சின்னச் சின்ன கொண்டாட்டங்கள்!

டி.வி.யில் பொது அறிவு குவிஸ் நிகழ்ச்சி... பதினைந்து கேள்விகளுக்குப் பதில் சொன்னால் ஒரு கோடி ரூபாய் பரிசு!

ஒரு கேள்வி கேட்க ஒரு நிமிடம் போதும்; யோசித்துப் பதில் சொல்ல இன்னொரு நிமிடம். இந்தக் கணக்கின்படி பார்த்தால் அரை மணி நேரத்தில் பதினைந்து கேள்விகளைக் கேட்டு முடித்துவிடலாம். ஒரு கோடி பரிசையும் எடுத்துக் கொடுத்துவிடலாம்.

ஆனால், உண்மையில் அப்படியா நடக்கிறது? ஒவ்வொரு கேள்விக்கும் முன்னுரை, பின்னுரை, ஆர்ப்பாட்டமான இசை, நடுவே பேட்டிகள், கைதட்டல்கள், கிண்டல், கேலி, லைஃப்லைன் என்று ஏதேதோ சுவாரஸ்யங்களைச் சேர்த்து அதனை ஒரு மணி நேரத்துக்கு மேல் இழுத்துவிடுகிறார்கள். அதனால்தான் மக்களும் ஆர்வமாக அதனை உட்கார்ந்து பார்க்கிறார்கள்.

அது மட்டுமில்லை, இந்த நிகழ்ச்சியை கூர்ந்து கவனித்தால் இன்னொரு விஷயம் புரியும். பதினைந்த கேள்விகளுக்கும் சரியான பதில் சொன்னால்தான் ஒரு கோடி என்று இல்லை. முதல் கேள்விக்கு பதில் சொன்னதுமே ஆயிரம் ரூபாய் கிடைத்துவிடும். இரண்டாவது கேள்விக்கு இரண்டாயிரம்... இப்படியே படிப்படியாக நிறையச் சம்பாதிக்கலாம்.

போட்டியை நடத்துகிறவர், முதல் ஆயிரம் ரூபாய் வென்றதுமே போட்டியாளரைப் பாராட்டி, கௌரவித்து, உற்சாகப்படுத்துவார். பத்தாயிரத்தைத் தாண்டினால் ஒரு செக் தருவார். தொடர்ந்து இதே மாதிரி பதில் சொல்லி அசத்துங்கன; நீங்க லட்சம் லட்சமா குவிக்கலாம் என்று நம்பிக்கை தருவார்.

இவை எல்லாம் அரை மணி நேர நிகழ்ச்சியை ஒரு மணி நேரமாக இழுக்க அறிமுகப்படுத்தப்பட்ட விஷயங்கள் என நினைக்கிறீர்களா? இவை மனித உளவியலைக் கூர்ந்து கவனித்து அதன்படி ஏற்படுத்தப்பட்ட சமாசாரங்கள் எப்படி?

தி பிராக்ரஸ் பிரின்சிபில் என்ற புத்தகம் இந்த விஷயத்தை மிக நுணுக்கமாக அலசுகிறது. தெரசா அமபிலெ, ஸ்டீவன் க்ராமெர் என்ற தம்பதியர் இந்த புத்தகத்தை எழுதியுள்ளார்கள்.

ஆங்கிலத்தில் “பிராக்ரஸ்’ என்றால் முன்னேற்றம். நாம் ஒரு நிலையிலிருந்து அடுத்த படிக்குச் சென்றிருக்கிறோம் என்பதற்கான அடையாளம்.

முன்னேற்றம் என்பது ஒரு இடத்திலிருந்து இன்னோர் இடத்திற்குத் தாவுவது அல்ல, அந்த இரண்டு இடங்களுக்கும் இடையில் உள்ள தூரத்தை மெதுவாகக் கடந்து செல்வது. அதை உற்றுக் கவனிக்கவேண்டும். அவ்வப்போது நம்மை நாமே உற்சாகப்படுத்திக் கொள்ளவேண்டும். இதெல்லாம் நம்முடைய முன்னேற்றத்தை விரைவுபடுத்தும் என்று ஆதாரங்களுடன் விளக்கிச் சொல்கிறார்கள் இந்த புத்தகத்தில்.

சிறிய வெற்றியைக் கூட கொண்டாடுங்கள் என்பதுதான் பிராக்ரஸ் பிரின்சிபிள். அது தரும் விட்டமின் தான் நம்மைப் பெரிய வெற்றிகளை அடைவதற்கு ஊக்குவிக்கிறது.

ஆனால், இதில் ஒரு சின்ன ஆபத்தும் உண்டு. சாதாரண வெற்றிகளில் சந்தோஷப்பட்டு திருப்தி அடைந்தவிட்டால், அத நம் நிஜமான இலக்குகளை எட்டவிடாது.

ஆக, சிறிய முன்னேற்றங்களைக் கொண்டாடும்போதெல்லாம், “இது தற்காலிக சந்தோஷம்தான். வேலை இன்னும் மிச்சம் இருக்கிறது’ என்று நம் மனத்தில் தோன்றவேண்டும். இல்லாவிட்டால் ஆபத்து.

முன்னேற்ற டிப்ஸ்....

* உங்களிடம் எந்த வேலை வந்தாலும் சரி. அதனைப் பல படிநிலை(ஸ்டெப்)களாகப் பிரித்துக்கொள்ளுங்கள்.

* ஒவ்வொரு படிநிலையையும் முடிப்பதற்கு எவ்வளவு நேரமாகும் என்று கணக்குப் போடுங்கள். எதை எப்போது முடிக்கவேண்டும் என்று திட்டமிடுங்கள்.

* அந்தப் படிநிலைகள் உரிய நேரத்தில் முடிகின்றனவா என்று கவனியுங்கள். அப்படி முடிந்தால் ஒரு காபி, டீ, 1/2 மணி நேரம் டி.வி. என்று அதைக் கொண்டாடுங்கள்.

* ஒருவேளை ஏதாவது ஒரு படிநிலை உரிய நேரத்தில் முடியாவிட்டால், எங்கே பிரச்னை என்று யோசியுங்கள். சரி செய்து அதையும் சுருக்கமாகக் கொண்டாடிவிட்டு முன்னே செல்லுங்கள்.

- என். சொக்கன்

அடேய்ங்கப்பா என்னமா அலசியிருக்காங்க... அவசியம் அணைவரும் படித்து பலன் பெறவேன்டிய பதிவு இது... நன்றி சிவா

ஆமோதிக்கிறேன்

சிவா wrote:
முன்னேற்ற டிப்ஸ்....
* உங்களிடம் எந்த வேலை வந்தாலும் சரி. அதனைப் பல படிநிலை(ஸ்டெப்)களாகப் பிரித்துக்கொள்ளுங்கள்.

நல்ல தகவல்.அனைவரும் படியுங்கள்.

உமா wrote:நல்ல தகவல்.அனைவரும் படியுங்கள்.

ஆமாம் , படிக்க தெரியாதவங்க தொப்பியை தூக்குங்க.

அனைவரும் படித்து பயன் பெறும் தகவல் இது.
இதுல சொல்லி இருக்கிற மாதிரி சின்ன சின்ன வெற்றிய கொண்டாடுவதுடன் நிறுத்தி கொள்ளாமல் அடுத்த நிலைய அனைவரும் நினைவில் வைத்து கொண்டால் நல்லது

நல்ல தகவல் சிவா.


உங்களுக்கு விசை டீவில இருந்து
போன் வந்ததா கேள்விப் பட்டோமே.

சூப்பர் டிப்ஸ் சிவா நன்றி