அரசு ஊழியர்களின் சம்பளம் மனைவியரின் வங்கி கணக்கில்!

இந்தோனேஷியாவில், கொரண்டோலோ மாகாண அரசு நடைமுறைப்படுத்தியுள்ள, ஒரு புதுமையான திட்டம், ஆச்சரியத்தையும், பரபரப்பையும் ஏற்படுத்தியுள்ளது. கொரண் டோலோ மாகாணத்தில், அரசுத் துறையில் பணிபுரியும் ஆண் ஊழியர்களில் பெரும்பாலானோர், தங்கள் சம்பளப் பணத்தை, மனைவியரிடம் ஒழுங்காக கொடுப்பதில்லை.

"சம்பளப் பணத்தின் பெரும்பகுதியை, ஆடம்பரச் செலவுக்கு பயன்படுத்துகின்றனர். மது குடிக்கவும், கணிசமான தொகையை செலவிடுகின்றனர். சிறிய தொகையை மட்டுமே, வீட்டுக்கு தருகின்றனர். இதன் மூலம், வீட்டுத் தேவைகளை நிறைவேற்ற முடியவில்லை. குழந்தைகளின் கல்விச் செலவுக்கு கடன் வாங்க வேண்டியிருக்கிறது...' என, அரசு ஊழியர்களின் மனைவியர், கண்ணீர் மல்க, மாகாண கவர்னரிடம் புகார் அளித்தனர்.

யோசித்துப் பார்த்த கவர்னர், அதிரடியாக ஒரு திட்டத்தை அறிவித்தார். இதன்படி, "இனி, ஒவ்வொரு மாதம் முடிந்ததும், ஊழியர்களின் சம்பள தொகை முழுவதும், சம்பந்தபட்டோரின் மனைவியரின் கணக்கில் டிபாசிட் செய்யப்படும். அந்த பணத்தை, அவர்களே எடுத்துக் கொள்ளலாம். ஊழியர்களின் வங்கிக் கணக்கில், ஒரு நையா பைசா கூட, போட மாட்டோம்...' என, அறிவித்து விட்டார்.

இதற்கு பெரும்பாலான ஊழியர்கள் எதிர்ப்பு தெரிவித்தாலும், கவர்னர் அதை பொருட்படுத்த வில்லை. திட்டமும், நடைமுறைக்கு வந்து விட்டது. இப்போது தான், ஊழியர்களின் மனைவி களின் முகங்களில், மகிழ்ச்சி தாண்டவமாடுகிறது. "அய்யா மகராசா... நீங்க நல்லா இருப்பீங்க...' என, கவர்னரை கையெடுத்து கும்பிடுகின்றனர். ஊதாரி கணவர்களின் பாக்கெட்டுகளுக்கு வேட்டு வைக்கும், இந்த திட்டம், நம்ம நாட்டிலும் நடைமுறைக்கு வந்தால், எவ்வளவு நன்றாக இருக்கும்.
— ஜோல்னா பையன்.

வாரமலர்

முதலுல அபுதாபில கொண்டு வரணும்

வரவேற்க தக்க செயல்..

அது சரி, ரெண்டு ,மூனு மனைவி இருந்தா எப்படி?
நல்ல வேல எங்க ஊருள இப்படி எல்லாம் சட்டம் எதுவும் இல்ல.
பென்சன் பணமே எங்க எக்கவுண்ட இருக்கும் போதே டென்சன் டென்சன்.
நாங்க தப்பிச்சோம் சாமிங்கோ.

அதுசரி நம்ம ஊருல சம்பளம் கம்மி ஆனா கிம்பளம் ஜாஸ்தி ஆச்சே அத என்ன பண்ணுவாங்க

இந்தியாவில் இல்லை , அப்பலா நான் அரசு ஊழியரும் அல்ல

அட இது சூப்பர்

ரேவதி wrote:அட இது சூப்பர்

இந்தியாவில் இல்லை , அதனால ரொம்ப சந்தோஷம் படாதே

வை.பாலாஜி wrote:

ரேவதி wrote:அட இது சூப்பர்

இந்தியாவில் இல்லை , அதனால ரொம்ப சந்தோஷம் படாதே

என்ன பண்றது அண்ணா அந்த நாட்டில் இருக்கும் மனைவிகளாவது கொஞ்சம் சந்தோஷமா இருக்கட்டுமேனு சொன்னேன்
உங்களிடம் பேசி ரொம்ப நாள் ஆயுட்டு நலமா

ரேவதி wrote:
உங்களிடம் பேசி ரொம்ப நாள் ஆயுட்டு நலமா

மிக்க நலம் ..