3 மாதம் பொறுத்திருங்க... மின்வெட்டு குறையும்: முதல்வர் ஜெ.,

சென்னை: ""மின்வெட்டு ஜூன் மாதத்தில் இருந்து படிப்படியாக குறையும் என்று அறிவித்துள்ளோம். எனவே, மூன்று மாதங்கள் பொறுத்திருக்க வேண்டும்,'' என முதல்வர் ஜெயலலிதா தெரிவித்தார்.

சட்டசபையில் பட்ஜெட் மீது நடந்த விவாதம்:

அண்ணாதுரை - மார்க்சிஸ்ட்: சாதனை மற்றும் வேதனையை உள்ளடக்கிய வரவு - செலவு அறிக்கையாக இது உள்ளது. படிப்படியாக மின்வெட்டு குறைக்கப்படுமென அறிவிக்கப்பட்டது. ஆனால், படிப்படியாக மின்வெட்டு நேரம் அதிகரிக்கப்பட்டு வருகிறது.

முதல்வர் ஜெயலலிதா: வரும் ஜூன் மாதத்தில் இருந்து தான் படிப்படியாக குறைக்கப்படும் என்று அறிவித்தோம். தற்போது மார்ச் மாதம் தான் ஆகிறது. இன்னும் மூன்று மாதம் பொறுத்திருக்க வேண்டும்.

அண்ணாதுரை: தேர்தலின் போது கூறியதை குறிப்பிட்டேன். பட்ஜெட்டில் புது மின் திட்டங்கள் பற்றி அறிவிப்பு இல்லாதது ஏமாற்றமளிக்கிறது. முந்தைய அரசும், தொலைநோக்கு பார்வையுடன் புதிய மின் திட்டங்களை துவக்கவில்லை. ரேஷன் கார்டுகள் ஆய்வு என்ற பெயரில், காஸ் சிலிண்டர் இல்லாதவர்களின் கார்டுகளிலும், ஒரு சிலிண்டர் என்று முத்திரை குத்தப்பட்டு, 10 லிட்டர் மண்ணெண்ணெய்க்கு பதிலாக மூன்று லிட்டர் தான் வழங்கப்படுகிறது. புறம்போக்கு நிலங்களில் குடியிருப்போர் அனைவருக்கும் வீட்டுமனைப் பட்டா வழங்க வேண்டும். இந்த ஆட்சியில், கடந்த ஒன்பது மாதங்களில் 11 லாக்-அப் சாவுகள் நடந்துள்ளன.

சுந்தரம் - இந்திய கம்யூனிஸ்ட்: ஊரக வேலைவாய்ப்பு திட்டத்தின் கீழ், வேலை அளவை கணக்கில் கொள்ளாமல், கால அளவை கணக்கிட்டு கூலி நிர்ணயிக்க வேண்டும். இந்த பட்ஜெட்டில் உயர்கல்வித் துறைக்கு புதிய அறிவிப்பு ஏதும் இல்லை. இதை போக்கும் வகையில், பவானிசாகர் தொகுதியில், புதிய கல்லூரி துவங்க உத்தரவிட வேண்டும். நம் மாநிலத்தில் தொலைவாக இருப்பதால், எல்லைப் பகுதிகளில் பக்கத்து மாநிலங்களில் உயர்கல்வி படிப்போருக்கு திருமண உதவி வழங்குவதில்லை. அவர்களுக்கும் வழங்க வேண்டும்.

கிருஷ்ணன் - அ.தி.மு.க: எம்.ஜி.ஆர்., சமாதி புதுப்பிக்கப்படுகிறது. அந்த சமாதியை கோவில் போல, தமிழகம் முழுவதும் இருந்து வரும் மக்கள் கும்பிட்டு வருகின்றனர். எனவே, எம்.ஜி.ஆர்., சமாதியில் அன்னதான திட்டத்தை செயல்படுத்த வேண்டும்.

தினமலர்

ஐந்து வருடகளுக்கு அறிக்கை இன்பம் தான் ..

இது தான் பொதுவா நடக்குரதாச்சே!!!!!!!கொய்யால குமுறனும் இல்லானா குமுறி அழனும்!!!!

இதை படிக்கும் போது எனக்கு இந்த ஜோக் தான் ஞாபகத்துக்கு வந்தது.

ஒருவர் : ஐயா , என் ஜாதபடி இந்த வருடம் நல்லாயிருக்குமா?

ஜோதிடர் : முதல் 4 மாதம் பயங்கர கஷ்டமா இருக்கும்.

ஒருவர் : அப்புறம் நல்லா இருப்பேனா ஜோதிடரே ?

ஜோதிடர் : கவலைபடாதீங்க , அதற்கப்புறம் உங்களுக்கு கஷ்டம் பழகிடும்

ஜேன் செல்வகுமார் wrote:இது தான் பொதுவா நடக்குரதாச்சே!!!!!!!கொய்யால குமுறனும் இல்லானா குமுறி அழனும்!!!!

.
காது குளிர ஜெயா ரீவில் அறிக்கை கேட்டு இன்பம் அடைக!! என் குமுறி அழ வேண்டாம் ??

பொறுமையா இருக்கனுமா இல்ல எருமையா இருக்கனுமா?
அம்மா சொன்ன அட்வைஸ் பார்த்து ரொம்ப பெருமையா இருக்கு.


எம்ஜிஆர் சமாதியில் அன்னதானமா?
காண்ட்ரேக்ட்ட கிருஷ்ணன் எடுத்துக்கறாராமா?

நடைமுறைக்கு ஒவ்வாத திட்டங்கள், பலன் பெறுவோர் திட்டம் தீட்டுபவர்களும் ஆளுங்கட்சியினருமே... அதிலும் அதிகாரத்தில் உள்ளவர்களே

ராஜா wrote:இதை படிக்கும் போது எனக்கு இந்த ஜோக் தான் ஞாபகத்துக்கு வந்தது.

ஒருவர் : ஐயா , என் ஜாதபடி இந்த வருடம் நல்லாயிருக்குமா?

ஜோதிடர் : முதல் 4 மாதம் பயங்கர கஷ்டமா இருக்கும்.

ஒருவர் : அப்புறம் நல்லா இருப்பேனா ஜோதிடரே ?

ஜோதிடர் : கவலைபடாதீங்க , அதற்கப்புறம் உங்களுக்கு கஷ்டம் பழகிடும்

8- 12 மணிநேர பவர் கட் நமக்கும் பழகிடுச்சு தல