கிருஷ்ணாம்மாவின் ஆத்துக்காரர் பாடும் பாட்டு

by யினியவன் Thu Mar 29, 2012 6:32 pm

கிருஷ்ணாம்மாவின் ஆத்துக்காரர் பாடும் பாட்டு

உங்களுக்கு தெரியுமா நம்ம கிருஷ்ணாம்மாவின் ஆத்துக்காரர் இந்தப் பாட்டத்தான் முதன் முதலில் அவங்கள கை பிடிச்சப்ப பாடினாராம்.

இப்ப இந்த பாட்டை நித்தமும் பாடலேன்னா கிருஷ்ணாம்மா அவருக்கு சோறே போடறது இல்லையாம். புன்னகை

உணவை விரும்பும் பூமியிலே
என்னை விரும்பும் ஓருயிரே

சமையல் தேடி அலையும் உலகில்
இதயம் தேடும் என்னுயிரே
உணவை விரும்பும் பூமியிலே
என்னை விரும்பும் ஓருயிரே
சமையல் தேடி அலையும் உலகில்
இதயம் தேடும் என்னுயிரே

ஆயிரம் மலரில் ஒரு மலர் நீயே
சமையல் கலையின் ராணியும் நீயே
உணவை எனக்கே தந்தவள் நீயே
தங்க கோபுரம் போல வந்தாயே
புதிய சமையல் புதிய ருசியும்
புதிய திருப்தியும் கொண்டு வந்தாயே

உணவை விரும்பும் பூமியிலே
என்னை விரும்பும் ஓருயிரே

ஓட்டலில் உண்ணும் நண்பனைக் கேட்டேன்
திருடித் தின்னும் பூனையையும் கேட்டேன்
அலையும் நெஞ்சை அவரிடம் சொன்னேன்
அழைத்து வந்தார் என்னிடம் உன்னை
இந்த மனமும் இந்த குணமும்
என்றும் வேண்டும் என்னுயிரே

உணவை விரும்பும் பூமியிலே
என்னை விரும்பும் ஓருயிரே

ஆலமரத்தின் விழுதினைப் போலே
உணவளித்து நிற்கும் உறவு தந்தாயே
வாழைக் கன்று அன்னையின் நிழலில்
வாழ்வது போலே வாழவைத்தாயே
உருவம் இரண்டு உயிர்கள் இரண்டு
வயிறு ஒன்றே என்னுயிரே

உணவை விரும்பும் பூமியிலே
என்னை விரும்பும் ஓருயிரே

பாடல் - ஆலயமணி படத்தில் கண்ணதாசன் எழுதி, டிஎம்எஸ் பாடி, எம்எஸ்வி & ராமமூர்த்தி இசை அமைத்தது.

by **அருண்** Thu Mar 29, 2012 6:37 pm

ஹா! சூப்பர் அண்ணா!
அம்மா கிட்ட சொல்லி எக்ஸ்ட்ரா 2 கிளாஸ் பால் பாயாசம் வச்சி தர சொல்றேன்..! சூப்பருங்க

அய்யா கொயவெறி, என்ன அற்புதமான கற்பனையையா உமக்கு . வாழ்த்துகிறேன் உம்மை மகிழ்ச்சி

by **பிஜிராமன்** Thu Mar 29, 2012 7:33 pm

கொலவெறி நண்பா
மிக மிக அருமையாக எழுதி விட்டீர்கள், மிக மிக ரசித்து படித்தேன்.....

உங்கள் பாட்டு கேட்டேன்
பொய்யை சொல்ல நினைத்தேன்
பொய்யை புரட்டி போட்டு
உண்மை சொல்லி விட்டேன் - நான்
உண்மை சொல்லி விட்டேன்

by **Aathira** Thu Mar 29, 2012 8:19 pm

கொ.வெ. நெசமா இது நீங்க பதிவிட்டது. ஆனா அவருடைய பாட்டு தானே. பொய் சொல்லாம உண்மையைச் சொல்லுங்க...... இந்தப் பாட்டை அவங்க வீட்டிலிருந்து எப்படி ஆட்டைய போட்டிங்க.. நக்கல் நாயகம்