சிவாஜிக்காக டி.எம்.எஸ். பாடிய ஜலதோஷப்பாட்டு

பாடகர்களுக்கு ஜலதோஷம் பிடித்தால் என்னாகும்? பாடுவார்களா, மாட்டார்களா?

வழக்கமாக பாட மாட்டார்கள். உடனடியாக ஜலதோஷத்தை கட்டுப்படுத்த மருந்து எடுத்துக் கொள்வார்கள்.

ஆனால் கடுமையான ஜலதோஷம் பிடித்த நிலையிலும் டி.எம்.சவுந்தர்ராஜனைத் தேடி வந்தது ஒரு பாடல் அழைப்பு. அவரும் அடைபட்ட மூக் கை திறக்கமுடியாத நிலையிலும் போய்ப் பாடினார். பாடல் பெரிய ஹிட்.

சமீபத்தில் தனது 90-வது பிறந்த நாளை நண்பர்கள், உறவினர்கள் புடைசூழ கொண்டாடினார் `பாட்டு வேந்தன்' டி.எம்.சவுந்தர்ராஜன். அந்த விழாவில் தான் இந்த ஜலதோஷப் பாட்டு பற்றிய சுவாரசிய தகவல் கிடைத்தது.

இப்போது கொஞ்சம் பிளாஷ்பேக்குக்குப் போய் வருவோமா..!

சிவாஜி நடிக்க ஏ.பீம்சிங் இயக்கிய வெற்றிப் படங்களில் ஒன்று, `பாலும் பழமும்.' விபத்தொன்றில் தன் காதல் மனைவி இறந்து விட்டதாக தவறாக கருதிய டாக்டர் ரவி, உறவினரின் கட்டாயத்துக்காக இன்னொரு பெண்ணை மணந்திருப்பார். ஆனால் முதல் மனைவியை மறக்கமுடியாத அவர் புதிய மனைவியை ஏறெடுத்தும் பார்க்க மாட்டார்.

இந்நிலையில் எதிர்பாராதவிதமாக அவருக்கு பார்வை போய்விடுகிறது. அந்த நேரத்தில் முதல் மனைவி கணவனைக் காண வருகிறாள். நடந்ததை புரிந்து கொண்டவள், கணவருக்கு உதவியாளராக அதே வீட்டில் தங்குகிறாள். ஒருநாள் பூங்காவுக்கு வாக்கிங் அழைத்துச் சென்றவள், தன் கணவரிடம் அவரையே நினைத்து உருகும் இரண்டாவது மனைவிக்கு வாழ்வு கொடுக்கச் சொல்கிறாள். அப்போது டாக்டர் ரவியாக வரும் சிவாஜி, படத்தில் பாடுவதாக அமைந்த பாடல் தான் டி.எம்.எஸ். பாட வேண்டியது.

இந்தப்பாடலை கவிஞர் கண்ணதாசன் எழுதி எம்.எஸ்.விஸ்வநாதனும் டிïன் போட்டு விட்டார். டி.எம்.எஸ். வந்து பாட வேண்டியது தான் பாக்கி.

ஆனால் டி.எம்.எஸ்.சுக்குப் பதிலாக போன் வருகிறது. போனில் டைரக்டரிடம் பேசிய டி.எம்.எஸ், `தனக்கு கடுமையான ஜலதோஷம். அதனால் பாடல் பதிவை இரண்டு நாள் தள்ளி வைத்துக் கொள்ளலாம்' என்று கேட்டுக் கொள்கிறார்.

ஆனால் டைரக்டரோ, `ஜலதோஷம் என்றாலும் பரவாயில்லை. வந்து பாடிக்கொடுத்து விடுங்கள்' என்கிறார்.

ஆனால் டி.எம்.எஸ். சம்மதிக்க வில்லை. `நான் பாடுவது சிவாஜிக்கு. குரலில் கம்பீரம் காட்டவேண்டும். ஜலதோஷம் பிடித்த நேரத்தில் பாடும் போது குரல் உள்வாங்கி விடும். எனவே அது சரியாக இருக்காது' என்கிறார்.

டைரக்டரும் விடவில்லை. `இதோ பாருங்க...கதைப்படி சிவாஜி உடல் நலமில்லாதவர். அவரை பூங்காவுக்கு அழைத்து வரும் நேரத்தில் அவர் பாடுவதாகத்தான் இந்தப் பாட்டுக் கான சூழல் அமைந்திருக்கிறது. அத னால் உங்கள் ஜலதோஷக் குரலே சரியாக இருக் கும். வந்து பாடிக்கொடுத்து விட்டுப் போங்கள்' என்று சொல்ல...

டி.எம்.எஸ்.சும் வந்தார். பாடினார். பாடல் எதிர்பார்த்த மாதிரியே அமைந்தது. படத்திலும் அந்தப் பாடல் பெரிய ஹிட்.

அந்தப்பாடல் எது என்று இன்னமும் தெரியாதவர்களுக்கு: `என்னை யார் என்று எண்ணி எண்ணி நீ பார்க்கிறாய்? இது யார் பாடும் பாடல் என்று நீ கேட்கிறாய்?'

இந்தப் பாடலை இப்போது கேட்டாலும் டி.எம்.எஸ். குரலில் உள்ள சிறு மாற்றத்தை உணர முடியும்.

டி.எம்.எஸ்.சின் பிறந்த நாள் விழாவில் கலந்து கொண்ட பாடகர் எஸ்.என்.சுரேந்தர் கூறுகையில், "அந்த நாட்களில் எம்.ஜி.ஆர், சிவாஜி, ஜெமினி, எஸ்.எஸ்.ஆர்., ஜெய்சங்கர், ரவிச்சந்திரன், ஏவி.எம்.ராஜன், ஏன் நாகேஷூக்குக் கூட டி.எம்.எஸ். பாடியிருக்கிறார். படத்தில் பாடப்போகிறவர் யார் என்பதை மட்டும் கேட்டுக்கொண்டு அவர்களுக்கேற்ற விதத்தில் பாடி விடுவது அவருக்கே உரிய தனிச்சிறப்பு. என் போன்ற பாடகர் களும் வியந்து அதிசயித்த உண்மை இது'' என்கிறார்.

இந்த நூற்றாண்டின் பாட்டு அதிசயம் தானே டி.எம்.எஸ்!

தினதந்தி

டி.எம்.எஸ். இன் பாடல்கள் கேட்க கேட்க இனிமை..!!
இந்த நூற்றாண்டின் இணையற்ற பாடகர்களில் அவரும் ஒருவர் என்பதில் எந்த ஐயமும் இல்லை...!!!

பதிவுக்கு நன்றிகள் சிவா அண்ணா..!!!

ஜலத்த ஊத்திண்டு ஜோஷா பாடின பாட்டுன்னு சொல்லுங்கோ.

உண்மைதான்... சிவா அண்ணா