நோன்பினால் கிடைக்கும் மறுமைப் பலன்கள்

ரபீக் · ரபீக் Fri Aug 19, 2011 5:46 pm

புனித ரமலான் மாதத்தில் நோன்பு இருப்பதால் இம்மையிலும், மறுமையிலும் பல்வேறு பலன்கள் கிடைக்கின்றது.

ரமலான் மாதத்தில் 30 நாட்கள் நோன்பிருந்து, இறைவனை வழிபட்டால் நம் துன்பமெல்லாம் பறந்தோடும்.

நோன்பின் மூலம் இவ்வுலகில் நாம் பயிற்சி எடுக்கிறோம். இதனால் நமக்கு அல்லாஹ்விடம் என்ன கிடைக்கும்? வேறு எந்த நல்லறத்துக்கும் கிடைக்காத மகத்தான பரிசுகள் இறைவனிடமிருந்து கிடைக்கும் என்று நபிகள் நாயகம் (ஸல்) அவர்கள் விளக்கியுள்ளார்கள்.

ஒவ்வொரு நன்மையும் அது போன்ற பத்து மடங்கு முதல் எழுநூறு மடங்குகளுக்கு நிகரானது. நோன்பு எனக்குரியது. அதற்கு நானே கூலி வழங்குவேன். நோன்பு நரகிலிருந்து காக்கும் கேடயமாகும் என்று உங்கள் இறைவன் கூறுகின்றான் என நபிகள் நாயகம் (ஸல்) அவர்கள் கூறினார்கள்.

அறிவிப்பவர்: அபூ ஹுரைரா (ரலி) நூல்: முஸ்லிம் 1945

மற்ற எந்த வணக்கத்தையும் விட நோன்பு அதிகமான பரிசுகளைப் பெற்றுத் தரும் என்பதை இதிலிருந்து அறிந்து கொள்ளலாம்.

என் உயிர் எவன் கைவசம் இருக்கின்றதோ அவன் மேல் ஆணையாக! நோன்பாளியின் வாயிலிருந்து வீசும் வாடை, அல்லாஹ்விடம் கஸ்தூரியின் வாடையை விடச் சிறந்ததாகும் என்று நபிகள் நாயகம் (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 1894, 1904

நோன்பாளிக்கு இரண்டு மகிழ்ச்சிகள் உள்ளன. நோன்பு துறக்கும் போது அவன் மகிழ்ச்சியடைகின்றான். தன் இறைவனைச் சந்திக்கும் போது நோன்பின் காரணமாக அவன் மகிழ்ச்சியடைகின்றான் என்று நபிகள் நாயகம் (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 1904

இறைவனைச் சந்திக்கும் போது நோன்பாளிகள் மகிழ்ச்சியடைவார்கள் என்றால் அவர்கள் மகிழ்ச்சியுறும் விதத்தில் அவர்களை இறைவன் நடத்துவான் என்பது பொருள். மறுமையின் மீது அசைக்க முடியாத நம்பிக்கை கொண்ட மக்களுக்கு இதை விட வேறு என்ன பாக்கியம் வேண்டும்?

யார் நம்பிக்கை கொண்டு, நன்மையை எதிர்பார்த்து ரமலான் மாதம் நோன்பு நோற்பாரோ அவரது முன் பாவங்கள் மன்னிக்கப்படும். அறிவிப்பவர்: அபூ ஹுரைரா (ரலி) நூல்: புகாரி 38, 1901, 2014

பாவம் செய்யாதவர்கள் யாரும் கிடையாது. அனைத்துப் பாவங்களுக்கும் மன்னிப்பு கிடைப்பதென்பது சாதாரணமானதல்ல! சிறிய அமல் மூலம் இவ்வளவு பெரிய பாக்கியங்கள் கிடைப்பதால் நோன்பு நோற்பதில் அதிகம் ஆர்வம் காட்ட வேண்டும்

தட்ஸ்தமிழ்

**உமா** · **உமா** Fri Aug 19, 2011 6:02 pm

நல்ல பதிவினை இங்கே பகிர்ந்ததற்க்கு நன்றி....
அல்லாஹ் ஹூ அக்பர்....
அஸ்லாம் அலெக்கும் ரபீக் பையா....

ரேவதி · ரேவதி Fri Aug 19, 2011 6:03 pm

உமா wrote:நல்ல பதிவினை இங்கே பகிர்ந்ததற்க்கு நன்றி....
அல்லாஹ் ஹூ அக்பர்....
அஸ்லாம் அலெக்கும் ரபீக் பையா....

இதற்கு விளக்கம் தாருங்கள்

**உமா** · **உமா** Fri Aug 19, 2011 6:05 pm

ரேவதி wrote:
உமா wrote:நல்ல பதிவினை இங்கே பகிர்ந்ததற்க்கு நன்றி....
அல்லாஹ் ஹூ அக்பர்....
அஸ்லாம் அலெக்கும் ரபீக் பையா....

இதற்கு விளக்கம் தாருங்கள்

அல்லாஹ் ஹூ அக்பர்.... - அல்லாவை வணங்குதல் ....
அஸ்லாம் அலெக்கும் - வணங்குகிறேன் உங்களை ..

(சரியா ரபீக் அண்ணா.)

ரபீக் · ரபீக் Fri Aug 19, 2011 6:38 pm

அல்லாஹு அக்பர் - அல்லாஹ் மிகப் பெரியவன்
அஸ்ஸலாமு அலைக்கும் - சாந்தியும் சமாதானமும் உண்டாவதாக !!

thillalangadi · thillalangadi Fri Aug 19, 2011 6:40 pm

அல்லாஹூ அக்பர் - இறைவன் மிகச் சிறந்தவன்

அஸ்ஸலாமு அலைக்கும் - உங்கள் மீது இறைவனின் சாந்தியும்,சமாதானமும் உண்டாகட்டும்(எல்லா இடங்களிலும்,எல்லா நேரங்களிலும் வாழ்த்து சொல்வது தான் இது)

**Aathira** · **Aathira** Wed Apr 04, 2012 9:01 pm

Aathira wrote:
ரபீக் wrote:புனித ரமலான் மாதத்தில் நோன்பு இருப்பதால் இம்மையிலும், மறுமையிலும் பல்வேறு பலன்கள் கிடைக்கின்றது.

நோன்பாளிக்கு இரண்டு மகிழ்ச்சிகள் உள்ளன. நோன்பு துறக்கும் போது அவன் மகிழ்ச்சியடைகின்றான். தன் இறைவனைச் சந்திக்கும் போது நோன்பின் காரணமாக அவன் மகிழ்ச்சியடைகின்றான் என்று நபிகள் நாயகம் (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 1904

இறைவனைச் சந்திக்கும் போது நோன்பாளிகள் மகிழ்ச்சியடைவார்கள் என்றால் அவர்கள் மகிழ்ச்சியுறும் விதத்தில் அவர்களை இறைவன் நடத்துவான் என்பது பொருள். மறுமையின் மீது அசைக்க முடியாத நம்பிக்கை கொண்ட மக்களுக்கு இதை விட வேறு என்ன பாக்கியம் வேண்டும்?

தங்களை இறைவன் மகிழ்ச்சியுறும் விதத்தில் நடத்த இறைவனிடத்தில் பிரார்த்தனைகள் வைக்கிறேன். இன்ஷா அல்லாஹ்

**ரா.ரா3275** · **ரா.ரா3275** Wed Apr 04, 2012 9:04 pm

Aathira wrote:
Aathira wrote:
ரபீக் wrote:புனித ரமலான் மாதத்தில் நோன்பு இருப்பதால் இம்மையிலும், மறுமையிலும் பல்வேறு பலன்கள் கிடைக்கின்றது.

நோன்பாளிக்கு இரண்டு மகிழ்ச்சிகள் உள்ளன. நோன்பு துறக்கும் போது அவன் மகிழ்ச்சியடைகின்றான். தன் இறைவனைச் சந்திக்கும் போது நோன்பின் காரணமாக அவன் மகிழ்ச்சியடைகின்றான் என்று நபிகள் நாயகம் (ஸல்) அவர்கள் கூறினார்கள். அறிவிப்பவர்: அபூ ஹுரைரா (ரலி) நூல்: புகாரி 1904

இறைவனைச் சந்திக்கும் போது நோன்பாளிகள் மகிழ்ச்சியடைவார்கள் என்றால் அவர்கள் மகிழ்ச்சியுறும் விதத்தில் அவர்களை இறைவன் நடத்துவான் என்பது பொருள். மறுமையின் மீது அசைக்க முடியாத நம்பிக்கை கொண்ட மக்களுக்கு இதை விட வேறு என்ன பாக்கியம் வேண்டும்?

தங்களை இறைவன் மகிழ்ச்சியுறும் விதத்தில் நடத்த இறைவனிடத்தில் பிரார்த்தனைகள் வைக்கிறேன். இன்ஷா அல்லாஹ்