சசிகலா மீதான நடவடிக்கை ரத்து : ஜெயலலிதா

by **பிரசன்னா** Sat Mar 31, 2012 11:44 am

First topic message reminder :

சென்னை : சசிகலா மீது கட்சி ரீதியாக எடுக்கப்பட்ட நடவடிக்கைகள் ரத்து செய்யப்படுவதாக அ.தி.மு.க கட்சி பொதுச்செயலாளரும், தமிழக முதல்வருமான ஜெயலலிதா தெரிவித்துள்ளார். இதுதொடர்பாக, சசிகலா வெளியிட்டுள்ள விளக்க அறிக்கையும் ஏற்றுக்கொள்ளப்பட்டுள்ளதாக அவர் (ஜெயலலிதா) கூறியுள்ளார்.

தினமலர்

by **பிரசன்னா** Sat Mar 31, 2012 1:40 pm

சசிகலாவை இன்று ஏற்று கொண்டார் ஜெ.! சசியை எப்படி அழைப்பது?

ஜெயலலிதா – சசிகலா மீள் இணைப்புக்கான நடவடிக்கைகள் உச்சக்கட்ட வேகத்தில் ஓடத் துவங்கியுள்ளன. சசிகலாவின் விளக்க அறிக்கை ஏற்றுக் கொள்ளப்படுவதாக சற்றுமுன் ஜெயலலிதா அறிவித்துள்ளார்.

தமது முன்னாள் தோழி மீது கட்சி ரீதியாக எடுக்கப்பட்ட நடவடிக்கைகள் அனைத்தும் ரத்து செய்யப்படுவதாகவும் அ.தி.மு.க. பொதுச் செயலாளர் ஜெயலலிதா அறிவித்துள்ளார்.

இனி சசிகலா பற்றி குறிப்பிடும்போது ‘முன்னாள் தோழி’ என்று சொல்ல முடியுமா என்பது தெரியவில்லை. ‘மறுபடியும் தோழி’ என்று சொல்வதா, ‘அர்ப்பணிக்கப்பட்ட சகோதரி’ என்று குறிப்பிடுவதா என்று கார்டனில் இருந்து தகவல் ஏதும் இன்றுவரை கிடைக்கவில்லை.

மார்ச் 28-ம் தேதி சசிகலா வெளியிட்ட விளக்க அறிக்கையில், “நான் போயஸ் தோட்டத்தில் இருந்து விட்டதால், வெளியுலகில் என்ன நடந்தது என்று தெரியாமல் போய்விட்டது” என்று குறைப்பட்டுக் கொண்டிருந்தார். அதனாலேயே அவரது உறவினர்கள் நடத்திய திருவிளையாடல்கள் தமக்கு தெரியாமலேயே போய்விட்டது என்றும் விளக்கம் கொடுத்திருந்தார்.

இந்த விளக்கம் சரியானதுதான் என்று இன்று ஜெயலலிதா ஏற்றுக் கொண்டுள்ளார்.

முதல்வர் ஜெயலலிதாவும் போயஸ் கார்டனில் வசிப்பதால், கார்டனுக்குள் தங்கியிருந்தால் வெளியுலகம் தெரியாது போய்விட்டிருக்க சான்ஸ் உள்ளது என்ற விஷயம் அவருக்கும் புரிந்து விட்டது என்று ஊகிப்பதைத் தவிர வேறு என்ன சொல்ல முடியும்?

தற்போது சசிகலா அப்பாவி அபலைப் பெண் என்பது நிரூபணமாகி விட்டதால், மீண்டும் போயஸ் கார்டனில் வசிப்பதற்கு அழைக்கப்படுவார் என்று ஊகிப்பதில் ஒரேயொரு சிக்கல்தான் உள்ளது. மீண்டும் ஒருமுறை போயஸ் கார்டனில் தங்கி, மீண்டும் ஒருமுறை வெளியுலகம் தெரியாது போய்விட்டால் என்னாகும் என்பதே அந்தச் சிக்கல்.

எப்படியோ, சசிகலாவை மீண்டும் கார்டனுக்கு அழைத்துக் கொண்டால், அவர் வெளியுலகைப் பார்ப்பதற்கு ஜெயலலிதா ஏற்பாடு செய்து கொடுப்பார் என்று எதிர்பார்க்கலாம்.

சசிகலாவின் உறவினர்களும் நண்பர்களும் திருச்சி, கோவை மற்றும் புழல் ஆகிய இடங்களில் உள்ள சிறைகளிலும், தமிழக உளவுத்துறையின் கண்காணிப்பில் உள்ள வீடுகளிலும் தற்போது தங்கியுள்ளனர்.

http://viruvirupu.com

by பேகன் Sat Mar 31, 2012 3:54 pm

by பேகன் Sat Mar 31, 2012 3:55 pm

சசிகலாவின் மீதான நடவடிக்கை ரத்து. அவரது விளக்கத்தை ஏற்றுக்கொள்கிறேன் - ஜெயலலிதா சசி, இந்த பூவை எடுத்து ஜனங்க காதுல சொருகு!!!!எம்புட்டு ட்ராம பண்ணாலும் அவங்க நம்புவாங்க.. நெக்ஸ்ட் மீட் பன்றேன்.. நன்றி வணக்கம்..

thanks-facebook

by **கே. பாலா** Sat Mar 31, 2012 4:02 pm

அச்சச்சோ

by பாலாஜி Sat Mar 31, 2012 4:07 pm

கே. பாலா wrote:அச்சச்சோ

புரியுது ஆசானே புரியுது ..

by **ராஜா** Sat Mar 31, 2012 4:16 pm

பிள்ளையா குட்டியா, பாவம் வயசான காலத்துல ஒருத்தருக்கு ஆதரவா இன்னொருத்தார் இருந்துட்டு போகட்டுமே. சிரி

by உதயசுதா Sat Mar 31, 2012 4:18 pm

இது எல்லாருக்கும் தெரிஞ்ச முடிவுதானே. வேற ஏதாச்சும் செய்தி இருந்தா சொல்லுங்கப்பா

by பாலாஜி Sat Mar 31, 2012 4:19 pm

ராஜா wrote:பிள்ளையா குட்டியா, பாவம் வயசான காலத்துல ஒருத்தருக்கு ஆதரவா இன்னொருத்தார் இருந்துட்டு போகட்டுமே.

தல , இதுல ஒண்ணும் உள்குத்து இல்லையே ..

by **ராஜா** Sat Mar 31, 2012 4:20 pm

வை.பாலாஜி wrote:
ராஜா wrote:பிள்ளையா குட்டியா, பாவம் வயசான காலத்துல ஒருத்தருக்கு ஆதரவா இன்னொருத்தார் இருந்துட்டு போகட்டுமே.
தல , இதுல ஒண்ணும் உள்குத்து இல்லையே ..

அப்படி இருக்க சான்ஸ் இல்ல தல.... சிரி சிரி