பாகிஸ்தானுக்கு இந்தியா 5,000 மெகாவாட் மின்சாரம் : பிரதமர்

by ஹர்ஷித் Thu Mar 29, 2012 3:37 pm

தென் கொரிய தலைநகர் சியோலில், அணுசக்தி பாதுகாப்பு மாநாடு நடந்தது. இதில் இந்திய பிரதமர் மன்மோகன் சிங், பாகிஸ்தான் பிரதமர் கிலானி, அமெரிக்க அதிபர் ஒபாமா உள்பட உலக நாடுகளின் தலைவர்கள் பங்கேற்றனர். அப்போது மன்மோகனும் கிலானியும் சந்தித்து இருநாட்டு உறவுகள் குறித்து பேசினர். இந்த சந்திப்பின் போது, கடும் மின் பற்றாக்குறையை சமாளிக்க மின்சாரம் வழங்கி உதவ வேண்டும் என்று கிலானி கேட்டுக் கொண்டார். அதன்படி பாகிஸ்தானுக்கு இந்தியா 5,000 மெகாவாட் மின்சாரம் வழங்க பிரதமர் மன்மோகன் ஒப்புக் கொண்டுள்ளார்.

இத்தகவல் தி நியூஸ் என்ற பத்திரிகையிலும், அதன் வெப்சைட்டிலும் வெளியிடப்பட்டுள்ளது. இதையடுத்து, பஞ்சாப் மாநிலத்தின் வழியாக பாகிஸ்தானுக்கு மின்சாரம் சப்ளை செய்யப்படும். இந்த உதவி அவசர கால நடவடிக்கையாக உடனடியாக செய்யப்படும் என்று அந்த பத்திரிகை கூறியுள்ளது. கடும் பொருளாதாரத்தில் தவிக்கும் பாகிஸ்தானுக்கு உதவ மன்மோகன் பல நடவடிக்கைகளை எடுத்து வருகிறார். அதற்கு கிலானி நன்றி தெரிவித்துக் கொண்டுள்ளார். மேலும், இந்திய உதவிகளுக்கு பிரதிபலனாக விரைவில் பாகிஸ்தானும் இந்தியாவுக்கு உதவிகள் வழங்குவதாக கிலானி உறுதி அளித்துள்ளார் என்று தகவல் வெளியாகி உள்ளது.
dinakaran.com

by **ராஜா** Thu Mar 29, 2012 3:44 pm

ஜேன் செல்வகுமார் wrote: பாகிஸ்தானுக்கு இந்தியா 5,000 மெகாவாட் மின்சாரம் வழங்க பிரதமர் மன்மோகன் ஒப்புக் கொண்டுள்ளார்.

இந்திய குடிமக்களை விட பக்கத்து நாடு மீது தான் இப்ப இந்தியாவின் கரிசனம் அதிகமாக இருக்கிறது. என்ன கொடுமை இது.

ஜேன் செல்வகுமார் wrote: மேலும், இந்திய உதவிகளுக்கு பிரதிபலனாக விரைவில் பாகிஸ்தானும் இந்தியாவுக்கு உதவிகள் வழங்குவதாக கிலானி உறுதி அளித்துள்ளார் என்று தகவல் வெளியாகி உள்ளது.

அஜ்மல் கசாப்க்கு அடுத்த Badge ரெடியா இருக்காங்களாம் , விரைவில் அனுப்புவார்கள்.

by உதயசுதா Thu Mar 29, 2012 3:49 pm

அட பாவிகளா, பிச்சை எடுக்குதாம் பெருமாளு,அதை பிடுங்குதாம் அனுமாரு கதையா இல்ல இருக்கு.
நாமலே இங்க மின்சாரத்துல பிச்சை எடுக்கும் நிலையில் இருக்கோம்.இதுல இவரு தானம் வேற கொடுக்குராறு

by யினியவன் Thu Mar 29, 2012 4:00 pm

அண்டை நாட்டுக்கு உபகாரம் பண்ணி
உள்நாட்டில களேபரத்த உண்டாக்கி நம்மள
தனித் தனி நாடா ஆக்கிடுவாங்க போல தெரியுது.

தீவிர மன நல சிகிச்சைப் பிரிவுக்கு இவர அனுப்பறது நல்லதுன்னு தோணுது.

by Guest Thu Mar 29, 2012 4:17 pm

இந்தியன் இந்தியன் என்று வாயி கிழிய சனநாயகம் பேசும் இந்தியர்களே ...

பாகிஸ்தானை எதிரி நாடு என்று சொல்லி கொள்ளும் இந்தியா அவர்களுக்கு 5000 மெகா வாட் தருகிறது ...எதிரியை விட தமிழன் தாழ்ந்தவனா ?