இதயம் பேசுகிறது!

by கோவைசிவா Sat Oct 03, 2009 7:35 pm

மாலை அந்திகளில் மனதின் சந்துகளில்
தொலைந்த முகத்தை மனம் தேடுதே!

வெய்யிலில் தார் ஒழுகும் நகர வீதிகளில்
மையல் கொண்டு மலர் வாடுதே!

மேகம் சிந்தும் இரு துளியின் இடைவெளியில்
துருவி துருவி உன்னை தேடுதே!

உடையும் நுரைகளிலும் தொலைந்த காதலனை
உருகி உருகி மனம் தேடுதே!

அழகிய திருமுகம்
ஒருதரம் பார்த்தால்
அமைதியில் நிறைந்திருப்பேன்...

நுனிவிரல் கொண்டு ஒருமுறை தீண்டு,
நூறு முறை பிறந்திருப்பேன்...

ஒரே பார்வையடா,
ஒரே வார்த்தையடா,
ஒரே தொடுதல் மனம் வேண்டுதே!

முத்தம் போடும் அந்த மூச்சின் வெப்பம்
அது நித்தம் வேண்டுமென என்று வேண்டுதே!

வேர்வை பூத்த உந்தன் சட்டை வாசம்
என்று ஓட்டும் என்று மனம் ஏங்குதே!

முகம் பூத்திருக்கும் முடியில் ஒன்றிரண்டு
குத்தும் இன்ப கணம் கேட்குதே!

பாறையில் செய்தது என்மனம் என்று
தோழிக்கு சொல்லி இருந்தேன்...
பாறையின் இடுக்கில் வேர் விட்ட கொடியாய்
நீ நெஞ்சில் முளைத்து விட்டாய்...

by மீனு Sat Oct 03, 2009 7:46 pm

முத்தம் போடும் அந்த மூச்சின் வெப்பம்
அது நித்தம் வேண்டுமென என்று வேண்டுதே!

வேர்வை பூத்த உந்தன் சட்டை வாசம்
என்று ஓட்டும் என்று மனம் ஏங்குதே!

முகம் பூத்திருக்கும் முடியில் ஒன்றிரண்டு
குத்தும் இன்ப கணம் கேட்குதே!
இதயம் பேசுகிறது! 838572

by மீனு Sat Oct 03, 2009 8:04 pm

கோசி அவர்களே உங்கள் ஆக்கங்களை மீனு விரும்பி படிப்பேன்..உங்கள் கவிதைகள் பல அருமையா இருக்கும்..கொஞ்சம் காதல்,கொஞ்சம் முத்தம் ,இப்படி அசத்தல் கவிதைகள்..பாராட்டுக்கள் கோசி.. இதயம் பேசுகிறது! 154550