ஏலகிரியில் வானத்தில் பறந்தபடி 'பாராகிளைடிங்' சுற்றுலா

கோவைசிவா · கோவைசிவா Sat Oct 03, 2009 10:48 pm

ஏலகிரியில் 'பாராகிளைடிங்' மூலம் வானத்தில் பறந்தபடி சுற்றுலாவை ரசிக்க தமிழக அரசின் சுற்றுலாத்துறை ஏற்பாடு செய்துள்ளது.

ஏலகிரியில் வானத்தில் பறந்தபடி 'பாராகிளைடிங்' சுற்றுலா Img1090820033_1_1

ஏலகிரியில் வானத்தில் பறந்தபடி 'பாராகிளைடிங்' சுற்றுலா Img1090820033_1_1

WD

இது குறித்து செ‌ய்‌தியாள‌ர்க‌ளிட‌ம் பே‌சிய சுற்றுலாத்துறை செயலர் இறையன்பு, ஏலகிரியில் பல்வேறு சுற்றுலா திட்டங்களுக்காக ரூ.11 கோடி நிதி ஒதுக்கி, இயற்கை பூங்கா, படகுத்துறை மேம்பாடு, நிலாவூர் படகு குழாம், பயணிகள் விடுதி போன்ற பல வசதிகள் ஏற்படுத்தி தரப்பட்டு உள்ளன. மேலும் பல வசதிகளை அங்கு உருவாக்க திட்டங்கள் வகுக்கப்பட்டு வருகின்றன.

ஏலகிரிக்கு வரும் சுற்றுலா பயணிகளை மகிழ்விப்பதற்காக 'பாராகிளைடிங்' என்ற வானத்தில் பறந்தபடி இயற்கையை ரசிக்கும் சுற்றுலா வசதி செய்து தரப்பட்டு உள்ளது. இந்த வசதி கடந்த ஆண்டு அறிமுகம் செய்யப்பட்டது. இந்த சாகச விளையாட்டுக்கான பயிற்சி அளிக்கப்பட்டு வருகிறது.

இந்த ஆண்டில் 'பாராகிளைடிங்' தெரியாத சாதாரண மக்களும், வானத்தில் பறந்து பரவசமடையும் வகையில் வசதிகள் செய்யப்பட்டு உள்ளன. இப்படிப்பட்டவர்களுடன் பயிற்சி பெற்ற விமானி ஒருவர் உடன் பறப்பார். எனவே தைரியமாக அனைவருமே வானத்தில் பறக்கலாம்.

ஏலகிரி சாகச விளையாட்டு சங்கத்துடன் (யாசா) தமிழ்நாடு சுற்றுலா வளர்ச்சி கழகம், வேலூர் மாவட்ட நிர்வாகம் ஆகியவை இணைந்து இந்த சாகச நிகழ்ச்சியில் பங்கு பெறலாம். 'பாராகிளைடிங்' தெரிந்திருந்தால் தகுந்த உபகரணங்களுடன் வந்து முன்பதிவு செய்து கொள்ளலாம். இவர்களுக்கு பறப்பதற்கு கட்டணம் வசூலிக்கப்படாது.

'பாராகிளைடிங்' தெரியாத சாதாரண மக்கள் யாரும் பங்கேற்க விரும்பினால் ரூ.2 ஆயிரம் கட்டணம் செலுத்த வேண்டும். தகுந்த விமானியுடன் இவர்கள் பறக்க முடியும். மலை மேட்டுப்பகுதியில் இருந்து 'பாராகிளைடிங்' செய்ய அங்கு ஏற்பாடுகள் செய்யப்பட்டு உள்ளன. சுமார் 20 நிமிடங்கள் வானத்தில் பறந்து இயற்கை அழகை, கழுகு பார்வை போல் ரசிக்கலாம்.

பறக்க தொடங்கும் இடத்தில் இருந்து அரை கிலோ மீட்டர் தூரத்தில் 5 ஏக்கர் நிலத்தில் தரை இறங்குவதற்கான வசதிகள் செய்யப்பட்டு உள்ளன. அங்கு தரை இறங்கலாம். அடுத்த மாதம் செப்டம்பர் 11, 12, 13 ஆ‌கிய தேதிகளில் 'பாராகிளைடிங்' நிகழ்ச்சி நடத்தப்பட உள்ளது. இளைஞர்களுக்கு நல்ல மன பலத்தை அதிகரிக்கும் நிகழ்ச்சி இதுவாகும். இருதய பலவீனமுள்ளவர்கள் இதை தவிர்க்கலாம்.

மேலும் அங்கு மலையேற்றம், மலையில் பைக் ஓட்டும் சாகசம், பாறைகளில் ஏறும் சாகசம் ஆகிய விளையாட்டுகளும் அறிமுகம் செய்யப்பட உள்ளன. ஏலகிரியில் சாகச விளையாட்டு வளாகம் அமைக்கப்பட்டு வருகிறது எ‌ன்று இறைய‌ன்பு கூ‌றினா‌ர்.

ஏலகிரியில் வானத்தில் பறந்தபடி 'பாராகிளைடிங்' சுற்றுலா

ஏலகிரியில் வானத்தில் பறந்தபடி 'பாராகிளைடிங்' சுற்றுலா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக