டாஸ்மாக் கடையில் "ஹோம் டெலிவரி' திட்டம்: இலக்கை எட்ட புதிய முயற்சி

**பிரசன்னா** · **பிரசன்னா** Sun Apr 01, 2012 4:56 pm

ஈரோடு: ஈரோட்டில் டாஸ்மாக் கடை ஒன்றில் விற்பனை இலக்கை எட்டுவதற்கு, இலவச, "ஹோம் டெலிவரி' திட்டத்தை அறிமுகம் செய்துள்ளனர்.

ஈரோடு மாவட்டத்தில், 254 டாஸ்மாக் கடைகள் உள்ளன. மதுக்கடை வருவாயை மேலும் அதிகரிக்க அரசு உத்தரவிட்டுள்ளது. இதற்காக, ஒவ்வொரு கடைக்கும் விற்பனை இலக்கு வழங்கப்பட்டுள்ளது. நாளொன்றுக்கு வழக்கமாக விற்கப்படும் மது வகைகளை விட, ஐந்து முதல், எட்டு கேஸ் வரை அதிகமாக விற்க, அதிகாரிகள் இலக்கு நிர்ணயித்துள்ளனர். மது வகைகளை மார்க்கெட்டிங் செய்து விற்பனை செய்ய இயலாது. தேடி வருபவர்களிடம்தான் விற்க முடியும். எனவே, இலக்கு நிர்ணயித்து நெருக்கடி கொடுக்கும் அதிகாரிகளை கண்டித்து, டாஸ்மாக் சி.ஐ.டி.யூ., தொழிற்சங்கத்தினர் ஆர்ப்பாட்டமும் நடத்தினர். சில நாட்களாக நிர்ணயித்த இலக்கை எட்டாத, 30க்கும் மேற்பட்ட கடை மேற்பார்வையாளர்களுக்கு விளக்கம் கேட்டு, மாவட்ட மேலாளர் "மெமோ' அனுப்பியுள்ளார். நெருக்கடி தாங்க முடியாமல் விற்பனையை அதிகரிக்க, ஈரோடு, பெருந்துறை ரோடு, குமலன்குட்டையில் உள்ள டாஸ்மாக் கடையில் அதிரடி திட்டத்தை அமல்படுத்தியுள்ளனர். அதாவது, "1,000 ரூபாய்க்கு மேல் மது வகைகளை வாங்குவோருக்கு, இலவச ஹோம் டெலிவரி செய்யப்படும்' என, தங்கள் மொபைல் ஃபோன் எண்ணுடன் கடையில் அறிவிப்பு ஒட்டியுள்ளனர்.

கடை மேற்பார்வையாளர் அசோக்குமார் கூறியதாவது: வழக்கமாக விற்பனையாகும் அளவை அதிகமாக விற்பனை செய்ய இலக்கு வழங்கியுள்ளனர். புதிதாக குடிக்க வாருங்கள் என, எல்லோரையும் அழைத்து வர முடியாது. ஆனால், விற்பனை இலக்கை எட்ட முடியாத ஊழியர்களுக்கு விளக்கம் கேட்டு மெமோ அனுப்பியுள்ளனர். தொடர்ந்து விற்பனை இலக்கை அடையாவிட்டால், "சஸ்பெண்டு' செய்வர். வேறு வழியின்றி, மது விற்பனை அதிகரிக்க, மற்ற பொருட்களைப் போல கவர்ச்சித் திட்டங்களை அறிவிக்க முயற்சித்தோம். அதன்படி, 1,000 ரூபாய்க்கு மேல் மது வகைகளை வாங்குபவர்களுக்கு இலவசமாக வீட்டுக்கு சென்று டெலிவரி செய்யவுள்ளோம். மொபைலில் தொடர்புகொண்டு ஆர்டர் கொடுத்தால், மூன்று கி.மீ., தூரம் வரை, தற்போதைக்கு டெலிவரி தர திட்டமிட்டுள்ளோம். இவ்விஷயம் குறித்து மாவட்ட மேலாளருக்கு தகவல் தெரிவித்துள்ளோம். இவ்வாறு அவர் கூறினார்

இரா.பகவதி · இரா.பகவதி Sun Apr 01, 2012 6:32 pm

குடி மக்களை குடிக்கும் மக்களாக மாற்ற நினைக்கும் நம் அரசு தான் குடியரசு , சோகம்

, மது விலக்கு இருந்த காலம் போயி இப்போ மதுவுக்கு அடிமையாக்கும் காலம் வந்து விட்டது

**அருண்** · **அருண்** Sun Apr 01, 2012 6:49 pm

தமிழ் நாட்டு அரசாங்கம் சிறப்பாக செயல் படுகிறது..! என்ன கொடுமை சார் இது

**கேசவன்** · **கேசவன்** Sun Apr 01, 2012 8:51 pm

அசுரன் · அசுரன் Sun Apr 01, 2012 8:52 pm

தமிழகத்தை முதல் மாநிலமாக மாற்ற அயராது பாடுபடும் அவர்களுக்கு எங்களது பாராட்டுகள்

யினியவன் · யினியவன் Sun Apr 01, 2012 8:58 pm

இரா.பகவதி wrote:குடி மக்களை குடிக்கும் மக்களாக மாற்ற நினைக்கும் நம் அரசு தான் குடியரசு , , மது விலக்கு இருந்த காலம் போயி இப்போ மதுவுக்கு அடிமையாக்கும் காலம் வந்து விட்டது

பகவதி பின்னூட்டங்கள் எல்லாம் இப்ப
சூப்பர் சூப்பரா போட ஆரம்பிச்சுட்டீங்க. வாழ்த்துகள். சூப்பருங்க