நமசிவய எனும் ஐந்தெழுத்து மந்திரம்.

**சாமி** · **சாமி** Tue Apr 10, 2012 8:39 am

மந்திரம் என்ற சொல்லிற்கு உரிய இலக்கணங்கள் எல்லாம் அமைந்ததும், எல்லா மந்திரங்களுக்கும் முதன்மையானதும், தமிழன் கொண்ட இறைக் கொள்கை அனைத்தையும் உள்ளடக்கியதும் ஆகிய மந்திரம் ஐந்தெழுத்து ஆகும்.

நமசிவய எனும் ஐந்தெழுத்தில் ஒவ்வொன்றும் ஒவ்வொரு பொருளைக் குறிக்கும். அதன் விவரம் வருமாறு:
ந – நடப்பு
ம – மறைப்பு
சி – சிறப்பு
வ –வனப்பு
ய – யாப்பு

இதில்,
நடப்பு – உயிர் உலகில் பிறந்து உலகியல் நடப்பு வாழ்வதைக் குறிக்கும்.
மறைப்பு – அறியும் பொருளான உயிரை அறியாமையாகிய இருள் மறைப்பது குறிக்கப் படுகிறது.
சிறப்பு – எல்லோரும் ஒப்புக் கொள்கிற சிறப்பிற்கெல்லாம் சிறப்பான பரம்பொருளைக் குறிக்கும்.
வனப்பு – பேராற்றல் படைத்த பரம்பொருள் மிகச்சிறிய ஆற்றல் படைத்த உயிருடன் தொடர்பு கொள்ளுவது குறிக்கப்படுகிறது.
யாப்பு – அனுபவம் கொடுத்து உயிருக்கு அறிவை ஏற்றுவதற்காக அல்லது அறியாமையைத் தேய்ப்பதற்காக உயிர் ஓர் உடலில் கட்டப்படுவது குறிக்கப் படுகிறது. யாக்கப்படுவதால் யாப்பு.

பஞ்சாட்சரம் (ஐந்து அட்சரம்) எனும் வடமொழிச் சொல் நமது ஐந்தெழுத்து எனும் தமிழ்ச் சொல்லிற்கு ஒரு மொழி பெயர்ப்பே. அவ்வளவுதான். எப்படி ஆங்கிலத்தில் FIVE LETTERS என்று கூறுகிறோமோ அதைப் போல. அதற்கு எந்த இறைக் கொள்கையும் கிடையாது. இன்னும் சொல்லப் போனால் அவர்கள் சொல்லும் அடிப்படையே வேறு.

1. வடமொழியாளர்கள் சொல்வது நமஹ்சிவாய. இதில் ந-1, ம-2, ஹ்-3, சி-4, வா-5, ய-6 என்று ஆறு எழுத்துக்கள் உள்ளன. இதை எப்படி அவர்களால் பஞ்சாட்சரம் – அதாவது ஐந்து எழுத்து என்று சொல்ல முடியும்?

2. நமஹ்சிவாய எனும் வடமொழிச் சொல் சிவனுக்கு வணக்கம் என்று பொருளில்தான் சொல்லப்படுகிறது. நமது தமிழ் ஐந்தெழுத்து இதை சிவனுக்கு வணக்கம் என்ற பொருளில் சொல்லுவதில்லை. மேலும் ‘சிவனுக்கு வணக்கம்’ என்பது ஒரு வாக்கியமே தவிர ஐந்தெழுத்தாக (அதாவது பஞ்சாட்சரம் ஆக) முடியாது.

இந்த ஐந்தெழுத்து முதல் மந்திரம் பொதுவானது. எல்லாச் சமயங்களுக்கும் பொருந்துவது. இதைத் தமிழில் ஆக்கியிருப்பதால் தமிழ் மந்திரம் என்றும், இதனை உலகுக்கெல்லாம் பொதுவாக உருவாக்கிய பண்டைய தமிழர்களின் பெருமையையும் ஒருங்கே காணமுடிகிறது.

இரா.பகவதி · இரா.பகவதி Tue Apr 10, 2012 8:57 am

பகிர்வுக்கு நன்றி சாமி அய்யா அன்பு மலர்

**கேசவன்** · **கேசவன்** Tue Apr 10, 2012 9:07 am

பகிர்வுக்கு நன்றி

**ஹிஷாலீ** · **ஹிஷாலீ** Tue Apr 10, 2012 11:50 am

பகிர்வுக்கு அன்பு நன்றிகள். அருமையான தகவல்

**ராஜா** · **ராஜா** Tue Apr 10, 2012 11:59 am

பகிர்வுக்கு நன்றி ஐயா

ஆரூரன் · ஆரூரன் Tue Apr 10, 2012 6:01 pm

நமசிவய
மற்றும்
நமஹ்சிவாய வித்தியாசம் தெரிந்து கொண்டேன்.

நன்றி.

பத்மநாபன் · பத்மநாபன் Wed Apr 11, 2012 8:39 am

சாமி wrote:
நமசிவய எனும் ஐந்தெழுத்தில் ஒவ்வொன்றும் ஒவ்வொரு பொருளைக் குறிக்கும். அதன் விவரம் வருமாறு:
ந – நடப்பு
ம – மறைப்பு
சி – சிறப்பு
வ –வனப்பு
ய – யாப்பு

பஞ்சாட்சரம் (ஐந்து அட்சரம்) எனும் வடமொழிச் சொல் நமது ஐந்தெழுத்து எனும் தமிழ்ச் சொல்லிற்கு ஒரு மொழி பெயர்ப்பே. அவ்வளவுதான். எப்படி ஆங்கிலத்தில் FIVE LETTERS என்று கூறுகிறோமோ அதைப் போல. அதற்கு எந்த இறைக் கொள்கையும் கிடையாது. இன்னும் சொல்லப் போனால் அவர்கள் சொல்லும் அடிப்படையே வேறு.

1. வடமொழியாளர்கள் சொல்வது நமஹ்சிவாய. இதில் ந-1, ம-2, ஹ்-3, சி-4, வா-5, ய-6 என்று ஆறு எழுத்துக்கள் உள்ளன. இதை எப்படி அவர்களால் பஞ்சாட்சரம் – அதாவது ஐந்து எழுத்து என்று சொல்ல முடியும்?

2. நமஹ்சிவாய எனும் வடமொழிச் சொல் சிவனுக்கு வணக்கம் என்று பொருளில்தான் சொல்லப்படுகிறது. நமது தமிழ் ஐந்தெழுத்து இதை சிவனுக்கு வணக்கம் என்ற பொருளில் சொல்லுவதில்லை. மேலும் ‘சிவனுக்கு வணக்கம்’ என்பது ஒரு வாக்கியமே தவிர ஐந்தெழுத்தாக (அதாவது பஞ்சாட்சரம் ஆக) முடியாது.

அநேகம் பேரிடம் இதற்கு விளக்கம் கேட்டுள்ளேன். இன்றுதான் முழு உண்மையை தெரிந்து கொண்டேன். மிகவும் நன்றி.
நம்மவரும் சரி. வடமொழி நண்பர்களும் சரி. பஞ்சாட்சரம் என்று உயர்வாக சொல்லிக் கொள்வார்கள். இது தமிழின் மொழிபெயர்ப்பு என்று தெரியவில்லையே!
FIVE LETTERS க்கும் பஞ்சாட்சரம்' என்ற வார்த்தைக்கும் எந்த வித்தியாசமும் இல்லை என்று அறிந்து கொண்டேன்.
நமசிவய எனும் ஐந்தெழுத்து வரும் ஒரு சில தேவார திருவாசகப் பதிகங்களை கேட்டுள்ளேன். அதன் விவரங்களைக் கொடுத்தால் பயன்படும் சாமி அவர்களே.
நன்றி

Sponsored content · Sponsored content

நமசிவய எனும் ஐந்தெழுத்து மந்திரம்.

நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

Re: நமசிவய எனும் ஐந்தெழுத்து மந்திரம்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக