குடியிருப்போர் தகவல்: போலீஸ் உத்தரவுக்கு இடைக்கால தடை

**பிரசன்னா** · **பிரசன்னா** Thu Mar 29, 2012 10:03 pm

சென்னை: சென்னை நகரில் குடியிருக்கும் வாடகைதாரர்கள் பற்றிய முழு விவரங்களையும் குடியிருப்பின் உரிமையாளர்கள் அருகில் உள்ள காவல்நிலைய அதிகாரிகளிடம் வழங்க வேண்டும் என்ற மாநகர காவல்துறை ஆணைக்கு, சென்னை உயர் நீதிமன்றம் இடைக்கால தடை விதித்தது.

அடுத்தடுத்த வங்கிக் கொள்ளைகள் மற்றும் வேளச்சேரி என்கவுன்டர் சம்பவத்தைத் தொடர்ந்து, சென்னை நகரில் குடியிருக்கும் வாடகைதாரர்கள் பற்றிய முழு விவரங்களையும் புகைப்படத்துடன் கூடிய உரிய படிவத்துடன், குடியிருப்பின் உரிமையாளர்கள் அருகில் உள்ள காவல்நிலைய அதிகாரிகளிடம் வழங்க வேண்டும் என்று மாநகர காவல்துறை புதிய ஆணை ஒன்றை பிறப்பித்திருந்தது.

இந்த ஆணையால் அதிருப்தியுற்றவர்களின் சிலரது சார்பில், சென்னை உயர் நீதிமன்றத்தில் பொதுநல மனு ஒன்று தாக்கல் செய்யப்பட்டது.

குடியிருப்போர் பற்றிய தகவல்கள் தராவிட்டால் வீட்டு உரிமையாளர்கள் மேல் வழக்கு தொடரப்படும் என போலீஸ் தரப்பு கூறியுள்ளது என்றும், குடியிருப்போர் பற்றிய தகவல் கேட்பதற்கு போலீஸுக்கு சட்டப்பூர்வ அதிகாரம் இல்லை என்பதால், அந்த ஆணைக்கு தடை விதிக்க வேண்டும் என்று அந்த மனுவில் கூறப்பட்டிருந்தது.

இந்த மனுவை இன்று ஏற்றுக்கொண்ட சென்னை உயர் நீதிமன்றம், சென்னை மாநகர காவல்துறையின் ஆணைக்கு இடைக்கால தடை விதித்தது.

மேலும், இதுதொடர்பாக காவல் துறை ஆணையர் பதிலளிக்க வேண்டும் என்றும் உயர் நீதிமன்றம் உத்தரவிட்டது.
விகடன் .com

அதி · அதி Thu Mar 29, 2012 10:59 pm

இது ஒருவிதத்தில் நல்ல விஷயம் தான்.குடியிருப்பவர்கள் பற்றிய முழு விவரமும் தெரிந்துக்கொள்வது வீட்டின் உரிமையாளருக்கே அவசியமான ஒன்று

**ரா.ரா3275** · **ரா.ரா3275** Thu Mar 29, 2012 11:02 pm

///குடியிருப்போர் பற்றிய தகவல் கேட்பதற்கு போலீஸுக்கு சட்டப்பூர்வ அதிகாரம் இல்லை என்பதால், அந்த ஆணைக்கு தடை விதிக்க வேண்டும் என்று அந்த மனுவில் கூறப்பட்டிருந்தது. ///

ஆமோதித்தல்