திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

by **krishnaamma** Mon Mar 26, 2012 5:37 pm

புதுடில்லி: திருமண சட்டங்களை மத்திய அரசு மாற்றி அமைத்துள்ளது. இதன்மூலம், திருமணத்திற்கு பிறகு கணவர் பெயரில் வாங்கும் சொத்துக்களில், மனைவிக்கும் பங்கு உண்டு. இந்தத் திருத்தப்பட்ட சட்ட மசோதா, இந்த வாரம் அமைச்சரவையின் ஒப்புதலுக்கு வருகிறது.

"திருமண சட்டங்கள் திருத்த மசோதா 2010' இரண்டாண்டுகளுக்கு முன், ராஜ்யசபாவில் அறிமுகப்படுத்தப்பட்டது. பின்னர், சட்டம் மற்றும் நீதித்துறை தொடர்பான பார்லிமென்ட் நிலைக்குழுவின் பரிசீலனைக்கு அனுப்பப்பட்டது. அந்தக் குழுவும் தன் பரிந்துரைகளை அளித்தது. அவற்றில், நான்கு முக்கிய பரிந்துரைகளை மத்திய அரசு ஏற்றுக் கொண்டுள்ளது.

அதன் விவரம் வருமாறு: திருமணத்திற்கு பிறகு கணவர் பெயரில் வாங்கும் சொத்துக்களில், மனைவிக்கும் பங்கு உண்டு. அதேபோல், ஒரு குழந்தையைத் தத்தெடுத்த தம்பதியர், அதன்பின் விவாகரத்து பெற நேரிட்டால், அந்தத் தத்து குழந்தைக்கும், மற்ற குழந்தைகளைப் போல சொத்தில் பங்கு பெற உரிமை வழங்கப்பட்டுள்ளது. மேலும், ஒரு பெண் விவாகரத்து பெற்றாலும், கணவரின் சொத்துக்களில் பங்கு பெற உரிமையுண்டு. இருந்தாலும், எந்த அளவுக்கு சொத்தில் உரிமை பெறலாம் என்பதை, ஒவ்வொரு தனிப்பட்ட வழக்குகளின் அடிப்படையில் கோர்ட்டுகளே முடிவு செய்யலாம். ஒரு தம்பதியரில் விவாகரத்து கோரி கணவன் மனு தாக்கல் செய்தால், அதை மனைவியானவர் எதிர்க்கும் வகையில், புதிய சட்ட விதிகள் சேர்க்கப்பட்டுள்ளன. அதேநேரத்தில், தம்பதியரில் மனைவியானவர் விவாகரத்து கோரி கோர்ட்டை அணுகினால், கணவர் அதை எதிர்க்க முடியாது. இவ்வாறு பரிந்துரைகளில் தெரிவிக்கப்பட்டுள்ளது. இந்தத் திருத்தப்பட்ட சட்ட மசோதா, இந்த வாரம் அமைச்சரவையின் ஒப்புதலுக்கு வருகிறது.

by **krishnaamma** Mon Mar 26, 2012 5:38 pm

ஒரு தம்பதியரில் விவாகரத்து கோரி கணவன் மனு தாக்கல் செய்தால், அதை மனைவியானவர் எதிர்க்கும் வகையில், புதிய சட்ட விதிகள் சேர்க்கப்பட்டுள்ளன. அதேநேரத்தில், தம்பதியரில் மனைவியானவர் விவாகரத்து கோரி கோர்ட்டை அணுகினால், கணவர் அதை எதிர்க்க முடியாது.

எல்லாம் சரி , ஆனா இது கொஞ்சம் ஓவராய் இருக்கே ? அதிர்ச்சி

by **ரா.ரா3275** Mon Mar 26, 2012 6:03 pm

krishnaamma wrote:ஒரு தம்பதியரில் விவாகரத்து கோரி கணவன் மனு தாக்கல் செய்தால், அதை மனைவியானவர் எதிர்க்கும் வகையில், புதிய சட்ட விதிகள் சேர்க்கப்பட்டுள்ளன. அதேநேரத்தில், தம்பதியரில் மனைவியானவர் விவாகரத்து கோரி கோர்ட்டை அணுகினால், கணவர் அதை எதிர்க்க முடியாது.

எல்லாம் சரி , ஆனா இது கொஞ்சம் ஓவராய் இருக்கே ?

by சதாசிவம் Mon Mar 26, 2012 6:17 pm

மனைவி சொத்து வாங்கினால் அதில் பங்கு இருக்கிறதா ??????? அதிர்ச்சி

by யினியவன் Mon Mar 26, 2012 6:21 pm

நல்ல விஷயம் என்றுதான் தெரிகிறது - பிரச்சினைன்னு வரும்போது தான் தெரியும் யாருக்கு நல்ல விஷயம் என்று?

சொத்தை பல்லு ஒண்ணுதான் என் சொத்தா இருந்துச்சு இப்ப அதிலயும் பங்கா? வேணா முழுசாவே எடுத்துக்கட்டுமே. புன்னகை

by Sathya.M Mon Mar 26, 2012 6:52 pm

சும்மாவே அந்த ஆட்டம் போடுவாங்க .. இப்போ சலங்க வேற கட்டி விட்டிட்ட்டாங்க.. கத கந்தல் தான்..

by **krishnaamma** Mon Mar 26, 2012 8:48 pm

கொலவெறி wrote:நல்ல விஷயம் என்றுதான் தெரிகிறது - பிரச்சினைன்னு வரும்போது தான் தெரியும் யாருக்கு நல்ல விஷயம் என்று?

சொத்தை பல்லு ஒண்ணுதான் என் சொத்தா இருந்துச்சு இப்ப அதிலயும் பங்கா? வேணா முழுசாவே எடுத்துக்கட்டுமே.

by **krishnaamma** Mon Mar 26, 2012 8:48 pm

Sathya.M wrote:சும்மாவே அந்த ஆட்டம் போடுவாங்க .. இப்போ சலங்க வேற கட்டி விட்டிட்ட்டாங்க.. கத கந்தல் தான்..

ஏற்கனவே ரொம்ப நொந்து இருக்கீங்க போல புன்னகை

by அதி Mon Mar 26, 2012 10:10 pm

எல்லா பக்கமும் ஆப்பு வெச்சா பாவம் என்னதான் பண்ணுவாங்க ஆண்கள்

கொலவெறி wrote:
சொத்தை பல்லு ஒண்ணுதான் என் சொத்தா இருந்துச்சு இப்ப அதிலயும் பங்கா? வேணா முழுசாவே எடுத்துக்கட்டுமே.

by **சிவா** Mon Mar 26, 2012 10:30 pm

திருமணத்திற்கு பிறகு கணவர் பெயரில் வாங்கும் சொத்துக்களில், மனைவிக்கும் பங்கு உண்டு. அதேபோல், ஒரு குழந்தையைத் தத்தெடுத்த தம்பதியர், அதன்பின் விவாகரத்து பெற நேரிட்டால், அந்தத் தத்து குழந்தைக்கும், மற்ற குழந்தைகளைப் போல சொத்தில் பங்கு பெற உரிமை வழங்கப்பட்டுள்ளது.

விவாகரத்துக்கள் அதிகரித்து வரும் இந்நேரத்தில் பெண்கள் தங்கள் சுயகௌரவத்தை இழக்காமலும், தாய் வீட்டில் அடிமை வாழ்க்கை மேற்கொள்ளாமலும் இருக்க இந்தச் சட்டம் வழிவகுக்கிறது. மிகச் சிறந்த இந்தச் சட்டத்தை முழு மனதுடன் வரவேற்கிறேன்.

ஒரு பெண் விவாகரத்து பெற்றாலும், கணவரின் சொத்துக்களில் பங்கு பெற உரிமையுண்டு. இருந்தாலும், எந்த அளவுக்கு சொத்தில் உரிமை பெறலாம் என்பதை, ஒவ்வொரு தனிப்பட்ட வழக்குகளின் அடிப்படையில் கோர்ட்டுகளே முடிவு செய்யலாம்.

என்னதான் சட்டத் திருந்தங்கள் கொண்டுவந்தாலும், அங்கு வக்கீல்கள் மற்றும் நீதிபதிகளுக்கான லஞ்சம் வழங்கும் முறையை கவனமாகத் தேர்ந்தெடுக்கிறார்கள் என்பதற்கு இந்தச் சட்டமே சான்று. இத்தனை சதவீத சொத்து வாங்கிக் கொடுத்தால் எனக்கு இத்தனை சதவீதம் வழங்க வேண்டும் என்று கேட்டு வாங்கிக் கொள்ள வசதியாக உள்ளது.

ஒரு தம்பதியரில் விவாகரத்து கோரி கணவன் மனு தாக்கல் செய்தால், அதை மனைவியானவர் எதிர்க்கும் வகையில், புதிய சட்ட விதிகள் சேர்க்கப்பட்டுள்ளன. அதேநேரத்தில், தம்பதியரில் மனைவியானவர் விவாகரத்து கோரி கோர்ட்டை அணுகினால், கணவர் அதை எதிர்க்க முடியாது.

இந்தக் காலப் பெண்களைப் பற்றி சிறிதும் அறியாமல் இந்தச் சட்டத்தைக் கொண்டு வருகிறார்கள் என்று தோன்றுகிறது. பாவம் ஆண்கள்!

by Sponsored content

திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்

Re: திருமணத்திற்குப் பிறகு வாங்கும் சொத்தில் மனைவிக்கு பங்கு: வருகிறது புது சட்டம்