அய்யோ...அம்மா...நீர்ச்சுருக்கு நீங்க வேண்டுமா?...

First topic message reminder :

இளநீர், சிறுநீர்ப் பாதையில் உள்ள அழற்சியைக் குறைத்துச் சிறுநீரைக் கலங்கலும், சூடுமின்றி நிறைய வெளியேற்றும்.

உடலில் உஷ்ணத்தை அதிகரிக்கும் காரம், புளி, உப்புச் சுவை, புலால் உணவு, பட்டை, சோம்பு கரம் மசாலாவின் கலவை, டீ, காபி, புகைபிடிப்பது, மது அருந்துதல், அதிகக் கோபம் போன்றவற்றைத் தவிர்க்க வேண்டும்.

முதல் நாள் இரவு தண்ணீரில் உளுந்தை ஊற வைத்து மறுநாள் காலை அந்தத் தண்ணீரை மட்டும் சாப்பிட, சிறுநீர் எரிவு, சுருக்கு நீங்கும்.

பறங்கிக் காய் விதை 4-8 வரையில் எடுத்துக் கஷாயமிட்டுச் சாப்பிட சிறுநீரக அழற்சி தணியும்.

இளம் பிஞ்சுப் பாக்கை உலர்த்திக் தூளாக்கிச் சர்க்கரை சம அளவு சேர்த்து 1 கிராம் அளவு சாப்பிட அஜீர்ணப் பேதி, சிறுநீரக அழற்சி, வயிற்று அழற்சி நீங்கும்.

மாதுளம் பழத்தின் மணிகளின் சாற்றை உறிஞ்சிவிட்டு விதையையும் மென்று சாப்பிடுவது நீர்க்கடுப்பைக் குறைக்கும்.

விளாமிச்சை அல்லது வெட்டிவேரை முடித்துக் கட்டிப் போட்டு நீர்ப் பானைகளில் ஊற வைக்கவும். இத்தண்ணீரைப் பருக உடல் எரிவு, சிறுநீர் எரிச்சல் நீங்கி உற்சாகம், மனத்தெளிவு பிறக்கும்.

வாழைத் தண்டின் நீரைப்பருக நீர்ச்சுருக்கு, நீர்க் கல்லடைப்பு சிறுநீரக அழற்சி, எலும்புருக்கி இவற்றில் குணம் கிட்டும்.

கீரை வகைகளில் பசளைக் கீரை நீர்ச்சுருக்கு, நீர்க் கடுப்பு நீங்க மிகவும் நல்ல உணவு. அது போலவே முளைக்கீரை, தண்டுக்கீரை, சிறுகீரை, பருப்புக்கீரை, மற்றும் புதினாக்கீரை நீர்க்கடுப்பை நீக்கக் கூடியவை.

ஜவ்வரிசி - கஞ்சி, கூழ் பாயசம், வடாம் போன்றவை பல வகைகளில் நமக்கு பயன்படும். நீர்த்தாரை, குடலில் ஏற்படும் எரிச்சலை நீக்கும். நீர்ச் சுருக்கு உள்ளவருக்கு ஏற்ற உணவு.

சிறுநீர் எரிச்சல் நீங்க ஜீரகத்தையும், கற்கண்டையும் சுவைத்துச் சாப்பிடுதல் நல்ல பயன் தரும்.

வால் மிளகைப் பசுவின் பாலில் ஊறவைத்து அரைத்துக் கலக்கிச் சாப்பிட்டு வர சிறுநீர் எரிச்சல், சிறுநீருடன் சீழ் விழுதல், நீர்த் துவார வேக்காளம் குறையும்.


நன்றி : கூடல்.காம்

radharmaa wrote:பானகம் நல்லது அதனால் தான் தண்ணீர் மோர் பந்தலில் பானகமும் இடம் பெற்றிருக்கும்

ஆமாம், அதனால் தான் வெயீல் காலத்தில் வரும் ஸ்ரீ ராம நவமிக்கு நீர்மோர் , பானகம், கோஸ் மல்லி நிவேதனம் செய்கிறோம்.

பயனுள்ள பதிவுக்கு மிக்க நன்றி ராரா , மேலும் தங்களுக்கு தெரிந்த குறிப்புகளை சேர்த்த கொலவெறி & கிறிஷ்ணாம்மாவுக்கும் நன்றி

மத்தியகிழக்கு நாடுகளில் வாகன ஓட்டுனர் , கட்டுமான பணிகளில் பணிபுரியும் நண்பர்கள் சந்திக்கும் மிகப்பெரிய பிரச்சினை இதுதான்.

ராஜா wrote:பயனுள்ள பதிவுக்கு மிக்க நன்றி ராரா , மேலும் தங்களுக்கு தெரிந்த குறிப்புகளை சேர்த்த கொலவெறி & கிறிஷ்ணாம்மாவுக்கும் நன்றி

மத்தியகிழக்கு நாடுகளில் வாகன ஓட்டுனர் , கட்டுமான பணிகளில் பணிபுரியும் நண்பர்கள் சந்திக்கும் மிகப்பெரிய பிரச்சினை இதுதான்.

அவங்க எப்போதும் ஒரு பச்சை வெங்காயம் மற்றும் ஒரு எலுமிச்சை கை இல் வைத்துக்கொள்வது அவசியம் ராஜா
சூன் ஸ்ட்ரோக் வராமல் தடுக்க வெங்காயம் உதவும், வெயீல் அதிகம் ஆனால் அதை பச்கையாகவே மெல்லனும். எலுமிச்சை சாறு குடிக்கணும் முடிந்தால் ஜூஸ் குடிக்கணும், உப்பு மற்றும் சக்கரை போட்டு

தகவலுக்கு நன்றி ரா அண்ணா!