பட்டர் சிக்கன் மசாலா

முஹைதீன் · முஹைதீன் Fri Mar 30, 2012 2:02 pm

பட்டர் சிக்கன் மசாலா
பட்டர் சிக்கன் மசாலா 29butterchikenmasala

வெண்ணெயில் வைட்டமின் ஏ சத்து உள்ளது. சிக்கனில் புரதம் நிறைந்துள்ளது சிக்கனை வெண்ணெய் சேர்த்து சமைப்பது கூடுதல் சுவையோடு சத்தானதும் கூட பட்டர் சிக்கன் மசாலா கிரேவி தற்போது ஓட்டல்களில் பிரசித்தி பெற்ற டிஷ் ஆகும். இதற்கு குழந்தைகள் மத்தியில் வரவேற்பு உள்ளது. வீட்டிலும் எளிதாக செய்யலாம்.

தேவையான பொருட்கள்

எலும்பில்லாத சிக்கன் - 1/2 கிலோ
பெரிய வெங்காயம் – 3
தக்காளி – 4
இஞ்சி பூண்டு விழுது - 2 டீஸ்பூன்
கரம் மசாலா - 1/2 டீஸ்பூன்
சீரகத்தூள் - 1/2 டீஸ்பூன்
தயிர் – 200 மிலி
மிளகாய்த்தூள் - 2 டீஸ்பூன்
மஞ்சள்தூள் - 1/4 டீஸ்பூன்
வெண்ணெய் – 50 கிராம்
முந்திரி விழுது - 2 டீஸ்பூன்
கசூரி மேத்தி - 1 டீஸ்பூன் ( காய்ந்த வெந்தைய இலை)
உப்பு - 1 டீஸ்பூன்
சிவப்பு கலர் - 1/2 டீஸ்பூன்
பட்டை, லவங்கம், ஏலக்காய் – தாளிக்க

பட்டர் சிக்கன் செய்முறை

சிக்கன் துண்டுகளை சுத்தம் செய்து கொள்ளவும். அகலமான பாத்திரத்தில் தயிர், கறிமசாலா, உப்பு, கசூரி மேத்தி, சிவப்பு கலர் இவற்றை நன்கு கலந்து சிக்கனில் தடவி இரண்டு மணி நேரம் ஊற வைக்கவும். ஊற வைத்த சிக்கனை நன்றாக வேக வைக்கவும். மைக்ரோவேவ் ஓவன் இருந்தால் இருபுறமும் நன்றாக வேகவைத்து எடுக்கவும்.

கடாயில் வெண்ணையை ஊற்றி காய்ந்ததும் பட்டை, லவங்கம், ஏலக்காய் சேர்த்து தாளிக்கவும். இப்போது நறுக்கிய வெங்காயம், இஞ்சி, பூண்டு விழுது, தக்காளி இவை சேர்த்து வதக்கவும். தொடர்ந்து தனியாத்தூள், மஞ்சள்தூள், சீரகத்தூள், மிளகாய்த் தூள், போதுமான அளவு உப்பு சேர்த்து வதக்கவும். சிக்கன் ஊற வைத்த மசாலா கலவை மீதமிருந்தால் அதையும் சேர்த்துக் கொள்ளவும். மசாலா கலவை வேக தேவையான நீர் விடவும்.

தயார் செய்த மசாலா கலவையுடன், வெந்த சிக்கனை சேர்த்து கிளறவும். பின்னர் மிதமான தீயில் வேக விடவும். பட்டர் சிக்கன் மசாலாவை இறக்கு முன், அரைத்த முந்திரி விழுதையும் சேர்த்துக் கிளறி இறக்கவும். நாவில் நீர் ஊறச் செய்யும் சுவையான பட்டர் சிக்கன் மசாலா ரெடி. இது புரோட்டா, சப்பாத்திக்கு தொட்டுக்கொள்ள சுவையாக இருக்கும்.
http://tamil.boldsky.com/recipes/non-veg/butter-chicken-masala-recipe-aid0174.html

**ஜாஹீதாபானு** · **ஜாஹீதாபானு** Fri Mar 30, 2012 2:38 pm

படிக்கும் போதே நாக்கில் நீர் ஊறுகிறது......... ஜொள்ளு

இரா.பகவதி · இரா.பகவதி Fri Mar 30, 2012 3:55 pm

படிக்கும் போதே நாக்கில் நீர் ஊறுகிறது.........

பாட்டி ஒரு கை பாத்துர வேண்டியது தானே , முதலில் ஏதாவது பூனையை சாப்பிட சொல்லி அப்புறம் ஒரு அரை மணி நேரம் கழித்து நீங்கள் ருசி பாருங்கள் நல்லது நக்கல் நாயகம்

**ஜாஹீதாபானு** · **ஜாஹீதாபானு** Fri Mar 30, 2012 4:33 pm

இரா.பகவதி wrote:
படிக்கும் போதே நாக்கில் நீர் ஊறுகிறது.........

பாட்டி ஒரு கை பாத்துர வேண்டியது தானே , முதலில் ஏதாவது பூனையை சாப்பிட சொல்லி அப்புறம் ஒரு அரை மணி நேரம் கழித்து நீங்கள் ருசி பாருங்கள் நல்லது

அதான் நீங்க இருக்கீங்களே அப்புறம் ஏன் பூனைய தொல்லை பண்ணனும்......... ரிலாக்ஸ்