Latest topics

கண்ணிவெடியில் சிக்கி 16 பொலிஸார் உயிரிழப்பு : மகாராஷ்டிராவில் சம்பவம் _

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

கண்ணிவெடியில் சிக்கி 16 பொலிஸார் உயிரிழப்பு : மகாராஷ்டிராவில் சம்பவம் _

Post by பது Wed Mar 28, 2012 4:48 pm

மகாராஷ்டிராவில் நக்சலைட்கள் வைத்த கண்ணி வெடியில் சிக்கி மத்திய ரிசர்வ் பொலிஸ் படை வீரர்கள் 16 பேர் பலியாயினர். மகாராஷ்டிரா மாநிலம் புஷ்டோலா மாவட்டத்தில் நேற்றுக் காலை இச்சம்பவம் நிகழ்ந்துள்ளது.

பஸ் ஒன்றில் மத்திய ரிசர்வ் பொலிஸ் படையைச் சேர்ந்த வீரர்கள் 40 பேர், புஷ்டோலாவில் இருந்து கட்டா என்ற இடத்துக்கு வழக்கமான பணிக்காக சென்று கொண்டிருந்தனர். கட்சிரோலி என்ற இடத்துக்கு 4 கி.மீ. அருகே புஷ்டோலா என்ற கிராமத்தில் பஸ் சென்றபோது, நக்சலைட்கள் வைத்திருந்த கண்ணி வெடி பயங்கர சத்தத்துடன் வெடித்தது. இதில் வேன் சுக்குநூறாக நொறுங்கியது.

வேனில் இருந்தவர்களில் 16 வீரர்கள் சம்பவ இடத்திலேயே உடல் சிதறி உயிரிழந்தனர். மேலும் 28 பேர் காயமடைந்தனர். தகவல் கிடைத்ததும் சம்பவ இடத்துக்கு மீட்பு குழுவினரும் ஏராளமான பொலிசாரும் சென்று மீட்பு நடவடிக்கைளில் ஈடுபட்டனர். காயமடைந்த பொலிசார் சிலரின் நிலை கவலைக்கிடமாக இருப்பதால் பலி எண்ணிக்கை மேலும் உயரக்கூடும் என்று அஞ்சுவதாக பொலிசார் தெரிவித்தனர்.

இதனிடையே, மகாராஷ்டிர மாநிலம் நாக்பூரில் சுற்றுப் பயணம் மேற்கொண்டுள்ள மத்திய ரிசர்வ் பொலிஸ் படைத் தலைவர் கே.விஜயகுமார் சம்பவ இடத்துக்கு விரைந்தார். புஷ்டோலா மாவட்டம் முழுவதும் பொலிசார் நக்சலைட்களை தேடி வருகின்றனர்.

பது: தளபதி; பதிவுகள் : 1558
இணைந்தது : 27/04/2011