறேனுங்கோ...

சிரிப்பு

by balakarthik Mon Apr 09, 2012 5:47 pm

பிரசன்னா wrote:எல்லாமே சிப்பு வர்ற மாதிரியே பதிவிடுறீங்களே... நானும் சிரிசுகிறேனுங்கோ...

அடடா ஒரு காவியமே இப்படி காமடியாகிவிட்டதே சிப்பு வருது

by அதி Mon Apr 09, 2012 5:51 pm

பானு பாயாசம் கொஞ்சம் அப்படி இப்படி செய்வாங்க தான்....பட் வடையெல்லாம் நீங்க சொல்ற அளவுக்கு மோசமா இருக்காது அண்ணா :joker:

by **ஜாஹீதாபானு** Mon Apr 09, 2012 5:52 pm

அதி wrote:
பானு பாயாசம் கொஞ்சம் அப்படி இப்படி செய்வாங்க தான்....பட் வடையெல்லாம் நீங்க சொல்ற அளவுக்கு மோசமா இருக்காது அண்ணா :joker:

:அடபாவி:

by **பிரசன்னா** Mon Apr 09, 2012 5:55 pm

balakarthik wrote:
பிரசன்னா wrote:எல்லாமே சிப்பு வர்ற மாதிரியே பதிவிடுறீங்களே... நானும் சிரிசுகிறேனுங்கோ...

அடடா ஒரு காவியமே இப்படி காமடியாகிவிட்டதே

இனி நான் வாழ்வதில் அர்த்தமே இல்லை என அந்த வடையை ஒரு வாய் கடிக்க முற்பட்ட பொழுதே அவன் உயிர் பிரிந்தது. அதைக் கண்ட ராணியும் பதறி வடை போச்சே என்று வீழ்ந்த மன்னனின் கையில் இருந்த வடையை பிடுங்கி கடித்து அவரும் மன்னன் மீதே சாய்ந்து உயிர் நீத்தார்.

எப்படி சிரிக்காம இருக்க முடியும் பாலாகார்த்திக்....

by யினியவன் Mon Apr 09, 2012 5:56 pm

அசுரன் wrote:பானு வரப்போறாங்க.... உங்கள தூக்கி எண்ணைக்கொப்பரையில் போட்டு உங்கள வடை சுட போறாங்க

உங்க ஆசைய அவங்க சொல்ற மாதிரி சொல்லிப் புட்டீங்களே அசுரன். புன்னகை

by balakarthik Mon Apr 09, 2012 5:58 pm

பிரசன்னா wrote:எப்படி சிரிக்காம இருக்க முடியும் பாலாகார்த்திக்....

அடடே சார் நான் உங்களை காவியம்னு சொல்லலை இந்த வடை காவியத்தை சொன்னேன் நீங்க தப்பா ஃபீல் பண்ணிடிங்கபோலிருக்கு அடடா இது அதைவிட காமடியாக இருக்கு சிப்பு வருது