மல்லையாவின் மலைக்கவைக்கும் ரகசியங்கள்...!

**சிவா** · **சிவா** Sun Apr 01, 2012 12:45 pm

- விஜய் மல்லையா!

- ஒரு கையில் ஏந்திய மதுக்கோப்பை, மறுகையில் வளைத்த தாரகை என்று உலா வரும் சாராய சாம்ராஜ்ய சக்கரவர்த்தி.

ஆனால் மல்லையாவின் `தயாரிப்புகளை' ருசித்தவர்களைப் போல இவரது கிங் பிஷர் விமானப் போக்குவரத்து நிறுவனமும் `தள்ளாடுவது'தான் சோகம்.

இருந்தபோதும் தனக்கே உரிய `தில்'லை விடாத விஜய் மல்லையா பற்றிய விவரங்கள் இங்கே...

* விஜய் மல்லையாவின் தந்தை விட்டல், 20 தொழில்கள் அடங்கிய பிசினஸ் ராஜாங்கத்தை விட்டு விட்டு 1983-ல் மறைந்தபோது மல்லையாவுக்கு இளம் வயது. ஆனாலும் 10 கோடி டாலர்களாக இருந்த சொத்தை, 400 கோடி டாலர்களாக உயர்த்தினார்.

* தற்போது 56 வயதாகும் மல்லையா, தனது குழந்தைப் பருவத்தை கொல்கத்தாவில் கழித்தார். அங்கு லா மார்ட்டினீயர் மற்றும் செயின்ட் சேவியர்ஸ் கல்லூரிகளில் படித்தார்.

* இரு மனைவிகள். ஒரு மகன் சித்தார்த் (முதல் மனைவி சமீராவுக்குப் பிறந்தவர்), இரு மகள்கள்- லீயானா, தான்யா (இரண்டாவது மனைவி ரேகாவுக்குப் பிறந்தவர்கள்).

* மல்லையாவின் `யூ.பி. குரூப்', அளவைப் பொறுத்தவரை உலகிலேயே இரண்டாவது பெரிய மதுபான நிறுவனம். மதுபானப் பிரியர்களின் சில பிரியமான பிராண்ட்கள் இந்நிறுவன தயாரிப்பே. மல்லையாவின் கீழ், மேலும் பல முக்கியமான மதுபான நிறுவனங்கள் வாங்கி இதில் இணைக்கப்பட்டன. தற்போது `யூ.பி.' குரூப்பின் ஆண்டு விற்பனை 20 ஆயிரம் கோடி!

* 2003-ம் ஆண்டில் `கிங்பிஷர் ஏர்லைன்ஸை' தொடங்கினார் மல்லையா. `சிக்கல்' தொடங்குவதற்கு முன்னால் இந்தியாவில் இரண்டாவது பெரிய விமானப் போக்குவரத்து நிறுவனமாக விளங்கிய இதில் 64 விமானங்கள் இருந்தன. கடந்த 2007-ல், குறைந்த கட்டண விமான சேவை நிறுவனமான `ஏர் டெக்கானை' வாங்கிய மல்லையா, அதை `கிங்பிஷர் ரெட்' என்று பெயர் மாற்றினார். ஆனால் அது கடந்த 2011-ம் ஆண்டு மூடுவிழா கண்டுவிட்டது.

* பணம் குவிக்கும் விளையாட்டில் மட்டுமல்ல, நிஜ விளையாட்டிலும் மல்லையாவுக்கு ஆர்வம் அதிகம். கடந்த 2007-ம் ஆண்டில் இவரும், ஓர் ஆலந்து குடும்பமும் இணைந்து, `ஸ்பைக்கர் பார்முலா ஒன் கார் பந்தய டீமை' 88 மில்லியன் யூரோக்களுக்கு வாங்கினர். அதற்கு `போர்ஸ் இண்டியா' என்று புதுநாமம் சூட்டினார் மல்லையா.

* கொல்கத்தாவைச் சேர்ந்த கால்பந்து கிளப்களான மோகன் பகான் மற்றும் ஈஸ்ட் பெங்காலில் முதலீடு செய்திருக்கிறார் மல்லையா.

* கவர்ச்சியும், பரபரப்புமாகத் தொடங்கப்பட்ட ஐ.பி.எல்.லில் பெங்களூர் ராயல் சேலஞ்சர்ஸ் அணியை 111.6 மில்லியன் டாலர்களுக்கு வாங்கினார். கிரிக்கெட் உலகின் சூப்பர் ஸ்டார்கள் பலர் அடங்கிய இந்த அணி, கடந்த ஆண்டில் இறுதிப் போட்டிக்கு முன்னேறியது குறிப்பிடத்தக்கது.

* மல்லையாவுக்கு உலகம் முழுவதும் 26 இடங்களில் சொத்துகள் இருக்கின்றன. அவற்றில், மொனாக்கோ, ஸ்காட்லாந்து, நியூயார்க், தென்ஆப்பிரிக்கா ஆகியவற்றில் உள்ள மாளிகைகளும், பெங்களூரில் உள்ள பரம்பரை வீடும் அடங்கும்.

* மிகுந்த ஆன்மிக நம்பிக்கை கொண்டவர். `ராகு' காலத்தில் பிசினஸ் பேசுவதில்லை. புதிய விமானம் ஒவ்வொன்றையும் திருப்பதியில் பூஜை போட்டபிறகுதான் பறக்க அனுமதிப்பார்.

* விலையுயர்ந்த கார்கள், கலைப்படைப்புகள், அரிய பொருட்கள், மதுபானப் புட்டிகளின் `கலெக்ஷனை' வைத்திருக்கிறார். கடந்த 2004-ம் ஆண்டு லண்டனில் நடந்த ஏலத்தில் திப்பு சுல்தானின் வாளை 1 லட்சத்து 75 ஆயிரம் பவுண்டுகள் கொடுத்து எடுத்தார். 2009-ல் நியூயார்க்கில் நடந்த ஏலத்தில் மகாத்மா காந்தியடிகளின் கடிதங்களை 1.8 மில்லியன் டாலர்களுக்கு வாங்கினார்.

* மல்லையாவுக்குச் சொந்தமான `இண்டியன் எம்பரஸ்' (இந்திய மகாராணி) என்ற 95 மீட்டர் நீளமுள்ள உல்லாசப் படகு, உலகிலேயே பெரிய தனிநபர் படகுகளில் ஒன்று. `கலிஸ்மா' என்ற 48 மீட்டர் நீள மோட்டார் படகும் மல்லையாவுக்குச் சொந்தம்.

* குதிரைப் பந்தயத்தில் மிகுந்த ஆர்வம் உள்ளவர். கர்நாடகத்தில் 400 ஏக்கரில் பரந்திருக்கும் `குனிகால் குதிரைப் பண்ணை'க்கு உரிமையாளராக இருக்கிறார். இந்தியாவிலேயே பழமையான குதிரைப்பண்ணைகளுள் ஒன்றான இதைத் தொடங்கியவர், திப்பு சுல்தான்!

தினதந்தி

முஹைதீன் · முஹைதீன் Sun Apr 01, 2012 12:54 pm

மல்லையாவை பற்றிய தகவல்களுக்கு நன்றி தல அருமையிருக்கு

**அருண்** · **அருண்** Sun Apr 01, 2012 12:58 pm

மல்லையாவின் வாழ்க்கை குறிப்பு வியப்பாக உள்ளது..!
பகிர்விற்கு நன்றி அண்ணா..!

மோகன் · மோகன் Sun Apr 01, 2012 1:08 pm

**சிவா** · **சிவா** Sun Apr 01, 2012 1:11 pm

///மிகுந்த ஆன்மிக நம்பிக்கை கொண்டவர். `ராகு' காலத்தில் பிசினஸ் பேசுவதில்லை. புதிய விமானம் ஒவ்வொன்றையும் திருப்பதியில் பூஜை போட்டபிறகுதான் பறக்க அனுமதிப்பார்.///

நாத்திகம் பேசும் நாதா.....கு இந்தச் செய்தி செருப்படியாக இருக்கும் என நினைகிறேன்!

**ராஜா** · **ராஜா** Sun Apr 01, 2012 1:36 pm

சிவா wrote:///மிகுந்த ஆன்மிக நம்பிக்கை கொண்டவர். `ராகு' காலத்தில் பிசினஸ் பேசுவதில்லை. புதிய விமானம் ஒவ்வொன்றையும் திருப்பதியில் பூஜை போட்டபிறகுதான் பறக்க அனுமதிப்பார்.///
நாத்திகம் பேசும் நாதா.....கு இந்தச் செய்தி செருப்படியாக இருக்கும் என நினைகிறேன்!

**பிரசன்னா** · **பிரசன்னா** Sun Apr 01, 2012 1:43 pm

மல்லையா

தகவல் பகிர்விற்கு நன்றி சிவா

அதிலையும் உங்க பின்னூட்டம் ரொம்ப சூப்பர்.... ராஜா வேற சிரிக்கிராறு.... உசாரா இருங்க....

யினியவன் · யினியவன் Sun Apr 01, 2012 1:54 pm

ராஜா wrote:
சிவா wrote:///மிகுந்த ஆன்மிக நம்பிக்கை கொண்டவர். `ராகு' காலத்தில் பிசினஸ் பேசுவதில்லை. புதிய விமானம் ஒவ்வொன்றையும் திருப்பதியில் பூஜை போட்டபிறகுதான் பறக்க அனுமதிப்பார்.///
நாத்திகம் பேசும் நாதா.....கு இந்தச் செய்தி செருப்படியாக இருக்கும் என நினைகிறேன்!

ஆத்திகம் பேசும் அடியார்கெல்லாம் சிவமே அன்பாகும்
நாத்திகம் பேசும் நல்லவருக்கோ அன்பே சிவமாகும்
அன்பே சிவம் அன்பே சிவம் என்றும்
அன்பே சிவம் அன்பே சிவம் எங்கும்

பது · பது Sun Apr 01, 2012 2:24 pm

அசுரன் · அசுரன் Sun Apr 01, 2012 2:54 pm

அவரோட முழு வாழ்க்கை ரகசியத்தையும் சொல்லவில்லையென்று தான் நினைக்கிறேன். புன்னகை

குட்டி ராஜ்ஜியம் பற்றி ஒரு தகவலும் இல்லையே ??

Sponsored content · Sponsored content

மல்லையாவின் மலைக்கவைக்கும் ரகசியங்கள்...!

மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

Re: மல்லையாவின் மலைக்கவைக்கும் ரகசியங்கள்...!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக